കേരളത്തിലെ മാലിന്യം തൂത്തെറിയാൻ ബിജെപി വേണം: കേന്ദ്ര മന്ത്രി സുരേഷ് പ്രഭു പറയുന്നു
ആലപ്പുഴ: ഇടതും വലതും മാറി മാറി ഭരിച്ച് കേരളത്തിൽ മാലിന്യം നിറഞ്ഞു. അത് തൂത്തെറിയാൻ ബിജെപിയ്ക്കേ സാധിക്കൂ. നിങ്ങൾ ബിജെപിയ്ക്ക് ഒരവസരം തന്നു നോക്കൂ. - കേന്ദ്ര റെയിൽവേ മന്ത്രി സുരേഷ് പ്രഭുവിന്റേതാണ് വാക്കുകൾ.
എൽഡിഎഫിനും യുഡിഎഫിനും ആദർശമില്ല. കൊലപാതക രാഷ്ട്രീയത്തിലാണ് എൽഡിഎഫുകാരുടെ ശ്രദ്ധ. യുഡിഎഫുകാർക്ക് താത്പര്യം അഴിമതിയിലാണ്. ഇരു കൂട്ടർക്കും മറുപടി നൽകാൻ ജനങ്ങൾക്ക് കിട്ടിയ അവസരമാണ് ഈ തിരഞ്ഞെടുപ്പ്- സുരേഷ് പ്രഭു പറഞ്ഞു.
ഈ തിരഞ്ഞെടുപ്പിൽ എൻഡിഎ ജയിച്ചാൽ മേക്ക് ഇൻ ഇന്ത്യ നയിക്കുന്നത് കേരളമായിരിക്കും. കേന്ദ്രത്തിൽ നിന്ന് കേരളത്തിന് അർഹതപ്പെട്ട പലതും കിട്ടാതെ പോയത് ഇരുമുന്നണികളുടേയും ഭരണം മൂലമാണ്. ആലപ്പുഴ ജില്ലയിലെ വിവിധ കേന്ദ്രങ്ങളിൽ എൻ ഡി എതിരഞ്ഞെടുപ്പ് യോഗങ്ങളിൽ പ്രസംഗിക്കുകയായിരുന്നു കേന്ദ്ര മന്ത്രി.
ബിജെപിയുടെ തിരഞ്ഞെടുപ്പ് പ്രചാരണത്തിനായി കേന്ദ്ര മന്ത്രിമാരുടേയും ദേശീയ നേതാക്കളുടേയും വന് നിര തന്നെയാണ് കേരളത്തിലെത്തിയിട്ടുള്ളത്.