ഷുക്കൂര് വധക്കേസ് വിചാരണ കൊച്ചിയിലേക്ക് മാറ്റണമെന്ന് സിബിഐ; എതിര്പ്പുമായി പ്രതികള്
തലശേരി: എംഎസ്എഫ് പ്രവര്ത്തകന് അരിയില് ഷുക്കൂര് വധക്കേസ് കൊച്ചിയിലെ സിബിഐ കോടതിയിലേക്ക് മാറ്റണമെന്ന് ആവശ്യം. കേസ് അന്വേഷിച്ച സിബിഐ സംഘമാണ് തലശേരി കോടതിയില് ഇക്കാര്യം ആവശ്യപ്പെട്ടത്. പ്രതിഭാഗം ഈ ആവശ്യത്തെ എതിര്ത്തു. കേസുമായി ബന്ധപ്പെട്ട ഹര്ജികള് കോടതി ഫെബ്രുവരി 19ന് വീണ്ടും പരിഗണിക്കും.
കേസില് അടുത്തിടെ അന്വേഷണ സംഘം കുറ്റപത്രം സമര്പ്പിച്ചിരുന്നു. കുറ്റപത്രം തലശേരി കോടതി പരിഗണിക്കുകയാണ്. ഈ വേളയിലാണ് സിബിഐ പുതിയ ആവശ്യം ഉന്നയിച്ചത്. ആറ് പ്രതികള് വിടുതല് ഹര്ജി നല്കിയിട്ടുണ്ട്. ഇവയെല്ലാം 19ന് കോടതി വീണ്ടും പരിഗണിക്കും.
ഷുക്കൂറിന്റെ കുടുംബവും കേസിന്റെ വിചാരണ കണ്ണൂരില് നിന്ന് മാറ്റണമെന്ന് ആവശ്യപ്പെട്ടിരുന്നു. പ്രതിപ്പട്ടികയിലുള്ള ടിവി രാജേഷ് എംഎല്എ കോടതിയില് ഹാജരായി. എന്നാല് സിപിഎം ജില്ലാ സെക്രട്ടറി പി ജയരാജന് വ്യാഴാഴ്ച എത്തിയില്ല. കുറ്റപത്രം സമര്പ്പിച്ച സാഹചര്യത്തില് വിചാരണ മാറ്റേണ്ടതില്ലെന്നാണ് പ്രതിഭാഗം കോടതിയില് അഭിപ്രായപ്പെട്ടത്. എവിടെ വിചാരണ നടക്കുന്നു എന്നതില് ആശങ്കയില്ലെന്ന് പ്രതിഭാഗം അഭിഭാഷകന് കോടതിക്ക് പുറത്ത് മാധ്യമങ്ങളോട് പറഞ്ഞു.
പി ജയരാജന്, ടിവി രാജേഷ് എന്നിവരുള്പ്പെടെ ആറ് പ്രതികളുടെ പേരില് ഗൂഢാലോചന കുറ്റം ചുമത്തിയാണ് സിബിഐ സംഘം കുറ്റപത്രം സമര്പ്പിച്ചിരിക്കുന്നത്. ഇരുവരും യഥാക്രമം 32, 33 പ്രതികളാണ്.
കേസിലെ ആദ്യ രണ്ട് സാക്ഷികള് മുസ്ലിം ലീഗ് പ്രവര്ത്തകരാണെന്ന് പ്രതിഭാഗം അഭിഭാഷകന് പറഞ്ഞു. ഇവരില് ഒരാളെ മാത്രമാണ് ചോദ്യം ചെയ്തത്. ഇതില് ദുരൂഹതയുണ്ടെന്നും അഭിഭാഷകന് പറഞ്ഞു. ലോക്സഭാ തിരഞ്ഞെടുപ്പ് അടുത്തുവരവെ വധക്കേസില് പ്രതി ചേര്ക്കപ്പെട്ടത് ജയരാജന് കനത്ത തിരിച്ചടിയാണ്. ജയരാജന് തിരഞ്ഞെടുപ്പില് മല്സരിക്കുമെന്ന് പ്രചാരണമുണ്ടായിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google