ഓട്ടോറിക്ഷയില്‍ രഹസ്യ അറയുണ്ടാക്കി; മദ്യം കടത്തുന്ന യുവാവ് പോലീസ് പിടിയില്‍

വടകര : മാഹിയില്‍ നിന്ന് കേരളത്തിലേക്ക് മദ്യം കടത്തുന്ന അത്തോളി സ്വദേശി യുവാവിനെ വടകര പോലീസ് കൊടുക്കി . അത്തോളി എടവലത്ത് മീത്തല്‍ മന്‍സൂര്‍ (37) നെയാണ് വടകര പോലീസ് അറസ്റ്റ്ചെയ്തത് . ഇയാളുടെ ഓട്ടോറിക്ഷയില്‍ നിന്ന് അര ലിറ്ററിന്‍റെ നാല്‍പ്പത്തി ഒന്ന് കുപ്പി മദ്യവും ഒരു ലിറ്ററിന്‍റെ രണ്ടു കുപ്പി മദ്യവും കസ്റ്റെഡിയിലെടുത്തു .

ശനിയാഴ്ച വൈകിട്ട് അഞ്ചുമണിയോടെ വടകര കരിമ്പന പലത്തിനടുത്തെ പെട്രോള്‍ പമ്പില്‍ വെച്ചാണ് മന്‍സൂറിനെയും ഓട്ടോറിക്ഷയും പോലീസ് പിടികൂടിയത്.

നേരത്തെ മദ്യം കടത്തിയതിന് പയ്യോളി പോലീസ് മന്‍സൂറിനെ അറസ്റ്റ് ചെയ്തിരുന്നു . പ്രതിയെ വടകര കോടതിയില്‍ ഹാജരാക്കുമെന്ന് അറസ്റ്റിന് നേതൃത്വം നല്‍കിയ എസ് ഐ സനല്‍ രാജ് പറഞ്ഞു.

English summary

auto driver was arrested for trafficking liquor in auto