• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ആക്രമിക്കപ്പെട്ട നടിയ്ക്ക് പിസി ജോര്‍ജ്ജിനോട് തോന്നിയത്... ദു:ഖവും അമര്‍ഷവും; പൂഞ്ഞാര്‍ പുലിയോ അതോ..

  • By രശ്മി നരേന്ദ്രൻ

കൊച്ചി: ആക്രമിക്കപ്പെട്ട നടിയെ കുറിച്ച് താന്‍ മോശമായി ഒന്നും പറഞ്ഞിട്ടില്ലെന്നാണ് പിസി ജോര്‍ജ്ജ് പറയുന്നത്. പോലീസിന്റെ വീഴ്ചകളാണത്രെ ജോര്‍ജ്ജ് പുറത്ത് കൊണ്ടുവരാന്‍ ശ്രമിക്കുന്നത്. എന്നാല്‍ ജോര്‍ജ്ജിന്റെ വാക്കുകള്‍ കേട്ടാല്‍ അതല്ല തോന്നുക എന്ന് മാത്രം.

പിസി ജോര്‍ജ്ജ് തനിക്കെതിരായി നടത്തിയ പ്രസ്താവനകളില്‍ ദു:ഖവും അമര്‍ഷവും ഉണ്ട് എന്നാണ് ആക്രമിക്കപ്പെട്ട നടി വ്യക്തമാക്കിയിട്ടുളളത്. വനിത കമ്മീഷനെ ആണ് നടി ഇക്കാര്യം അറിയിച്ചിട്ടുള്ളത്.

ജോര്‍ജ്ജിന്റെ പ്രസ്താവനകള്‍ക്കെതിരെ നടി നേരത്തെ മുഖ്യമന്ത്രിയ്ക്ക് കത്തയക്കുകയും ചെയ്തിരുന്നു. പിസി ജോര്‍ജ്ജിനെതിരെ കേസ് എടുക്കാന്‍ വനിത കമ്മീഷന്‍ നിര്‍ദ്ദേശം നല്‍കിയിരുന്നു.

ദു:ഖവും അമര്‍ഷവും

ദു:ഖവും അമര്‍ഷവും

നടിയ്ക്ക് മാത്രമല്ല, പിസി ജോര്‍ജ്ജിന്റെ പ്രസ്താവനകള്‍ കേട്ട കേരള ജനതയ്ക്ക് മുഴുവന്‍ തോന്നിയത് ഇതൊക്കെ തന്നെയാണ്. തനിക്ക് ദു:ഖവും അമര്‍ഷവും തോന്നി എന്ന കാര്യം നടി തന്നെ ഇപ്പോള്‍ വനിത കമ്മീഷനോട് പറഞ്ഞു.

മൊഴിയെടുത്തു, പക്ഷേ

മൊഴിയെടുത്തു, പക്ഷേ

ജോര്‍ജ്ജിന്റെ പരാമര്‍ശങ്ങളില്‍ വനിത കമ്മീഷന്‍ നടിയുടെ പ്രതികരണം കേട്ടു എന്നത് ശരിതന്നെ. എന്നാല്‍ ഇത് മൊഴിയായി രേഖപ്പെടുത്തിയിട്ടില്ല.

വീട്ടിലെത്തി വിവരം ആരാഞ്ഞു

വീട്ടിലെത്തി വിവരം ആരാഞ്ഞു

വനിത കമ്മീഷന്‍ അധ്യക്ഷ എംസി ജോസഫൈന്‍ നടിയുടെ വീട്ടില്‍ എത്തിയാണ് വിവരങ്ങള്‍ ആരാഞ്ഞത്. കഴിഞ്ഞ ദിവസം ആയിരുന്നു എംസി ജോസഫൈന്‍ നടിയുടെ വീട് സന്ദര്‍ശിച്ചത്.

ഒരു ജനപ്രതിനിധിയില്‍ നിന്ന്

ഒരു ജനപ്രതിനിധിയില്‍ നിന്ന്

ഒരു ജനപ്രതിനിധിയില്‍ നിന്ന് ഇത്തരം പ്രസ്താവനകള്‍ പ്രതീക്ഷിച്ചിരുന്നില്ല എന്നാണ് നടി പറഞ്ഞത്. മറ്റൊരു സ്ത്രീയ്ക്കും ഇത്തരം ദുരനുഭവം ഉണ്ടാകരുത് എന്നും നടി വനിത കമ്മീഷനോട് പറഞ്ഞു.

ജോര്‍ജ്ജിന്റെ പൂരപ്പാട്ട്

ജോര്‍ജ്ജിന്റെ പൂരപ്പാട്ട്

ദിലീപിനെ പിന്തുണച്ചുകൊണ്ടായിരുന്നു പിസി ജോര്‍ജ്ജ് തുടക്കം മുതല്‍ രംഗത്ത് വന്നത്. എന്നാല്‍ നടിയെ അധിക്ഷേപിച്ച് തുടങ്ങിയതോടെയാണ് പൊതുവികാരം പിസി ജോര്‍ജ്ജിന് എതിരായത്.

അത്രയ്‌ക്കൊന്നും ഇല്ലെന്ന്

അത്രയ്‌ക്കൊന്നും ഇല്ലെന്ന്

ഇത്രയും വലിയ പീഡനം നേരിട്ടെങ്കില്‍ അതിന് അടുത്ത ദിവസം നടി എങ്ങനെ അഭിനയിക്കാന്‍ പോയി എന്നൊക്കെ ആയിരുന്നു പിസി ജോര്‍ജ്ജ് പറഞ്ഞത്. ഇത് വ്യാപക പ്രതിഷേധത്തിന് ഇടയാക്കിയിരുന്നു.

പറഞ്ഞതെല്ലാം അസത്യം

പറഞ്ഞതെല്ലാം അസത്യം

നിര്‍ഭയ കേസിലേതുപോലെ ആണ് നടി ആക്രമിക്കപ്പെട്ടത് എന്നാണ് പോലീസ് റിപ്പോര്‍ട്ട് എന്ന രീതിയില്‍ ആയിരുന്നു പിസി ജോര്‍ജ്ജ് പറഞ്ഞിരുന്നത്. എന്നാല്‍ പോലീസ് റിപ്പോര്‍ട്ടില്‍ അങ്ങനെ പറയുന്നേ ഇല്ല എന്നതാണ് സത്യം. കോടതിയില്‍ പ്രോസിക്യൂഷന്‍ ആയിരുന്നു ഇത്തരത്തില്‍ ഒരു താരതമ്യം നടത്തിയത്.

ജോര്‍ജ്ജിന്റെ മകനും

ജോര്‍ജ്ജിന്റെ മകനും

ദിലീപും പിസി ജോര്‍ജ്ജിന്റെ മകന്‍ ഷോണ്‍ ജോര്‍ജ്ജും തമ്മില്‍ റിയല്‍ എസ്റ്റേറ്റ് ബന്ധങ്ങളുണ്ട് എന്നും ആക്ഷേപം ഉയര്‍ന്നിരുന്നു. ഷോണ്‍ ജോര്‍ജ്ജിനെ ചോദ്യം ചെയ്യുമെന്നും റിപ്പോര്‍ട്ടുകള്‍ ഉണ്ടായിരുന്നു.

English summary
PC George's statements aroused grief and anger, says attacked actress to Women's Commission

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more