ജനപ്രിയന് പുറത്തേക്ക്... അഞ്ചാം ഹര്ജിയില് ദിലീപിന് ജാമ്യം; കര്ശന ഉപാധികള്
Recommended Video
കൊച്ചി: നടി ആക്രമിക്കപ്പെട്ട കേസില് നടന് ദിലീപിന് ജാമ്യം. കര്ശന ഉപാധികളോടെയാണ് ദിലീപ്ന ഹൈക്കോടതി ജാമ്യം അനുവദിച്ചിരിക്കുന്നത്.
അഞ്ചാമത്തെ ജാമ്യ ഹര്ജിയില് ആണ് ദിലീപിന് ജാമ്യം അനുവദിച്ചിരിക്കുന്നത്. നേരത്തെ രണ്ട് തവണ മജിസ്ട്രേറ്റ് കോടതിയും ഹൈക്കോടതിയും ജാമ്യം നിഷേധിച്ചിരുന്നു.
85 ദിവസമായി ദിലീപ് ജയിലില് കഴിയുകയാണ്. ആരാധകര്ക്ക് ഏറെ ആശ്വാസം പകരുന്ന കോടതി വിധിയാണ് ഇപ്പോള് പുറത്ത് വന്നിരിക്കുന്നത്.
അഞ്ചാം തവണ ഭാഗ്യം
കഴിഞ്ഞ നാല് തവണയും ദിലീപിന്റെ ജാമ്യ ഹര്ജികള് നിര്ദയം തള്ളുകയായിരുന്നു ഹൈക്കോടതി. പ്രോസിക്യൂഷന്റെ വാദങ്ങള് അംഗീകരിച്ചുകൊണ്ടായിരുന്നു ഇത്.
കര്ശന ഉപാധികള്
കര്ശന ഉപാധികളോടെയാണ് ഇപ്പോള് ദിലീപിന് ഹൈക്കോടതി ജാമ്യം അനുവദിച്ചിരിക്കുന്നത്. ജയിലില് നിന്ന് പുറത്തിറങ്ങിയാലും ദിലീപ് അത്രകണ്ട് സ്വതന്ത്രനാവില്ലെന്ന് സാരം.
ഒരു ലക്ഷം രൂപ
ജാമ്യത്തിന് വേണ്ടി ദിലീപ് ഒരു ലക്ഷം രൂപ കോടതിയില് കെട്ടിവയ്ക്കേണ്ടതുണ്ട്. സാക്ഷികളെ സ്വാധീനിക്കാന് ശ്രമിക്കരുത് എന്ന കര്ശന നിര്ദ്ദേശവും കോടതി നല്കിയിട്ടുണ്ട്.
പാസ്പോര്ട്ട് സമര്പ്പിക്കണം
ദിലീപിന്റെ പാസ്പോര്ട്ട് സമര്പ്പിക്കണം എന്നും കോടതി വിധിയില് പറയുന്നുണ്ട്. തെളിവ് നശിപ്പിക്കരുത് എന്ന ഉപാധിയും കോടതി വിധിയില് നിഷ്കര്ഷിക്കുന്നുണ്ട്.
വിളിക്കുമ്പോള് വരണം
അന്വേഷണ സംഘവുമായി സഹകരിക്കണം എന്നും കോടതി ഉത്തരവിട്ടിട്ടുണ്ട്. അന്വേഷണ സംഘം ആവശ്യപ്പെടുപ്പോള് ഹാജരാകണം എന്നാണ് നിര്ദ്ദേശം.
85 ദിവസം
നടി ആക്രമിക്കപ്പെട്ട കേസില് ദിലീപ് അറസ്റ്റിലായിട്ട് 85 ദിവസം പൂര്ത്തിയാവുകയാണ്. ഇതിനിടെ രണ്ട് തവണ മാത്രമാണ് ദിലീപ് പുറംലോകം കണ്ടത്.
കുറ്റപത്രം ഉടന്
കേസില് കുറ്റപത്രം ഈ ആഴ്ച തന്നെ സമര്പ്പിക്കും എന്നാണ് പോലീസ് വ്യക്തമാക്കിയിട്ടുള്ളത്. ഒക്ടോബര് ആറിനോ ഏഴിനോ കുറ്റപത്രം സമര്പ്പിക്കപ്പെടും.
രണ്ടാം പ്രതി
ജാമ്യം കിട്ടിയെങ്കിലും ദിലീപ് കേസിലെ രണ്ടാം പ്രതിയാണ്. പള്സര് സുനിയാണ് കേസിലെ ഒന്നാം പ്രതി. ജാമ്യം ലഭിച്ചതുകൊണ്ട് മാത്രം ദിലീപ് രക്ഷപ്പെട്ടു എന്ന് അര്ത്ഥമില്ല.
അതേ ജഡ്ജി തന്നെ
ഹൈക്കോടതിയില് ദിലീപിന്റെ ജാമ്യ ഹര്ജി തള്ളിയ അതേ ജഡ്ജി തന്നെ ആയിരുന്നു ഇത്തവണയും ജാമ്യഹര്ജി പരിഗണിച്ചത്. ജസ്റ്റിസ് സുനില് തോമസ് ആണ് ഹര്ജി പരിഗണിച്ചത്.
സാഹചര്യം മാറിയോ
ദിലീപ് വീണ്ടും ജാമ്യാപേക്ഷയും ആയി സമീപിച്ചപ്പോള് പഴയ സാഹചര്യത്തില് നിന്ന് എന്ത് മാറ്റമാണ് ഉണ്ടായത് എന്ന് കോടതി ആരാഞ്ഞിരുന്നു. എന്നാല് സാഹചര്യത്തില് എന്ത് മാറ്റമാണ് ഉണ്ടായത് എന്നത് ഇപ്പോഴും വ്യക്തമല്ല