'അപ്പൂപ്പനും മുത്തശ്ശിയും അച്ഛനും അമ്മയും വോട്ട് ചെയ്തു...' കെസിയ്ക്ക് ഇരിക്കൂറിന്റെ 'പണി'
കണ്ണൂര്: ഇരിക്കൂര് മണ്ഡലത്തില് ഇത്തവണയും കെസി ജോസഫ് തന്നെ ആയിരിയ്ക്കും കോണ്ഗ്രസ് സ്ഥാനാര്ത്ഥി എന്നാണ് റിപ്പോര്ട്ടുകള്. സാംസ്കാരിക വകുപ്പ് മന്ത്രിയായ കെസി ജോസഫ് ഉമ്മന് ചാണ്ടിയുടെ ഏറ്റവും അടുത്ത വിശ്വസ്തരില് ഒരാള് കൂടിയാണ്.
ഇരിക്കൂറുകാരനല്ലാത്ത കെസി ജോസഫ് ഇതുവരെ ഏഴ് തവണ ആ മണ്ഡലത്തില് നിന്ന് മത്സരിച്ചിട്ടുണ്ട്. ഇത്തവണയും കെസ് ജോസഫ് തന്നെ അവിടെ നിന്ന് മത്സരിയ്ക്കുകയാണെങ്കില് എന്തായിരിയ്ക്കും അവിടത്തെ യുവ കോണ്ഗ്രസ് നേതാക്കളുടെ അവസ്ഥ?
വെറുതേയിരിയ്ക്കാന് അവര് തയ്യാറല്ല. കെസി ജോസഫിന് എട്ടിന്റെ പണിയാണ് പോസ്റ്ററുകളിലൂടെ യുവ നേതാക്കള് നല്കിക്കൊണ്ടിരിയ്ക്കുന്നത്.
കെസി മാറി നില്ക്കണം
കെസി ജോസഫ് ഇത്തവണ ഇരിക്കൂറില് മത്സരിയ്ക്കരുതെന്ന് നേരത്തേ തന്നെ യുവജന വിഭാഗം ആവശ്യം ഉന്നയിച്ചിരുന്നു.
അപ്പൂപ്പനും മുത്തശ്ശിയും
എന്റെ അപ്പൂപ്പനും എന്റെ മുത്തശ്ശിയും എന്റെ അച്ഛനും എന്റെ അമ്മയും ഇയാള്ക്ക് വോട്ട് ചെയ്തു. ഇനി ഞാനും ഇയാള്ക്ക് വോട്ട് ചെയ്യണോ? ഒരു സ്കൂള് വിദ്യാര്ത്ഥി ചോദിയ്ക്കുന്ന തരത്തിലുള്ള ഈ പോസ്റ്റര് പ്രത്യക്ഷപ്പെട്ടത് ഇരിക്കൂര് മണ്ഡലം കെഎസ് യു യൂത്ത് കോണ്ഗ്രസ് കമ്മിറ്റിയുടെ പേരിലാണ്.
35 വര്ഷമായില്ലേ...
35 വര്ഷമായില്ലേ സാര്... ഇനിയെങ്കിലും മത്സരത്തില് നിന്ന് ഒന്ന് മാറിക്കൂടെ എന്ന് ചോദിച്ചും പോസ്റ്റര് പ്രത്യക്ഷപ്പെട്ടിട്ടുണ്ട്. ചെങ്കൊടി വിജയിച്ചുകാണാന് ആഗ്രഹമില്ലാത്ത കോണ്ഗ്രസ്സുകാര് എന്ന പേരിലാണ് ഈ പോസ്റ്റര്.
വാടകവീട് പോലും ഇല്ലാത്ത.
ഇരിക്കൂര് മണ്ഡലത്തില് ഒരു വാടക വീട് പോലും ഇല്ലാതെ തങ്ങളെ നോവിച്ച് മതിയായില്ലേ എന്നാണ് മറ്റൊരു പോസ്റ്ററിലെ ചോദ്യം.
ഇത്തവണയും
ഇത്തവണയും കെസി ജോസഫിന്റെ പേര് തന്നെയാണ് ഇരിക്കൂര് മണ്ഡലത്തില് ഉയര്ന്ന് കേള്ക്കുന്നത്. കോണ്ഗ്രസ്സിന്റെ കോട്ടയായ മണ്ഡലം സുരക്ഷിതമാണെന്ന കാഴ്ചപ്പാടിലാണ് കെസി ജോസഫും.