Click it and Unblock the Notifications
Just In
Don't Miss
-
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
പരാതിയില്‍ നടപടി സ്വീകരിച്ചില്ല, സിറ്റിങ്ങിന് ഹാജരായില്ല,കലക്ടര്‍ക്കെതിരെ അറസ്റ്റ് വാറന്റ്
നേരിട്ട് ഹാജരാകാന്‍ ആവശ്യപ്പെട്ട് നോട്ടീസ് നല്‍കിയിരുന്നിട്ടും പാലിക്കാതിരുന്നതിന്‍റെ പേരിലാണ് കലക്ടര്‍ക്കെതിരെ അറസ്റ്റ് വാറന്റ് പുറപ്പെടുവിച്ചത്.
തൃശ്ശൂര്‍ : മൂന്നരക്കോടി രൂപയുടെ കളിമണ്ണ് കടത്തുന്നതിനെക്കുറിച്ച് വിവരം നല്‍കിയിട്ടും നടപടി സ്വീകരിക്കാത്തതിന്റെ പേരില്‍ തൃശ്ശൂര്‍ ജില്ലാകലക്ടര്‍ ഡോ എ കൗശികിനെതിരെ ലോകായുക്തയുടെ അറസ്റ്റ് വാറന്റ്. തിങ്കളാഴ്ച ലോകായുക്തയ്ക്ക് മുന്നില്‍ നേരിട്ട് ഹാജരാകാന്‍ ആവശ്യപ്പെട്ട് നോട്ടീസ് നല്‍കിയിരുന്നിട്ടും പാലിക്കാതിരുന്നതിന്‍റെ പേരിലാണ് അറസ്റ്റ് വാറന്റ് പുറപ്പെടുവിച്ചിട്ടുള്ളത്.
ലോകായുക്തയുടെ നോട്ടീസ് കലക്ട്രേറ്റില് ലഭിച്ചിരുന്നില്ലെന്ന് കലക്ടര്‍ അറിയിച്ചു. അറസ്റ്റ് വാറന്റ് പിന്‍വലിക്കുന്നതിനായി അപേക്ഷ നല്‍കുമെന്നും അദ്ദേഹം വ്യക്തമാക്കി. സിറ്റി പോലീസ് കമ്മീഷണറോടാണ് കലക്ടറെ അറസ്റ്റ് ചെയ്യാന്‍ ആവശ്യപ്പെട്ടത്.
മണ്ണ് കടത്തിയ കേസില്‍ നടപടി സ്വീകരിച്ചില്ല
ആമ്പല്ലൂര്‍ കണ്ണംകുറ്റി ആലുക്കല്‍ ഭഗവതി ക്ഷേത്ര പരിസരത്ത് നടത്തിയ മണ്ണുഖനനത്തെക്കുറിച്ച് പരാതി ലഭിച്ചിട്ടും കലക്ടര്‍ നടപടി സ്വീകരിച്ചില്ലെന്ന ലോകായുക്തയ്ക്ക് പരാതി ലഭിച്ചിരുന്നു.
പരാതി നല്‍കിയിരുന്നു
ക്ഷേത്രക്കുളം കുഴിച്ചതിന്റെ പേരില്‍ മൂന്നരക്കോടി രൂപയുടെ മണ്ണ് കടത്തിയെന്നു കാണിച്ച് പൊതുപ്രവര്‍ത്തകനായ പിഎന്‍ മുകുന്ദനാണ് ലോകായുക്തയ്ക്ക് പരാതി നല്‍കിയത്.
നേരിട്ട് ഹാജരാകാന്‍ നോട്ടീസ് നല്‍കി
മണ്ണ് ഖനനത്തെക്കുറിച്ചുള്ള പരാതിയില്‍ കലക്ടറോട് നേരിട്ട് ഹാജരാവാന്‍ ലോകായുക്ത നോട്ടീസ് നല്‍കിയിരുന്നു. എന്നാല്‍ ഡിവിഷന്‍ ബഞ്ചിന്റെ സിറ്റിങ്ങിന് കലക്ടര്‍ ഹാജരായിരുന്നില്ല.
അറസ്റ്റ് ചെയ്യാന്‍ നിര്‍ദേശം
സിറ്റിങ്ങിന് ഹാജരാകാത്തതിനെത്തുടര്‍ന്നാണ് കലക്ടറെ അറസ്റ്റ് ചെയ്യാന്‍ ലോകായുക്ത നിര്‍ദേശിച്ചത്. ജസ്റ്റിസ് പയസ് സി കുര്യാക്കോസും ജസ്റ്റിസ് എകെ ബഷീറും അടങ്ങുന്ന ഡിവിഷന്‍ ബഞ്ചാണ് അറസ്റ്റ് വാറന്റ് പുറപ്പെടുവിച്ചത്.
നോട്ടീസ് ലഭിച്ചിരുന്നില്ല
ലോകായുക്തയുടെ നോട്ടീസ് കലക്ട്രേറ്റില് ലഭിച്ചിരുന്നില്ലെന്ന് കലക്ടര്‍ പറയുന്നു. അറസ്റ്റ് വാറന്റ് പിന്‍വലിക്കുന്നതിനുള്ള അപേക്ഷ നല്‍കുമെന്നും കലക്ടര്‍ അറിയിച്ചു.
നടപടി സ്വീകരിച്ചു വരികയാണെന്ന് കലക്ടര്‍
കൃഷി ചെയ്ത് വരുന്ന നെല്‍പ്പാടത്തില്‍ നിന്ന് കുളം നിര്‍മ്മാണത്തിന്റെ പേരില്‍ അനുമതിയില്ലാതെ കളിമണ്ണ് കടത്തിയെന്നും ഇതിനെക്കുറിച്ച് കലക്ടര്‍ക്ക് പരാതി നല്‍കിയിരുന്നവെങ്കിലും നടപടി സ്വീകരിച്ചില്ലെന്ന് കാണിച്ചാണ് ലോകായുക്തയ്ക്ക് പരാതി നല്‍കിയത്. പരാതിയെക്കുറിച്ച് വിശദമായി അന്വേഷിച്ച് നടപടി സ്വീകരിച്ച് വരികയാണെന്ന് കലക്ടര്‍ വ്യക്തമാക്കിയിട്ടുണ്ട്.
