Click it and Unblock the Notifications
Just In
Don't Miss
-
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സ്‌കിമ്മര്‍ ഉപയോഗിച്ച് എടിഎം കൊള്ള; മോഷ്ടാവ് കാസര്‍കോട്ടും എറണാകുളത്തും പൂനയിലും തട്ടിപ്പ് നടത്തി
കാസര്‍കോട്: എടിഎമ്മുകളില്‍ നിന്ന് സ്‌കിമ്മര്‍ ഉപയോഗിച്ച് പണം കൊള്ളയടിച്ച കേസില്‍ അറസ്റ്റിലായ ചെട്ടുംകുഴിയിലെ നൂര്‍മുഹമ്മദ് അന്തര്‍ സംസ്ഥാന എ.ടി.എം തട്ടിപ്പ് സംഘത്തിലെ പ്രധാന കണ്ണിയാണെന്ന വിവരം പുറത്ത് വന്നു. നൂര്‍മുഹമ്മദ് എന്ന റമീസിനെതിരെ കാസര്‍കോട്ടും കാഞ്ഞങ്ങാട്ടും എറണാകുളത്തും എ.ടി.എം. തട്ടിപ്പ് കേസുകള്‍ നിലവിലുള്ളതായി പൊലീസ് പറഞ്ഞു.
കോഴിക്കോട് നഗരത്തിലെ വിവിധ ഭാഗങ്ങളില്‍ എടിഎമ്മുകളില്‍ നിന്നും പണം തട്ടിയ കേസിലാണ് നൂര്‍ മുഹമ്മദിനെയും കൂട്ടാളിയായ രാംദാസ് നഗറിലെ മുഹമ്മദ് ബിലാലിനെയും കസബ സി.ഐ. പി. പ്രമോദ് , എസ്.ഐ. വി.സജിത് എന്നിവര്‍ ചേര്‍ന്ന് അറസ്റ്റ് ചെയ്തത്. കാസര്‍കോട്ടും കാഞ്ഞങ്ങാട്ടും എ.ടി.എമ്മുകളില്‍ നിന്നും റമീസ് പണം കവര്‍ച്ച ചെയ്യാന്‍ ശ്രമിച്ച കേസില്‍ പൊലീസിന് പിടികൊടുക്കാതെ ഒളിവില്‍ കഴിയുകയായിരുന്നു. പൂനെയിലും എറണാകുളത്തും എ.ടി.എമ്മുകളില്‍ നിന്നും പണം തട്ടിയ റമീസ് പിന്നീട് സംഘത്തിലെ മറ്റുള്ളവര്‍ക്കൊപ്പം ചേര്‍ന്ന് കോഴിക്കോട് നഗരം കേന്ദ്രീകരിച്ച് കവര്‍ച്ചക്കിറങ്ങുകയായിരുന്നു.
മധൂര്‍ ക്ഷേത്രത്തിന് സമീപം താമസിക്കുന്ന ജുനൈദിനെയും തട്ടിപ്പിന് കൂട്ട് നിന്ന ഒരു യുവതിയെയുമാണ് ഇനി പിടികൂടാനുള്ളത്. എ.ടി.എം. തട്ടിപ്പിന്റെ പ്രധാന സൂത്രധാരന്മാര്‍ നൂര്‍മുഹമ്മദും ബിലാലുമാണ്. ഒളിവില്‍ കഴിയുന്ന ജുനൈദിനെ പിടികൂടാന്‍ പൊലീസ് അന്വേഷണം വ്യാപിപ്പിച്ചിരിക്കുകയാണ്. സൈബര്‍ സെല്ലിന്റെ സഹായത്തോടെയാണ് അന്വേഷണം. യുവതി ഒഴികെയുള്ള പ്രതികളെല്ലാം കാസര്‍കോട് സ്വദേശികളായതിനാല്‍ പൊലീസ് അന്വേഷണം ഈ ഭാഗത്തേക്കും വ്യാപിപ്പിക്കുമെന്നാണ് വിവരം. പിടിയിലായ സംഘവുമായി ബന്ധമുള്ള കൂടുതല്‍ പേരെക്കുറിച്ച് വിവരം ലഭിച്ചിട്ടുണ്ടെന്നും ഇതു സംബന്ധിച്ച് വിശദമായ അന്വേഷണം നടന്നുവരികയാണെന്നും പൊലീസ് വ്യക്തമാക്കി.
