ഗുരുവായൂര് ക്ഷേത്രത്തിലെ ദൃശ്യങ്ങള് പ്രചരിപ്പിച്ചു; ജസ്ന സലീമിനെതിരെ കലാപശ്രമത്തിന് കേസ്
തൃശൂര്: ചിത്രകാരി ജസ്ന സലീമിനെതിരേ കേസെടുത്ത് ഗുരുവായൂര് ടെംപിള് പൊലീസ്. ഗുരുവായൂര് ക്ഷേത്രത്തില് ഹൈക്കോടതി ഉത്തരവ് ലംഘിച്ചു എന്ന പരാതിയില് ആണ് ജസ്ന സലീമിനെതിരേ പൊലീസ് കേസെടുത്തിരിക്കുന്നത്. ഗുരുവായൂര് ദേവസ്വം ബോര്ഡ് ആണ് ജസ്ന സലീമിനെതിരെ പരാതി നല്കിയത്. ക്ഷേത്രനടപ്പുരയില് ഹൈക്കോടതി ഉത്തരവ് ലംഘിച്ച് വീഡിയോ എടുത്ത് പ്രചരിപ്പിച്ചു എന്നാണ് ജസ്നയ്ക്കെതിരായ പരാതി.
കലാപശ്രമം ഉള്പ്പെടെ ചുമത്തിയാണ് പൊലീസ് ജസ്ന സലീമിനെതിരെ കേസെടുത്തിരിക്കുന്നത്. കിഴക്കേനടയില് കൃഷ്ണ വിഗ്രഹത്തില് മാല ചാര്ത്തി ദൃശ്യങ്ങളെടുത്ത് പ്രചരിപ്പിച്ചു എന്നാണ് പൊലീസിന്റെ പ്രാഥമികാന്വേഷണ റിപ്പോര്ട്ടില് ഉള്ളത്. കൃഷ്ണഭക്ത എന്ന നിലയില് നേരത്തെ തന്നെ ശ്രദ്ധിക്കപ്പെട്ടിട്ടുള്ളയാളാണ് ജസ്ന. കൃഷ്ണന്റെ ചിത്രങ്ങള് വരച്ചാണ് വൈറലാകുന്നത്.
നേരത്തേ ഗുരുവായൂര് ക്ഷേത്രത്തിന് മുന്നില് വെച്ച് കേക്ക് മുറിക്കുന്നത് അടക്കമുള്ള ദൃശ്യങ്ങള് സോഷ്യല് മീഡിയയില് പങ്ക് വെച്ച ജസ്നയുടെ നടപടിയും വിവാദത്തിലായിരുന്നു. ഈ സംഭവത്തില് ഗുരുവായൂര് ക്ഷേത്രം നല്കിയ പരാതിയില് ഹൈക്കോടതി ശക്തമായ നിലപാട് സ്വീകരിച്ചിരുന്നു. ക്ഷേത്രങ്ങള് ഭക്തര്ക്കുള്ള ഇടമാണ് എന്നും അവിടെ വെച്ച് ഇത്തരത്തില് ചിത്രങ്ങളെടുത്ത് പ്രചരിപ്പിക്കുന്നത് അംഗീകരിക്കാനാവില്ലെന്നും ഹൈക്കോടതി പറഞ്ഞിരുന്നു.
ഗുരുവായൂര് ക്ഷേത്ര നടപ്പന്തലില് വിഡിയോ ചിത്രീകരണത്തിന് ഹൈക്കോടതി നിയന്ത്രണമേര്പ്പെടുത്തിയതും ഇതിന് പിന്നാലെയാണ്. ജസ്ന സലീം ക്ഷേത്ര പരിസരത്ത് പിറന്നാള് കേക്ക് മുറിച്ചതും ക്ഷേത്രത്തിലെത്തിയ മറ്റു ഭക്തരുമായി തര്ക്കത്തിലേര്പ്പെടുന്നതും ചൂണ്ടിക്കാട്ടി ഇവര്ക്കെതിരെ നടപടി എടുക്കണമെന്ന് ആവശ്യപ്പെട്ട് പി പി വേണുഗോപാല്, ബബിത മോള് എന്നിവര് ആയിരുന്നു അന്ന് ഹൈക്കോടതിയെ സമീപിച്ചത്.
ജസ്ന നിരന്തരമായി ക്ഷേത്രാചാരങ്ങള് ലംഘിക്കുകയാണെന്നു ഹര്ജിയില് ആരോപിച്ചിരുന്നു. ഇതോടെയാണ് വിവാഹ ചടങ്ങുകള്ക്കും മറ്റു മതപരമായ ചടങ്ങുകള്ക്കുമല്ലാതെ ഗുരുവായൂര് ക്ഷേത്രം നടപ്പന്തലിലെ വിഡിയോഗ്രാഫി പൂര്ണമായി നിരോധിച്ചുകൊണ്ടാണ് ഹൈക്കോടതി ഉത്തരവ് ഇറക്കിയത്. കിഴക്കേ നടയിലെ ദീപസ്തംഭത്തിന് സമീപത്ത് കൂടി ക്ഷേത്രത്തിന്റെ ഉള്വശം ചിത്രീകരിക്കുന്നതും തടഞ്ഞിട്ടുണ്ട്.
ഇതിന് പിന്നാലെയാണ് കഴിഞ്ഞ മാസം കിഴക്കേ നടയിലെ ദീപസ്തംഭത്തിന് അടുത്തുള്ള കാണിക്കയ്ക്ക് മുകളിലുള്ള കൃഷ്ണ വിഗ്രഹത്തില് ജസ്ന മാല ചാര്ത്തുകയും ഇതിന്റെ ദൃശ്യങ്ങള് പ്രചരിപ്പിക്കുകയും ചെയ്തത്. ഇതിനെ തുടര്ന്ന് ഗുരുവായൂര് ദേവസ്വം ബോര്ഡ് നല്കിയ പരാതിയില് ആണ് കലാപശ്രമം ഉള്പ്പെടെ ചുമത്തി ഗുരുവായൂര് പൊലീസ് കേസെടുത്തിരിക്കുന്നത്.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google