കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നടി ആക്രമിക്കപ്പെട്ട കേസില്‍ വനിത ജഡ്ജി; നടിയ്ക്ക് അനുകൂല തീരുമാനവുമായി ഹൈക്കോടതി

Google Oneindia Malayalam News

കൊച്ചി: നടി ആക്രമിക്കപ്പെട്ട കേസില്‍ വിചാരണയ്ക്ക് വനിത ജഡ്ജിയെ നിയമിച്ചേക്കും. എറണാകുളം, തൃശൂര്‍ ജില്ലകളില്‍ വനിത ജഡ്ജിമാരുടെ സേവനം ലഭ്യമാണോ എന്ന് പരിശോധിക്കാന്‍ ഹൈക്കോടതി രജിസ്ട്രാര്‍ക്ക് നിര്‍ദ്ദേശം നല്‍കി.

കേസിന്റെ വിചാരണയ്ക്ക് വനിത ജഡ്ജിയെ നിയോഗിക്കണം എന്നത് നടിയുടെ ആവശ്യം ആയിരുന്നു. കേസ് അടുത്ത വ്യാഴാഴ്ച കോടതി വീണ്ടും പരിഗണിക്കുന്നുണ്ട്.

High Court

ഇരയായ വ്യക്തിയ്ക്ക് പ്രതിയുടെ മുന്നിലൂടെ കോടതിയില്‍ എത്തേണ്ട സാഹചര്യമാണ് ഇപ്പോള്‍ നിലവിലുള്ളത് എന്ന് കോടതി നിരീക്ഷിച്ചു. സ്ത്രീകളും കുട്ടികളും ഇരകളാകുന്ന കേസുകള്‍ പരിഗണിക്കാന്‍ കേരളത്തില്‍ ആവശ്യത്തിന് കോടതികള്‍ ഇല്ലെന്നും ഹൈക്കോടതി നിരീക്ഷിച്ചു. ഇത് ഗുരുതരമായ സാഹചര്യം ആണെന്നും കോടതി വിലയിരുത്തി.

നടി ആക്രമിക്കപ്പെട്ട കേസില്‍ വിചാരണ നീട്ടിക്കൊണ്ടുപോകാന്‍ ദിലീപ് മനപ്പൂര്‍വ്വം ശ്രമിക്കുന്നു എന്നൊരു ആരോപണം നിലനില്‍ക്കുന്നുണ്ട്. കേസില്‍ സിബിഐ അന്വേഷണം ആവശ്യപ്പെട്ട് ദിലീപ് ഹൈക്കോടതിയെ സമീപിച്ചിരുന്നു. എന്നാല്‍ ഹൈക്കോടതി ഈ ആവശ്യം തള്ളുകയായിരുന്നു.

ഇതിനിടെ നടിയെ ആക്രമിക്കുന്ന ദൃശ്യങ്ങള്‍ അടങ്ങിയ മെമ്മറി കാര്‍ഡിന്റെ പകര്‍പ്പ് ആവശ്യപ്പെട്ട് ദിലീപ് സുപ്രീം കോടതിയെ സമീപിച്ചിരുന്നു. ദൃശ്യങ്ങള്‍ കൂട്ടിച്ചേര്‍ത്തു എന്നാണ് ദിലീപിന്റെ ആരോപണം. എന്തായാലും മെമ്മറി കാര്‍ഡിലെ ദൃശ്യങ്ങള്‍ ദിലീപിന് കൈമാറാന്‍ ആവില്ലെന്ന നിലപാടിലാണ് സംസ്ഥാന സര്‍ക്കാര്‍. ഇത് സംബന്ധിച്ച സര്‍ക്കാര്‍ സത്യവാങ്മൂലത്തിന് മറുപടി നല്‍കാന്‍ ദിലീപ് സമയം ആവശ്യപ്പെട്ടതിനെ തുടര്‍ന്ന് സുപ്രീം കോടതി കേസ് വീണ്ടും മാറ്റിവച്ചിരിക്കുകയാണ്.

English summary
Attack against actress: High Court considering woman judge for trial.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X