ചളിയിൽ മുങ്ങിയും തെറിവിളി കേട്ടും നാണം കെട്ടു.. ക്ഷീണം മാറ്റാൻ റഹ്മാൻ ഷോയുമായി ഫ്ളവേഴ്സ് വീണ്ടും!
കൊച്ചി: ചളിയില് മുങ്ങി കുളമായിപ്പോയ ആദ്യത്തെ പരിപാടിക്ക് ശേഷം ഫ്ളവേഴ്സ് ടിവി എആര് റഹ്മാനുമായി വീണ്ടും എത്തുന്നു. ഇന്നും നാളെയുമായുമായി കൊച്ചിയില് വെച്ച് തന്നെയാണ് ഫ്ളവേഴ്സ് വീണ്ടും പരിപാടി സംഘടിപ്പിച്ചിരിക്കുന്നത്.
അങ്കമാലിയിലെ അഡ്ലക്സ് ഇന്റര്നാഷണല് കണ്വെന്ഷന് ആന്ഡ് എക്സിബിഷന് സെന്ററിലാണ് ഇത്തവണ എആര് റഹ്മാന് പാടുന്നത്. ആദ്യം സംഘടിപ്പിച്ച പരിപാടി പൊളിഞ്ഞത് ചാനലിന് വലിയ ക്ഷീണമായിരുന്നു.
പൊട്ടിപ്പൊളിഞ്ഞ പരിപാടി
ഒരു മാസം മുന്പേ തന്നെ ചാനലിലും യൂട്യൂബിലും ഫേസ്ബുക്കിലും കൊട്ടി ഘോഷിച്ച് കൊണ്ടാണ് കഴിഞ്ഞ മാസം ഫ്ളവേഴ്സ് ടിവി എആര് റഹ്മാന് ഷോയുമായി എത്തിയത്. 500 രൂപ മുതല് അയ്യായിരം രൂപ വരെ ടിക്കറ്റ് വെച്ച് വമ്പന് പരിപാടി തന്നെയാണ് ഫ്ളവേഴ്സ് പ്ലാന് ചെയ്തത്. എആര് റഹ്മാന് ലോകമെമ്പാടും ആരാധകര് ഉള്ളത് കൊണ്ട് തന്നെ ആയിരങ്ങള് മെയ് പന്ത്രണ്ടിന് കൊച്ചിയിലേക്ക് ഒഴുകുകയും ചെയ്തു.
ചളിക്കുളമായി വേദി
എന്നാല് പരിപാടി നടക്കുന്ന സ്ഥലത്ത് എത്തിയപ്പോള് മാത്രമാണ് പണം മുടക്കി ടിക്കറ്റ് എടുത്തവര്ക്ക് പണി കിട്ടിയതായി മനസ്സിലാക്കിയത്. തൃപ്പൂണിത്തുറ ഇരുമ്പനം മൈതാനത്തായിരുന്നു പരിപാടി സംഘടിപ്പിച്ചിരുന്നത്. ആഴ്ചകളായി തുടരുന്ന മഴയില് മൈതാനം ചളിക്കുളമായി മാറിയിരുന്നു. ചളിയും വെള്ളവും നിറഞ്ഞ മൈതാനത്ത് പ്ലാസ്റ്റിക് കസേരകള് നിരത്തിയിട്ട് ലോകമറിയുന്ന സംഗീതകാരന്റെ പരിപാടി സംഘടിപ്പിച്ചിരിക്കുന്ന ദയനീയ കാഴ്ച.
മഴ നനഞ്ഞ് ആയിരങ്ങൾ
6 മണിക്ക് സമയം നിശ്ചയിച്ചിരുന്ന പരിപാടിയിലേക്ക് ഉച്ച മുതല് കൊച്ചിയിലെ ട്രാഫിക്ക് ബ്ലോക്കും കടന്നെത്തിയ ആളുകള് തീര്ത്തും നിരാശരായി. മഴ പെയ്താല് കാണികള് നനയാതിരിക്കാന് ഒരു സംവിധാനവും ഒരുക്കാത്തത് കൊണ്ട് തന്നെ മണിക്കൂറുകളോളം ആളുകള് നിന്ന് മഴ നനഞ്ഞു. സ്ത്രീകളും കുട്ടികളും അടങ്ങുന്ന ആയിരങ്ങള് ഇടിയും മിന്നലും കൊണ്ട് പരിപാടിക്കായി കാത്ത് നിന്നു.
പരിപാടി റദ്ദാക്കി
എന്നാല് ഔദ്യോഗികമായ ഒരു അറിയിപ്പ് പോലും നല്കാതെ പരിപാടി ക്യാന്സല് ചെയ്യുകയാണുണ്ടായത്. അതിനിടെ റഹ്മാന് വന്നിട്ടുണ്ടോ എന്ന സംശയം പോലും ആളുകള് ഉന്നയിച്ച് തുടങ്ങിയതോടെ സംഘാടകര് എആറിനെ വേദിയിലെത്തിക്കുകയും ചെയ്തു. വമ്പന് രീതിയില് അവതരിപ്പിക്കാന് ശ്രമിച്ച പരിപാടി പൊളിഞ്ഞത് ഏറെ ജനപ്രീതിയുള്ള ചാനലിന് വലിയ ക്ഷീണമായി മാറി.
ചാനലിന് നേർക്ക് ആക്രമണം
പണം നഷ്ടപ്പെട്ടവര് സോഷ്യല് മീഡിയയില് ചാനലിനെ കടന്നാക്രമിച്ചു. ഇതോടെ ചാനല് ഫേസ്ബുക്ക് പേജിലെ റേറ്റിംഗ് ഓപ്ഷന് നീക്കി. കമന്റ് ബോക്സും പൂട്ടി വെച്ചു. നിലം നികത്തുന്നതിന് വേണ്ടിയുള്ള തന്ത്രമായിരുന്നു ഷോയെന്നും അതിനിടെ ആക്ഷേപം ഉയര്ന്നു. പ്രതിഷേധം ഉയര്ന്നതോടെ ചാനല് മാനേജ്മെന്റ് മാപ്പുമായി രംഗത്ത് വന്നു. പണം തിരികെ നല്കുമെന്നും ഉടന് തന്നെ പരിപാടി വീണ്ടും സംഘടിപ്പിക്കുമെന്നും ഉറപ്പും നല്കി.
വീണ്ടും റഹ്മാൻ പാടുന്നു
തൊട്ട് പിന്നാലെ ജൂണ് 23, 24 തിയ്യതികളില് പരിപാടി വീണ്ടും സംഘടിപ്പിക്കുമെന്ന അറിയിപ്പ് വന്നു. അതിനിടെ ആദ്യത്തെ പരിപാടിക്ക് പണം മുടക്കിയവര്ക്ക് പലര്ക്കും പണം തിരികെ നല്കുകയും ചിലര്ക്ക് പുതിയ പരിപാടിക്ക് വേണ്ടി ആ ടിക്കററ് വീണ്ടും ഉപയോഗിക്കാനുള്ള അവസരം ഒരുക്കുകയും ചെയ്തു. എന്നാല് ഇപ്പോഴും പണം തിരിച്ച് കിട്ടിയിട്ടില്ല എന്ന് പലരും ആക്ഷേപം ഉന്നയിക്കുന്നു.
|
രണ്ട് ദിവസത്തെ ഷോ
ആദ്യ പരിപാടി പൊളിഞ്ഞത് കൊണ്ട് തന്നെ ഇത്തവണ കൂടുതല് മുന്നൊരുക്കങ്ങളുമായാണ് ഫ്ളവേഴ്സ് റഹ്മാനെയും കൊണ്ടെത്തുന്നത്. കൊച്ചിയിലെ തന്നെ ഏറ്റവും മികച്ച വേദിയായ അഡ്ലക്സ് കണ്വെന്ഷന് സെന്ററില് രണ്ട് ദിവസമായാണ് പരിപാടി നടക്കുക. ആറായിരത്തോളം ആളുകളെ ഉള്ക്കൊള്ളുന്ന ഹാള് ഫുള്ളി എയര് കണ്ടീഷന്ഡാണ്. റഹ്മാനും നൂറോളം വരുന്ന സംഘവും ഒരേ പരിപാടി തന്നെ രണ്ട് ദിവസങ്ങളിലായി അവതരിപ്പിക്കും. ഇതോടെ ആരാധകര് ആവേശത്തിലാണ്.
വീഡിയോ കാണാം
ഫ്ളവേഴ്സ് ടിവി ഒരുക്കുന്ന എആർ റഹ്മാൻ ഷോ
-
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
കൊച്ചിക്കാരുടെ വലിയ ആശങ്ക തീരുന്നു; കാത്തിരുന്ന പാലം ഉടൻ വരും, ഇടപ്പള്ളി-രാമനാട്ടുകര റീച്ച് വേഗത കൂടും! -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി
Click it and Unblock the Notifications
Sign in with Google