ഹോസ്റ്റലുകളില്‍ വിളമ്പുന്നത് പഴകിയ ഭക്ഷണം; മിന്നല്‍ പരിശോധനയ്ക്കിടെ കണ്ടത്...

കോട്ടയം: കോട്ടയത്തെ ഹോസ്റ്റലുകളില്‍ നഗരസഭ നടത്തിയ മിന്നല്‍ പരിശോധനയില്‍ പഴകിയ ഭക്ഷണം പിടികൂടി. മെഡിക്കല്‍ കോളേജ്, ബേക്കര്‍ ജങ്ഷന്‍ എന്നിവിടങ്ങളിലെ ഹോസ്റ്റലുകളില്‍ നിന്നാണ് പഴകിയ ഭക്ഷണം പിടികൂടിയത്.

മാപ്പ് അപേക്ഷ കൊടുത്ത് ഫൈന്‍ അടപ്പിക്കുമെന്ന് ആരോഗ്യ സ്റ്റാന്‍ഡിങ് കമ്മിറ്റി തീരുമാനിച്ചു. ഹോസ്റ്റലുകളായതിനാല്‍ പൂട്ടാനുള്ള ഉത്തരവ് നല്‍കുന്നതിന് പരിമിതിയുണ്ടെന്നാണ് നഗരസഭയുടെ ആരോഗ്യ വിഭാഗം പറയുന്നത്.

അതേസമയം പഴകിയ ഭക്ഷണം തുടര്‍ച്ചയായി നല്‍കുന്നത് ശ്രദ്ധയില്‍പ്പെട്ടാല്‍ ലൈസന്‍സ് റദ്ദാക്കുമെന്നും നഗരസഭ വ്യക്തമാക്കി. മെഡിക്കല്‍ കോളേജ് ഗാന്ധി നഗര്‍ ഭാഗത്തെ ഹോസ്റ്റലുകളാണ് പഴകിയ ഭക്ഷണം നല്‍കിയത്. പഴകിയ ബീഫ് കറി, തൈര്, ചപ്പാത്തി, മീന്‍ കറി എന്നിവയാണ് ഹോസ്റ്റലുകളില്‍ നിന്ന് പിടിച്ചെടുത്തത്.

വനിത ഹോസ്റ്റലുകളിലാണ് പ്രധാനമായും പരിശോധന നടത്തിയത്. വിദ്യാര്‍ഥികള്‍ ഉള്‍പ്പെടെയുള്ളവര്‍ നല്‍കിയ പരാതിയുടെ അടിസ്ഥാനത്തിലാണ് പരിശോധന നടത്തിയത്.

English summary

bad food in hostel in kottayam