Click it and Unblock the Notifications
Just In
Don't Miss
-
ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര് -
പടവലങ്ങയുണ്ടോ നിലക്കടലയോ : രണ്ടും ചേര്ത്ത് കിടിലന് ടേസ്റ്റില് തോരന് -
അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സീറ്റ് കിട്ടാത്തവരെ സമാധാനിപ്പിച്ച് എകെ ആന്റണി, അവസരം ഇനിയും വരും!
ആലപ്പുഴ: കപ്പിനും ചുണ്ടിനും ഇടയില്‍ സ്ഥാനാര്‍ത്ഥിത്വം നഷ്ടമായവര്‍ ഏറെയുണ്ട്. അതുപോലെ മുറിവേറ്റവരും. അവര്‍ കാത്തിരിക്കണം. ഇനിയും അവസരം വരും. - കോണ്‍ഗ്രസ് ദേശിയ പ്രവര്‍ത്തക സമിതിയംഗം എ.കെ.ആന്റണിയുടേതാണ് വാക്കുകള്‍. ആലപ്പുഴ ജില്ലാ കോണ്‍ഗ്രസ് കമ്മിറ്റിയുടെ ആസ്ഥാന മന്ദിരമായ ആര്‍.ശങ്കര്‍ കോണ്‍ഗ്രസ് ഭവന്റെ ഉദ്ഘാടനച്ചടങ്ങിനിടെയാണ് ആന്റണിയുടെ ആശ്വാസവാക്കുകള്‍.
സ്ഥാനാര്‍ത്ഥിത്വം നഷ്ടപ്പെട്ട ആലപ്പുഴ ഡി.സി.സി.പ്രസിഡന്റ് എ.എ ഷുക്കൂറിന്റെ സാന്നിധ്യത്തിലായിരുന്നു ഇത്. അരുവിക്കരയുടെ അന്തരീക്ഷമല്ല ഇപ്പോള്‍. പോരാട്ടം ഒപ്പത്തിനൊപ്പമാണ്. അതിനാല്‍ എല്ലാവരും ഒറ്റക്കെട്ടായി നില്‍ക്കണം .എങ്കില്‍ മാത്രമെ തുടര്‍ ഭരണം കിട്ടൂ. സ്ഥാനാര്‍ത്ഥിത്വം നഷ്ടമായതിന്റെ പേരില്‍ ചിലര്‍ കാലു വാരുമെന്ന ആശങ്ക കോണ്‍ഗ്രസിനിടയില്‍ തന്നെയുണ്ട്. ഇതാണ് ആന്റണിയുടെ ഈ അനുനയ നീക്കത്തിന് പിന്നിലെന്നാണ് വിവരം.
എ എ ഷുക്കൂറിന് അനുകൂലമായി ആലപ്പുഴയുടെ പല ഭാഗങ്ങളിലും ഇപ്പോഴും പോസ്റ്ററുകള്‍ പ്രത്യക്ഷപ്പെടുന്നുണ്ട്. ആലപ്പുഴ മണ്ഡലത്തിലെ യുഡിഎഫ് സ്ഥാനാര്‍ത്ഥി ലാലി വിന്‍സെന്റിന്റെ പ്രചാരണ സ്ഥലത്തുപോലും ഷുക്കൂര്‍ അനുകൂല നോട്ടീസുകള്‍ ഇറങ്ങിയിരുന്നു. ഇതൊക്കെ കണക്കിലെടുത്താണ് ആന്റണിയുടെ പരാമര്‍ശമെന്നാണ് വിവരം.
കോണ്‍ഗ്രസുകാരെ സമാധാനിപ്പിച്ചതിനൊപ്പം വി എസിനെ കടന്നാക്രമിക്കാനും ആന്റണി മറന്നില്ല. ടി പി ചന്ദ്രശേഖരന്‍ വിഷയത്തില്‍ വി എസ് അച്യുതാനന്ദന് പോലും തിരഞ്ഞെടുപ്പ് അടുത്തപ്പോള്‍ മിണ്ടാട്ടം മുട്ടി. ടി പി യെക്കുറിച്ച് സഹതപിക്കാന്‍ പോലും വി എസ് തയ്യാറായില്ല. ശ്രീ നാരായണ ഗുരുവിന്റെ നാട്ടില്‍ വര്‍ഗീയ വാദികളായ ബി ജെ പി യെ അക്കൗണ്ട് തുറപ്പിക്കരുതെന്നും ആന്റണി പറഞ്ഞു.
