സിപിഎംസ്ഥാനാര്ത്ഥി പട്ടിക പ്രഖ്യാപിച്ചു
തിരുവനന്തപുരം: ലോക്സഭാ തിരഞ്ഞെടുപ്പ് തിയ്യതി തീരുമാനിച്ചതോടെ കേരളത്തില് സ്ഥാനാര്ത്ഥി പട്ടികയും പ്രഖ്യാപിക്കുന്നു. പാര്ലമെന്റ് തിരഞ്ഞെടുപ്പിനുള്ള സി പി എമ്മിന്റെ സ്ഥാനാര്ത്ഥികളെ പ്രഖ്യാപിച്ചു. എല് ഡി എഫിന്റെ നാല് സിറ്റിങ് എം പിമരെയും മത്സരിപ്പിക്കാന് സി പി എം സെക്രട്ടറിയേറ്റ് യോഗത്തില് തീരുമാനമായി.
കണ്ണൂരില് പി കെ ശ്രീമതി ടീച്ചറാണ് മത്സരിക്കുന്നത്. കൊല്ലത്ത് എം എ ബേബിയും എ സമ്പത്ത് ആറ്റിങ്ങലിലും പി കെ ബിജു ആലത്തൂരിലും എം ബി രാജേഷ് പാലക്കാടും പി കരണാകരന് കാസര്കോടും മത്സരിക്കുന്ന കാര്യം തീരുമാനമായി. ആലപ്പുഴ മണ്ഡലത്തില് ജില്ലാ സെക്രട്ടറി സി ബി ചന്ദ്രബാബു ജനവിധി തേടും.
രാഷ്ട്രീയ കേരളം ഏറെ ആവേശത്തോടെ ഉറ്റുനോക്കുന്ന വടകരയില് എ എന് ഷംസീറിനാണ് സാധ്യത. ഇടുക്കി കോട്ടയം പട്ടനംതിട്ട മണ്ഡലങ്ങളില് സ്ഥാനാര്ത്ഥി നിര്ണയം മാറ്റിവച്ചു. സി പി ഐ മത്സരിക്കുന്ന നാല് സീറ്റ് ഒഴികെയുള്ള പതിനാറ് സീറ്റുകളിലേക്കുള്ള സ്ഥാനാര്ത്ഥികളുടെ പട്ടികയില് അവസാനഘട്ട ചര്ച്ചകള് നടക്കുകയാണ്.
നിലവില് കണ്ടറ നിയോജക മണ്ഡലത്തില് നിന്നുള്ള എം എല് എ എം എ ബേബിയെ കൊല്ലം മണ്ഡലത്തില് മത്സരിപ്പിക്കാന് കഴിഞ്ഞ ദിവസം തന്നെ പാര്ട്ടി നേതൃത്വം തീരുമാനിച്ചതാണ്. നലിനിലെ സ്ഥാനാര്ത്ഥി പട്ടികയില് ഏക പി ബി അംഗമാണ് ബേബി
തിരഞ്ഞെടുപ്പ് തിയ്യതി പ്രഖ്യാപിച്ചതോടെ എത്രയും പെട്ടന്ന് സ്ഥാനാര്ത്ഥികളെ തീരുമാനിച്ച് ഇലക്ഷന് പ്രചരണം തുടങ്ങുമെന്നാണ് സൂചനകള്. പ്രചരണത്തിന് മുന്നില് താനുണ്ടാകുമെന്ന് പ്രതിപക്ഷ നേതാവ് വി എസ് അച്യുതാനന്ദന് പറഞ്ഞു. 20 മണ്ഡലങ്ങളിലും പ്രചാരണം നടത്തുമെന്ന് അദ്ദേഹം വ്യക്തമാക്കി.