ആറ്റിങ്ങൽ നഗരസഭ വികസനോത്സവ പദ്ധതി പൂർത്തീകരണ ഉദ്ഘാടനം നാളെ
ആറ്റിങ്ങൽ: ആറ്റിങ്ങൽ നഗരസഭ വികസനോത്സവ പദ്ധതി പൂർത്തീകരണ ഉദ്ഘാടനം 16 ന് വൈകിട്ട് 5 ന് ഭരണ പരിഷ്കാര കമ്മീഷൻ ചെയർമാൻ വി.എസ്. അച്യുതാനന്ദൻ നിർവഹിക്കും. ആറ്റിങ്ങൽ നഗരസഭാ അങ്കണത്തിൽ നടക്കുന്ന യോഗത്തിൽ അടുത്ത 2018-19 വർഷത്തെ പദ്ധതി പ്രവർത്തനങ്ങളുടെ ഉദ്ഘാടനവും പി.എം.എ.വൈ , ലൈഫ് പദ്ധതിപ്രകാരമുള്ള ഭവനങ്ങളുടെ താക്കോൽ വിതരണവും വിവിധ വ്യക്തികളെ ആദരിക്കലും അച്യുതാനന്ദൻ നിർവഹിക്കും.
ജനകീയാസൂത്രണത്തിലൂടെയും നഗരസഭയുടെയും എം.പി, എം.എൽ.എ എന്നിവരുടെയും ഫണ്ട് ഉപയോഗിച്ചാണ് വികസന ക്ഷേമ പദ്ധതികൾ പൂർത്തിയാക്കിയതെന്ന് നഗരസഭാ ചെയാർമാൻ എം. പ്രദീപ് പത്ര സമ്മേളനത്തിൽ പറഞ്ഞു.
ഈ സാമ്പത്തിക വർഷത്തിൽ 15 കോടി രൂപയുടെ പദ്ധതികൾക്കാണ് രൂപരേഖ തയാറാക്കിയിരിക്കുന്നത്. എഴുപത് പദ്ധതികളാണ് പദ്ധതിയിൽ ഉൾപ്പെടുത്തിയിരിക്കുന്നത്. ഇതിൽ 108 റോഡുകളുടെ പുനർനിർമ്മാണവും ഉൾപ്പെടുന്നതായി അദ്ദേഹം പറഞ്ഞു.
യോഗത്തിൽ അഡ്വ. ബി.സത്യൻ എം.എൽ.എ അദ്ധ്യക്ഷത വഹിക്കും. നാഗരത്തിൽ വിവിധ സ്ഥലങ്ങലിൽ സ്ഥാപിച്ച സി.സി.ടി.വി ക്യാമറകളുടെ ഉദ്ഘാടനം ഡോ.എ. സമ്പത്ത്.എം.പി നിർവഹിക്കും. നഗരസഭാ ചെയർമാൻ എം.പ്രദീപ്, വൈസ് ചെയർപേഴ്സൺ ആർ.എസ്. രേഖ,സെക്രട്ടറി ആർ.പ്രദീപ് കുമാർ, ആർ.രാമു, തോട്ടയ്ക്കാട് ശശി, ടി.പി.അംബിരാജ, സി.എസ്. ജയചന്ദ്രൻ, അഡ്വ. എസ്.ലെനിൻ, ജി.സുഗുണൻ, അഡ്വ. എസ്.ഫിറോസ് ലാൽ, അഡ്വ. വി.എസ്.സന്തോഷ്, ഹാഷിം, ആർ.രാജു, എ.റുഖൈനത്ത്, എസ്.ജമീല, അവനവഞ്ചേരി രാജു, സി.പ്രദീപ്, എം.അനിൽകുമാർ, അഡ്വ. സി.ജെ. രാജേഷ് കുമാർ, എം.മുരളി എന്നിവർ സംസാരിക്കും.