കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആസിഫ് അലി സിനിമ: ശിവസേന വര്‍ഗീയ നിറം പകരുന്നെന്ന് ഫാന്‍സ്

  • By Aswathi
Google Oneindia Malayalam News

ആസിഫ് അലി നായകനായ 'ഹായ് അയാം ടോണി'യെ സംബന്ധിച്ച് ഫേസ്ബുക്ക് പോസ്റ്റുകളും തുടര്‍ന്നു വന്ന വിവാദവും വര്‍ഗീയതയിലേക്ക് തിരിയുന്നു. സംഭവത്തില്‍ ശിവസേന ഇടപെട്ടതോടെയാണ് വിവാദം പുതിയ വഴിത്തിരിവിലേക്ക് നീങ്ങുന്നത്.

സിനിമയ്‌ക്കെതിരെയും നടന്‍ ആസിഫ് അലിയ്‌ക്കെതിരിയെയും റാലി നടത്തിയ ശിവസേനയുടെ നടപടിക്കെതിരെ ആസിഫ് അലി ഫാന്‍സ് ഫേസ്ബുക്കില്‍ പോസ്റ്റിട്ടു. സംഭവത്തിന് ശിവസേന വര്‍ഗീയ നിറം പകരുകയാണെന്ന് ആസിഫ് അലി ആരാധകര്‍ ആരോപണം ഉന്നയിക്കുന്നു.

asif-ali

ജൂനിയര്‍ ലാല്‍ സംവിധാനം ചെയ്ത ഹായ് അയാം ടോണി എന്ന ചിത്രം മോശമാണെന്നു പറയുകയും ചിത്രത്തിന്റെ ക്ലൈമാക്‌സ് പരസ്യമാക്കുകയും ചെയ്ത പെണ്‍കുട്ടികളെ ആസിഫ് അലി ഫാന്‍സ് തേടിപ്പിടിച്ച് ആക്രമിച്ചതിന് പിന്നാലെയാണ് ശിവസേന പ്രവര്‍ത്തകര്‍ റാലിയുമായി രംഗത്ത് വന്നത്. ആസിഫ് അലിയുടെ സിനിമകള്‍ തൃശ്ശൂരില്‍ നിരോധിക്കണമെന്ന് ആവശ്യപ്പെട്ട് ബാനറും തൂക്കിപ്പിടിച്ചായിരുന്നു പ്രതിഷേധ റാലി.

സിനിമ മോശമാണെന്ന് അഭിപ്രായമിട്ടതുകൂടാതെ സിനിമയുടെ ക്ലൈമാക്‌സും പെണ്‍കുട്ടികള്‍ വെൡപ്പടുത്തിയിരുന്നു. സംഭവം ഫേസ്ബുക്കില്‍ വിവാദമാകുകയും എന്തും നേരില്‍ പറയാന്‍ പെണ്‍കുട്ടി ആസിഫ് അലി ഫാന്‍സിനെ വെല്ലുവിളിക്കുകയും ചെയ്തു. നേരില്‍ക്കണ്ടപ്പോള്‍ ഫാന്‍സ് ആക്രമിച്ചെന്ന് കാണിച്ച് പെണ്‍കുട്ടികള്‍ പൊലീസ് സ്‌റ്റേഷനില്‍ പരാതി നല്‍കുകയും പത്ര സമ്മേളനം വിളിക്കുകയും ചെയ്തതോടെയാണ് സംഭവം വഷളായത്.

English summary
Asif Ali fans against Shiva Sena
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X