'വെളിവും ബോധവുമുള്ള ബാക്കി ആണുങ്ങളെ കൂടി നാണംകെടുത്തും'; സവാദിന് സ്വീകരണം കൊടുത്തതില് അശ്വതി
കൊച്ചി: കെ എസ് ആര് ടി സി ബസില് നഗ്നതാ പ്രദര്ശനം നടത്തിയതിന് അറസ്റ്റിലായ യുവാവിന് ജാമ്യം ലഭിച്ചതിന് പിന്നാലെ ഓള് കേരള മെന്സ് അസോസിയേഷന് എന്ന സംഘടന നല്കിയ സ്വീകരണത്തിന് വിമര്ശനുമായി നടിയും അവതാരകയുമായ അശ്വതി ശ്രീകാന്ത്. സവാദ് എന്ന യുവാവിനെ ആണ് കെ എസ് ആര് ടി സി ബസില് നഗ്നതാ പ്രദര്ശനം നടത്തിയതിന് പൊലീസ് അറസ്റ്റ് ചെയ്തത്.
ഇയാള്ക്ക് കഴിഞ്ഞ ദിവസം ജാമ്യം ലഭിച്ചിരുന്നു. ആലുവ സബ് ജയിലില് നിന്ന് പുറത്തിറങ്ങിയ സവാദിനെ പൂമാലയണിയിച്ചാണ് ഓള് കേരള മെന്സ് അസോസിയേഷന് എന്ന സംഘടനാ പ്രവര്ത്തകര് സ്വീകരിച്ചത്. ഈ വാര്ത്തയുടെ പകര്പ്പ് പങ്ക് വെച്ച് കൊണ്ടാണ് അശ്വതി ശ്രീകാന്ത് വിമര്ശനവുമായി രംഗത്തെത്തിയത്. തന്റെ ഇന്സ്റ്റഗ്രാം അക്കൗണ്ടിലൂടെയാണ് അശ്വതി ശ്രീകാന്തിന്റെ പ്രതികരണം.
സവാദിന് സ്വീകരണം കൊടുത്തതില് അല്ല, 'ഓള് കേരള മെന്സ് അസോസിയേഷന്' എന്നൊക്കെ പറഞ്ഞു വെളിവും ബോധവും ഉള്ള ബാക്കി ആണുങ്ങളെ കൂടി നാണം കെടുത്താന് ശ്രമിക്കുന്നതിലാണ് സങ്കടം എന്നാണ് അശ്വതി ശ്രീകാന്ത് പറഞ്ഞത്. ഇതിന് പിന്നാലെ അശ്വതി ശ്രീകാന്തിനെ അനുകൂലിച്ചും എതിര്ത്തും നിരവധി പേര് കമന്റുമായി രംഗത്തെത്തുകയും ചെയ്തു.
ഓള് കേരള മെന്സ് അസോസിയേഷന് പ്രവര്ത്തകര് നടത്തിയ സ്വീകരണത്തെ അനുകൂലിച്ച് കൊണ്ടാണ് ഭൂരിഭാഗം പേരും കമന്റ് ചെയ്തിരിക്കുന്നത്. ഇതോടെ 'എന്റെ ഭാഗത്തും തെറ്റുണ്ട്. ഈ സംഘടനയില് ഇത്രേം ആളുണ്ടെന്ന് എനിക്ക് അറിയില്ലാരുന്നു. കമന്റ് ബോക്സ് അവര് കൈയടക്കി ഗയ്സ് ! ഞാന് പോണ്... ബൈ!', എന്നാണ് അശ്വതി ശ്രീകാന്ത് തന്നെ ഇതിന് താഴെ കമന്റ് ചെയ്തിരിക്കുന്നത്.
കോഴിക്കോട് സ്വദേശി സവാദിന് ഓള് കേരള മെന്സ് അസോസിയേഷന് പ്രസിഡന്റ് വട്ടിയൂര്കാവ് അജിത്തിന്റെ നേതൃത്വത്തിലാണ് ആലുവ സബ്ജയിലിന് പുറത്ത് സ്വീകരണം നല്കിയത്. ജയിലില് നിന്നും പുറത്തിറങ്ങിയ സവാദിനെ അജിത് കുമാറിന്റെ നേതൃത്വത്തില് പൂമാലയണിയിച്ചാണ് സ്വീകരിച്ചത്. കഴിഞ്ഞ ദിവസം എറണാകുളം അഡീഷണല് സെഷന്സ് കോടതിയാണ് ഉപാധികളോടെയാണ് സവാദിന് ജാമ്യം അനുവദിച്ചത്.
സവാദിനെ അറസ്റ്റ് ചെയ്തതിന് പിന്നാലെ പരാതിക്കാരിക്ക് എതിരെ ഓള് കേരള മെന്സ് അസോസിയേഷന് രംഗത്തെത്തിയിരുന്നു. സമൂഹത്തില് പ്രശസ്തി ലഭിക്കുന്നതിന് വേണ്ടിയാണ് യുവതി പരാതി ഉന്നയിച്ചത് എന്നായിരുന്നു അസോസിയേഷന് പ്രസിഡന്റ് അജിത് കുമാര് ആരോപിച്ചിരുന്നത്. പരാതിക്കാരിയെ നുണപരിശോധനക്ക് വിധേയയാക്കണമെന്ന് ആവശ്യപ്പെട്ട് ഓള് കേരള മെന്സ് അസോസിയേഷന് ഡി ജി പിക്ക് പരാതി നല്കിയിരിക്കുകയാണ്.
തൃശൂരില് നിന്ന് എറണാകുളത്തേക്ക് വരികയായിരുന്ന കെ എസ് ആര് ടി സി ബസില് വെച്ചാണ് സവാദ് യുവതിക്ക് നേരെ നഗ്നത പ്രദര്ശനം നടത്തി എന്നായിരുന്നു പരാതി. യുവതി തന്നെ ഇതിന്റെ വീഡിയോ എടുത്ത് സോഷ്യല് മീഡിയയില് പങ്ക് വെച്ചിരുന്നു. എന്നാല് യുവതി കാണിച്ച വീഡിയോയില് മോശം കാര്യങ്ങള് ചെയ്തതായി തെളിവില്ല എന്ന് ഓള് കേരള മെന്സ് അസോസിയേഷന് പറയുന്നത്.
-
"പൊതുവേദിയിൽ വച്ച് ജഗതി രഞ്ജിനിയെ ക്രൂരമായി അപമാനിച്ചു, ഇടവേള സമയത്ത് അവർ പൊട്ടിക്കരഞ്ഞു" -
''മഞ്ജുവിനെ ഫോൺ വിളിച്ചാൽ ദിലീപിന്റെ വീട്ടുകാർ എടുക്കും, എന്നിട്ടേ കൊടുക്കൂ, ജയിലിൽ ഇട്ടത് പോലെ ജീവിതം'' ! -
കാത്തിരിപ്പ് വിഫലം; ചിക്കമംഗളൂരിൽ കാണാതായ ശ്രീനന്ദയുടെ മൃതദേഹം കണ്ടെത്തി -
2013 ന് ശേഷമുള്ള ഏറ്റവും വലിയ ഇടിവില് സ്വര്ണം... ഒറ്റയടിക്ക് 13% ഇടിഞ്ഞെന്ന് ഗോള്ഡ് കൗണ്സില് -
കേരളത്തിൽ രണ്ടിടത്ത് താമര വിരിഞ്ഞുവെന്ന് ബിജെപി; 10 ഇടത്ത് അട്ടിമറി സാധ്യത? നൂറിൽ ഉറച്ച് യുഡിഎഫും -
കേരളത്തില് യുഡിഎഫ് തരംഗം; 102 സീറ്റ് വരെ കിട്ടിയേക്കും, ബിജെപിക്ക് എസ്ഐആര് പാര, റാഷിദ് പറയുന്നു -
'സഭ എന്ത് വൃത്തികേടാണ് കാണിക്കുന്നത്? ബോധവും വിവരവും ഇല്ലാത്തവർ, ഞാൻ 20,000 വോട്ടിന് ജയിക്കും'; പിസി ജോർജ് -
സ്വര്ണവില വീണ്ടും കയറി; ഇനി ഈ ആഭരണം മാത്രമാകും ശരണം, ഇന്നത്തെ പവന് വില -
'ഇല്ലെങ്കിൽ ട്വന്റി-20 സ്ഥാനാർത്ഥി 25000 വോട്ടിന് ജയിച്ചേനെ', സാബു എം ജേക്കബിനെ പരിഹസിച്ച് സോഹൻ സീനുലാൽ -
ഗജകേസരി യോഗം ചെറിയ കാര്യമല്ല; ഈ രാശിക്കാരുടെ പ്രണയം പൂത്തുലയും, സമ്പത്തിൽ ആറാടും..! -
ഒരു യുദ്ധം കൂടി അവസാനിക്കുന്നു? താല്ക്കാലിക വെടിനിര്ത്തല് പ്രഖ്യാപിച്ച് റഷ്യയും ഉക്രെയ്നും -
കാത്തിരിപ്പ് അവസാനിക്കുന്നു.. ഡിഎ വര്ധനവ് അടുത്ത ആഴ്ച തന്നെയുണ്ടാകും!? ശമ്പളം കൂടും
Click it and Unblock the Notifications
Sign in with Google