Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന്‍ ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ആറ്റുകാല്‍ പൊങ്കാലയ്ക്ക് ഒരുക്കങ്ങളായി; തലസ്ഥാനത്ത് ഗതാഗത നിയന്ത്രണം
തിരുവനന്തപുരം: ഫെബ്രുവരി 23 ന് നടക്കുന്ന ആറ്റുകാല്‍ പൊങ്കാലയ്ക്ക് ഒരുക്കങ്ങളായി. പൊങ്കാലയോടനുബന്ധിച്ച് തിങ്കളാഴ്ച ഉച്ചക്ക് രണ്ട് മണിമുതല്‍ ചൊവ്വാഴ്ച എട്ട് മണി വരെ ഗതാഗത നിയന്ത്രണം ഏര്‍പ്പെടുത്തി. പൊങ്കാല സ്‌പെഷല്‍ ആയി പ്രധാന നഗരങ്ങളില്‍ നിന്ന് കെഎസ്ആര്‍ടിസി സര്‍വ്വീസ് നടത്തും.
ഭക്തജനങ്ങള്‍ വരുന്ന സ്വകാര്യ വാഹനങ്ങള്‍ അറ്റുകാല്‍ ക്ഷേത്രത്തിനു ചുറ്റുമുള്ള പ്രധാന റോഡുകളിലോ, എംസിഎന്‍എച്ച്, എംജി റോഡുകളിലോ ഗതാഗതത്തിന് തടസ്സം സൃഷ്ടിക്കുന്ന രീതിയില്‍ പാര്‍ക്ക് ചെയ്യാന്‍ പാടില്ലെന്ന് അധികൃതര്‍ അറിയിച്ചു. പൊങ്കാല കഴിഞ്ഞ് ഭക്ത ജനങ്ങള്‍ തിരിച്ചു പോകുന്ന ചൊവ്വാഴ്ച ഉച്ചക്ക് രണ്ട് മണിമുതല്‍ തിരുവനന്തപുരം നഗരത്തിലേക്ക് വരുന്ന വാഹനങ്ങള്‍ക്ക് കര്‍ശന നിയന്ത്രണമുണ്ടാകും.
നഗരാതിര്‍ത്തിക്കുള്ളില്‍ വലിയ വാഹനങ്ങള്‍, തടി ലോറികള്‍, കണ്ടെയിനര്‍ ലോറികള്‍ എന്നിവ നഗരത്തില്‍ പ്രവര്‍ശിക്കുന്നതിനും നിരത്തുകളില്‍ പാര്‍ക്ക് ചെയ്യുന്നതിനും അനുവദിക്കില്ല. ആറ്റിങ്ങല്‍ ഭാഗത്തു നിന്ന് നെയ്യാറ്റിന്‍കര ഭാഗത്തേക്ക് പോകേണ്ട വാഹനങ്ങള്‍ കഴക്കൂട്ടത്തു നിന്നും കാര്യവട്ടം ശ്രീകാര്യം വഴിയോ മുക്കോലക്കല്‍ കുളത്തൂര്‍ ശ്രീകാര്യം വഴിയോ വന്ന് കേശവദാസപുരം പട്ടം പിഎംജി മ്യൂസിയം വെള്ളയമ്പലം വഴുതക്കാട് പുജപ്പുര കരമന വഴിയും. പേരൂര്‍കട ഭാഗത്തു നിന്നും വരുന്ന വാഹനങ്ങള്‍ ഊളമ്പാറ പൈപ്പിന്‍മൂട് ശാസ്തമംഗലം ഇടപ്പഴഞ്ഞി പൂജപ്പുര കരമന വഴിയാുമാണ് പോകേണ്ടത്.
നെയ്യാറ്റിന്‍കര ഭാഗത്തു നിന്നും ആറ്റിങ്ങല്‍ ഭാഗത്തേക്ക് പോകേണ്ട വാഹനങ്ങള്‍ ബാലരാമപുരം ഭാഗത്തു നിന്നും തിരിഞ്ഞ് ഉച്ചക്കട മുക്കോല വിഴിഞ്ഞം വഴി ബൈപ്പാസ് വഴിയോ ബീച്ച് റോഡ് വഴിയോ പോകാവുന്നതാണ്. ബാലരാമപുരം ജങ്ഷനില്‍ നിന്നും പള്ളിച്ചല്‍ ഭാഗത്തേക്കും പാളയം ഭാഗത്തു നിന്നും കിഴക്കേകോട്ട ഭാഗത്തേക്കും പൂജപ്പുര നിന്നും ജഗതി-ബേക്കറി ജങ്ഷന്‍ ഭാഗത്തേക്കും കരമന ഭാഗത്തു നിന്നും കിള്ളിപ്പാലം ഭാഗത്തേക്കും മണക്കാട് ഭാഗത്തു നിന്നും കിഴക്കേകോട്ട ഭാഗത്തേക്കും പൊങ്കാല കഴിഞ്ഞ് ഭക്ത ജനങ്ങള്‍ തിരിച്ചു പോകുന്ന സമയത്ത് ടൂ വീലര്‍ വാഹനങ്ങളെ എതിരെ വരാന്‍ അനുവദിക്കുകയില്ല.
മൂവായിരത്തി അഞ്ഞൂറിലധികം പോലീസുദ്യോഗസ്ഥരെ നഗരത്തില്‍ പൊങ്കാല ഡ്യൂട്ടിക്കായി നിയോഗിച്ചു. കൂടാതെ ദുരന്ത നിവാരണ സേന, ദ്രൂതകര്‍മ്മ സേന, കമാന്‍ഡോ വിഭാഗം, 30 ഷാഡോ പോലീസുകാരെയും ഡ്യൂട്ടിക്കായി നിയോഗിച്ചിട്ടുണ്ട്.
