ഒടുവില് സിപിഎം വിഎസിനെ തള്ളി... പിണറായി തന്നെ കേരളത്തിന്റെ മുഖ്യന്
തിരുവനന്തപുരം: തിരഞ്ഞെടുപ്പില് മികച്ച വിജയം നേടിയതോടെ സിപിഎം സംസ്ഥാന നേതൃത്വം വിഎസ് അച്യുതാനന്ദനെ തീര്ത്തും തള്ളി. കേരളത്തിന്റെ മുഖ്യമന്ത്രി പിണറായി വിജയന് തന്നെ ആകുമെന്ന് വ്യക്തമായി.
പാര്ട്ടിയുടെ തീരുമാനം വിഎസ് അച്യുതാനന്ദനെ അറിയിച്ചു. ഇത് സംബന്ധിച്ച് വിഎസ് അച്യുതാനന്ദന്റെ പ്രതികരണം ലഭ്യമായിട്ടില്ല.
സിപിഎം സംസ്ഥാന സെക്രട്ടേറിയറ്റ് യോഗത്തിലാണ് തീരുമാനം വന്നിട്ടുള്ളത്. ഇത് ഇനി സംസ്ഥാന സമിതിയുടെ പരിഗണനയില് വരും. സംസ്ഥാന സമിതി ആയിരിക്കും ഇക്കാര്യത്തില് അന്തിമ തീരുമാനം എടുക്കുക. പിന്നീട് ഇടതുമുന്നണി യോഗവും സാങ്കേതികമായി ഈ തീരുമാനം അംഗീകരിയ്ക്കേണ്ടതുണ്ട്.
മുഖ്യമന്ത്രിയാകാന് വിഎസ് താത്പര്യം പ്രകടിപ്പിച്ചു എന്നായിരുന്നു വാര്ത്തകള് വന്നിരുന്നത്. ആറ് മാസമെങ്കിലം മുഖ്യമന്ത്രി സ്ഥാനത്ത് ഇരിയ്ക്കണം എന്നായിന്നത്രെ വിഎസിന്റെ ആവശ്യം. എന്നാല് ആ ആവശ്യവും പരിഗണിയ്ക്കപ്പെട്ടില്ല എന്നാണ് റിപ്പോര്ട്ടുകള്.
Click it and Unblock the Notifications
Sign in with Google