ജിഷയുടെ ശരീരത്തില് 38 മുറിവുകളെന്ന് പോസ്റ്റ് മോര്ട്ടം റിപ്പോര്ട്ട്
പെരുമ്പാവൂര്: ക്രൂരമായി കൊല്ലപ്പെട്ട പെരുമ്പാവൂരിലെ ജിഷയുടെ ശരീരത്തില് 38 മുറിവുകളുള്ളതായി പോസ്റ്റ്മോര്ട്ടം റിപ്പോര്ട്ട്. അന്തിമ പോസ്റ്റ്മോര്ട്ടം റിപ്പോര്ട്ടിലാണ് ഈ കാര്യം പറഞ്ഞിരിക്കുന്നത്. പോസ്റ്റ്മോര്ട്ടം റിപ്പോര്ട്ട് ആലപ്പുഴ മെഡിക്കല് കോളേജ് അധികൃതര് പോലീസിനു കൈമാറി.
ജിഷയെ ലൈംഗീകമായി പീഡിപ്പിക്കാന് ശ്രമിച്ചുവെന്നും സൂചനയുണ്ട്. ആന്തരിക അവയവങ്ങള് ശാസ്ത്രീയ പരിശോധനയ്ക്ക് വിധേയമാക്കിയാലേ ഇക്കാര്യത്തില് സ്ഥിതീകരണം ലഭിക്കൂ. ഒരോ മുറിവിന്റെയും ആഴവും വിശദാംശങ്ങളും ഉള്പ്പെടുന്ന അഞ്ച് പേജുള്ള റിപ്പോര്ട്ടാണ് ആലപ്പുഴ മെഡിക്കല് കോളേജ് അധികൃതര് പോലീസിന് കൈമാറിയിരിക്കുന്നത്.
പോസ്റ്റ്മോര്ട്ടം റിപ്പോര്ട്ടുകളില് വീഴ്ചവന്നെന്ന ആരോപണം മെഡിക്കല് കോളേജ് അധികൃതര് നിഷേധിച്ചു. പിജി വിദ്യാര്ത്ഥികളാണ് പോസ്റ്റ്മോര്ട്ടം നടത്തിയതെന്ന റിപ്പോര്ട്ട് നേരത്തെ പുറത്തു വന്നിരുന്നു. ആലപ്പുഴ മെഡിക്കല് കോളേജിലെ ഫോറന്സിക് വിഭാഗം ഡെപ്യൂട്ടി പോലീസ് സര്ജന് ഡോ. ലിസ ജോണിന്റെ നേതൃത്വത്തിലാണ് പോസ്റ്റ്മോര്ട്ടം ചെയ്തത്.
അതേസമയം കേന്ദ്രസര്ക്കാര് സംസ്ഥാനത്തോട് റിപ്പോര്ട്ട് തേടിയിട്ടുണ്ട്. കേന്ദ്ര നീതി വകുപ്പ് മന്ത്രി പെരുമ്പാവൂര് സന്ദര്ശിക്കും. ജിഷയുടെ വീട്ടില് നിന്നും രണ്ട് പേരുടെ വിരലടയാളം ലഭിച്ചുവെന്നും റിപ്പോര്ട്ടുണ്ട്. വീട്ടില് കണ്ടെത്തിയ കുപ്പിയില് നിന്നാണ് സംശയകരമായ വിരലടയാളങ്ങളില് ഒന്ന് ലഭിച്ചിട്ടുള്ളത്. ഇവ ശാസ്ത്രീയ പരിശോധനയ്ക്ക് വിധേയമാക്കും.