Attingal Result LIVE: ആറ്റിങ്ങൽ തിരഞ്ഞെടുപ്പ് ഫലം: അടൂർ പ്രകാശ് വിജയിച്ചു

Attingal Result 2024 - ആറ്റിങ്ങൽ തിരഞ്ഞെടുപ്പ് ഫലം: കേന്ദ്ര സഹമന്ത്രി വി മുരളീധരന്‍ രംഗത്ത് ഇറങ്ങിയതോടെ ത്രികോണ മത്സരത്തിന്റെ പ്രതീതി ഉയർന്ന മണ്ഡലമാണ് ആറ്റിങ്ങല്‍. മൂന്ന് മുന്നണികളും മണ്ഡലത്തില്‍ വിജയം അവകാശപ്പെടുന്നു. കോണ്‍ഗ്രസിന് വേണ്ടി സിറ്റിങ് എംപി അടൂർ പ്രകാശ് രണ്ടാമതും ജനവിധി തേടിയപ്പോള്‍ എല്‍ ഡി എഫ് രംഗത്ത് ഇറക്കിയത് വർക്കല എം എല്‍ എയും പാർട്ടി ജില്ലാ സെക്രട്ടറിയുമായ വിഎസ് ജോയിയെയായിരുന്നു.

69.48 ശതമാനമായിരുന്നു മണ്ഡലത്തിലെ പോളിങ്. മണ്ഡലത്തില്‍ 1,39,6807 വോട്ടർമാരിൽ 9,70,517 പേർ വോട്ട് രേഖപ്പെടുത്തി. ഇതിൽ 4,49,212 പുരുഷൻമാരും 5,21,292 സ്ത്രീകളും ഉൾപ്പെടുന്നു.

2019 ല്‍ എല്‍ ഡി എഫിലെ എ സമ്പത്തിനെ 38247 വോട്ടിനായിരുന്നു അടൂർ പ്രകാശ് പരാജയപ്പെടുത്തിയത്. യു ഡി എഫിന് 380,995 വോട്ട് കിട്ടിയപ്പോള്‍ സമ്പത്തിന് 3,42,748 വോട്ടും ലഭിച്ചു. 2,48,081 വോട്ടുമായി ബി ജെ പി സ്ഥാനാർത്ഥി ശോഭ സുരേന്ദ്രന്‍ ശക്തമായ പ്രകടനം കാഴ്ചവെച്ചു. ആറ്റിങ്ങലിന്റെ ചരിത്രത്തില്‍ ആദ്യമായിട്ടായിരുന്നു ബി ജെ പിക്ക് ഇത്രയും അധികം വോട്ടുകള്‍ മണ്ഡലത്തില്‍ ലഭിക്കുന്നത്.

ആറ്റിങ്ങല്‍ ലോക്സഭ മണ്ഡലത്തിലെ തിരഞ്ഞെടുപ്പ് ഫലം വണ്‍ഇന്ത്യ മലയാളത്തോടൊപ്പം തത്സമയം അറിയാം.

English summary

Attingal Lok Sabha Election Results 2024 Live: V Muraleedharan Vs Adoor Prakash Vs V Joy Who Wins, Lost & Total Votes