ആത്മീയ തട്ടിപ്പുകാര്ക്ക് വേദി ഒരുക്കരുത്; കൊടക്കാട് നടക്കുന്നത് അതിന്റെ തുടര്ച്ച: ബഹാവുദ്ദീന് നദ്വി
മണ്ണാര്ക്കാടിന് അടുത്ത കൊടക്കാട് നടക്കുന്നത് ആത്മീയ തട്ടിപ്പാണെന്ന് സമസ്ത മുശാവറ അംഗവും ദാറുല്ഹുദ വൈസ് ചാന്സലറുമായ ഡോ. ബഹാവുദ്ദീന് മുഹമ്മദ് നദ്വി. എല്ലാതരം ചൂഷണങ്ങള്ക്കും എതിരു നിന്ന പാരമ്പര്യമാണ് ഇസ്ലാമിന്റേത്. ജനങ്ങളെ സമുദ്ധരിക്കുകയാണ് പ്രഭാഷകരുടെയും പ്രബോധകരുടെയും ദൗത്യം. സ്വാര്ഥ താല്പ്പര്യങ്ങള്ക്ക് വേണ്ടി മതത്തെ കമ്പോളവല്ക്കരിക്കുന്നവര്ക്ക് ആരും സഹായം നല്കരുതെന്നും നദ്വി ഓര്മിപ്പിച്ചു.
കൊടക്കാട് നടക്കുന്ന ആത്മീയ ചൂഷണത്തിന് പിന്തുണ നല്കുന്ന വിശ്വാസികളും വേദിയൊരുക്കുന്ന മഹല്ല് കമ്മിറ്റിക്കാരും ഇസ്ലാമിനെയാണ് പരിഹാസ്യമാക്കുന്നത് എന്ന് ഗൗരവത്തോടെ മനസിലാക്കണം. അത്തരക്കാരെ അകറ്റി നിര്ത്തണം. അവര്ക്കെതിരെ പൊതുസമൂഹത്തെ ബോധവല്ക്കരിക്കേണ്ടത് പണ്ഡിതമന്മാരുടെ ദൗദ്യമാണെന്നും ബഹാവുദ്ദീന് നദ്വി ഫേസ്ബുക്കില് കുറിച്ചു.
നദ്വിയുടെ ഫേസ്ബുക്ക് കുറിപ്പ് വായിക്കാം: ''എല്ലാ തരം ചൂഷണങ്ങള്ക്കും എതിരു നിന്ന പാരമ്പര്യമാണ് വിശുദ്ധ ഖുര്ആന്റേതും തിരുനബിയുടേതും. ഇസ്ലാം മതത്തിന്റെ അടിസ്ഥാന വിശ്വാസങ്ങളും ആദര്ശ- അനുഷ്ഠാന കര്മങ്ങളും വിശ്വാസികള്ക്കു പകര്ന്നുകൊടുക്കുകയും അതുവഴിയവരെ സമുദ്ധരിക്കുക എന്നതുമാവണം പ്രഭാഷകരുടെയും പ്രബോധകരുടെയും ജീവിത ദൗത്യം. ജഗന്നിയന്താവായ അല്ലാഹുവില് മാത്രം ജീവിതം സമര്പ്പിച്ച്, ആത്മീയ സരണിയിലൂടെ ലക്ഷക്കണക്കിന് ജനങ്ങളുടെ ഇസ്ലാമാശ്ലേഷണത്തിന് വഴിയൊരുക്കിയ അനേകം സൂഫിവര്യരുടെയും രീതി അതു തന്നെയായിരുന്നു. ആഗോള- ദേശീയ- പ്രാദേശിക സൂഫി മാതൃകകള് ഇക്കാര്യത്തില് എമ്പാടും കാണാം.
എന്നാല്, കേവലമായ സ്വാര്ഥ താല്പര്യങ്ങള്ക്ക് വേണ്ടി മതത്തെ കമ്പോളവത്കരിച്ചും ആത്മീയ ചൂതാട്ടം നടത്തിയും ജീവിക്കുന്ന നിരവധി കപടന്മാര് എക്കാലത്തുമുണ്ടായിട്ടുണ്ട്. വിചിത്രമായ അത്ഭുത കഥകള് പ്രചരിപ്പിച്ചും, മതബോധത്തിന്റെ അടിവേര് മാന്തുന്ന അന്തസ്സാര ശൂന്യമായ സംസാരങ്ങള് നടത്തിയും സമര്ത്ഥവും വശ്യവുമായ അവതരണങ്ങള് നിര്വഹിച്ചും ഇക്കൂട്ടര് ലാഭം കൊയ്തു.
അത്തരത്തില്, അല്ലാഹുവിനെയോ പരലോക ജീവിതത്തെയോ ഭയമൊട്ടുമില്ലാതെ, ആത്മീയതയെ കച്ചവട ചരക്കാക്കുന്നവരുടെ തുടര്ച്ച തന്നെയാണ് പാലക്കാട് ജില്ലയിലെ, മണ്ണാര്ക്കാടിനടുത്ത് കൊടക്കാട് കേന്ദ്രീകരിച്ച് കുറച്ചുകാലമായി ഒരാള് നടത്തിക്കൊണ്ടിരിക്കുന്നത്. ഏതാനും ചാരിറ്റിയുടെ പേരില് എന്തു നെറികേടിനും കുടപിടിക്കുന്നവരായി തരം താഴുന്നവരാവരുത് ഉത്തമ സമുദായമൊരിക്കലും.
സ്വയം പ്രഖ്യാപിത ആത്മീയ നായകനായി ചമയുന്ന ടിയാന്റെ ആഭാസങ്ങള്ക്ക് പിന്തുണ നല്കുന്ന വിശ്വാസികളും വേദിയൊരുക്കുന്ന മഹല്ല് കമ്മിറ്റിക്കാരും മറ്റു സംഘടനാ ഭാരവാഹികളും വിശുദ്ധ മതത്തെയാണ് പരിഹാസ്യമാക്കുന്നതെന്നത് ഗൗരവത്തോടെ തന്നെ കാണണം. അത്തരക്കാരെ അകറ്റിനിര്ത്തേണ്ടതും അവര്ക്കെതിരെ സമൂഹത്തെ ബോധവത്കരിക്കേണ്ടതുമാണ് പണ്ഡിത ദൗത്യമെന്ന് തിരിച്ചറിയണം.
മദ്റസാപഠനം നടത്തിയ ഏതാണ്ടെല്ലാ മലയാളി മുസ്ലിമിനും സാധിക്കുന്ന ഖുര്ആന് പാരായണം പോലും തെറ്റില്ലാതെ നടത്താന് കഴിയാത്ത, ബഹുദൈവങ്ങളെ മനസ്സില് ധ്യാനിക്കാന് പറയുന്ന ജ്ഞാനശൂന്യനായ ഇയാളുടെ കോമാളിത്തരങ്ങള് ശ്രവിക്കുന്നവരും അത്തരം ചൂഷണ സദസ്സുകള് വിജയിപ്പിക്കുന്നവരും ബിരിയാണിയും കൈമടക്കും സ്വപ്നം കണ്ട് അത്തരം നാടക സദസ്സുകളില് പങ്ക് കൊള്ളുന്നവരും എന്ത് സന്ദേശമാണ് സമൂഹത്തിനു നല്കുന്നത്?
സമൂഹത്തെ ഗ്രസിച്ചുകൊണ്ടിരിക്കുന്ന ഇത്തരം ജീര്ണ്ണതകളെ എന്തു വില കൊടുത്തും തടയേണ്ടവരാണ് മതപണ്ഡിതന്മാര്. ആത്മീയ തട്ടിപ്പുകാര്ക്ക് വേദിയൊരുക്കുകയും അവരെ ന്യായീകരിക്കുകയും ചെയ്യുന്നവരായി നാമൊരിക്കലും തരംതാണുകൂടാ. ഖുഥ്ബുസ്സമാന് മമ്പുറം തങ്ങളും മഖ്ദൂമുമാരും മലയാളി മുസ്ലിമിനു കാണിച്ചുതന്ന മഹത്തായ ആത്മീയ ധാര പിന്തുടര്ന്ന് സുന്നത്ത് ജമാഅത്തിന്റെ യഥാര്ത്ഥ ധാരയില് ആദര്ശബോധത്തോടെ അടിയുറച്ച് നില്ക്കാന്, എല്ലാ തരം കള്ളനാണയങ്ങളെയും പിഴുതെറിഞ്ഞ് സത്യദീനിന്റെ സുന്ദര മുഖത്തിനു കാവലേകാന് നമുക്കെല്ലാം സൗഭാഗ്യമുണ്ടാവട്ടെ.''
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google