ഇതു താന് ഡാ പെണ്ണ്!! കണ്ടക്ടറുടെ വാക്ക് പരിധിവിട്ടു, കൊടുത്തു എട്ടിന്റെ പണി!!!
കണ്ടക്ടറുടെ വാക്ക് പരിധി വിട്ടു. ബസിന്റെ താക്കോലുമെടുത്ത് പെണ്കുട്ടി പോയി. ബസ്ജീവനക്കാര്ക്ക് കിട്ടിയത് മുട്ടന് പണി.
ബദിയടുക്ക: കണ്ടക്ടറുടെ മോശം പെരുമാറ്റത്തിന് പെണ്കുട്ടി മുട്ടന് പണി കൊടുത്തു. നിരന്തരം വാക്കുകൊണ്ട് ശല്യം ചെയ്യുന്ന ബസ് ജീവനക്കാരന്റെ പെരുമാറ്റം അസഹനീയമായതോടെ ബസിന്റെ താക്കോലുമെടുത്ത് പെണ്കുട്ടി പോവുകയായിരുന്നു. ബദിയടുക്ക-മുണ്ട്യത്തടുക്ക റൂട്ടിലാണ് സംഭവം.
ജീവനക്കാരന് പെണ്കുട്ടി മുന്നറിയിപ്പ് നല്കിയിരുന്നെങ്കിലും അനുസരിക്കാതെ വന്നതോടെയാണ് ഇങ്ങനെ ചെയ്തത്. ഒടുവില് പോലീസും നാട്ടുകാരും എത്തിയാണ് സംഭവം പരിഹരിച്ചത്.
രാവിലെ പോകുമ്പോള് ജീവനക്കാരന് പെണ്കുട്ടിയെ ശല്യം ചെയ്തിരുന്നു. അസഭ്യവര്ഷവും കളിയാക്കലും സഹിക്കാതെ വന്നതോടെ ഇനി ഉപദ്രവിച്ചാല് പരാതിപ്പെടുമെന്ന് പെണ്കുട്ടി മുന്നറിയിപ്പ് നല്കി.വൈകിട്ട് വരുമ്പോഴും ശല്യം തുടര്ന്നു. ജീവനക്കാരന് ചീത്ത പറഞ്ഞപ്പോള് താന് ഇറങ്ങുന്നതിന് മുമ്പ് മാപ്പ് പറയണമെന്ന് പെണ്കുട്ടി ആവശ്യപ്പെട്ടിരുന്നു. എന്നാല് ആള്ക്കൂട്ടത്തിന് മുന്നില് വച്ചും കണ്ടക്ടര് പരിഹാസം തുടര്ന്നതോടെയാണ് ഡ്രൈവറുടെ കാബിനില് കയറി പെണ്കുട്ടി താക്കോലുമെടുത്ത് കടന്നത്.
സംഭവത്തെ കുറിച്ച് പെണ്കുട്ടി നാട്ടുകാരോട് പറഞ്ഞു. തുടര്ന്ന് നാട്ടുകാര് പോലീസില് അറിയിക്കുകയായിരുന്നു. പോലീസ് ജീവനക്കാരെ താക്കീത് ചെയ്ത് വിട്ടയച്ചു. ഇവര്ക്കെതിരെ കേസെടുത്തിട്ടില്ല. വൈകിട്ട് നാലരയോടെ ആരംഭിച്ച പ്രശ്നം രാത്രി ഒമ്പതു മണിയോടെയാണ് അവസാനിച്ചത്.
ഈ മേഖലയില് ബസ്ജീവനക്കാര് വിദ്യാര്ഥിനികളെ വല്ലാതെ ശല്യം ചെയ്യുന്നുണ്ടെന്നാണ് വിവരം. എന്നാല് ഭയം കാരണം പെണ്കുട്ടികള് പരാതിപ്പെടാറില്ല.