മാസപ്പിറവി ദൃശ്യമായി; ദക്ഷിണ കേരളത്തില് ബലി പെരുന്നാള് ജൂലായ് 10ന്
കോഴിക്കോട്: ദക്ഷിണ കേരളത്തില് ബലി പെരുന്നാള് ജൂലായ് 10ന്. പാളയം ഇമാം വി പി സുഹൈബ് മൗലവിയും ദക്ഷിണ കേരള ജംഇയത്തുല് ഉലമ സെക്രട്ടറി തൊടിയൂര് മുഹമ്മദ് കുഞ്ഞ് മൗലവിയും കേരള ഹിലാല് കമ്മിറ്റി ചെയര്മാന് എം മുഹമ്മദ് മദനിയുമാണ് ഇക്കാര്യം അറിയിച്ചത്. തിരുവനന്തപുരം വഞ്ചുവത്താണ് മാസപ്പിറവി ദൃശ്യമായത്. നാളെ ദുല്ഹജ് ഒന്നും ജൂലായ് 10ന് പെരുന്നാളായിരിക്കുമെന്ന് നേതാക്കള് അറിയിച്ചു.
സ്വിം സ്യൂട്ടില് നീരാടി ദിവ്യ പ്രഭ; ഗ്ലാമറസ് ലുക്ക് പൊളിച്ചെന്ന് ആരാധകര്, ചിത്രങ്ങള് വൈറല്
നേരത്തെ സൗദി അറേബ്യയില് അടക്കം ബലി പെരുന്നാള് ജൂലായ് 9ന് ആയിരിക്കുമെന്ന് അറിയിച്ചിരുന്നു. സൗദി അറേബ്യയില് തുമൈറിലാണ് ഇന്നലെ മാസപ്പിറവി ദൃശ്യമായത്. ഇതേ തുടര്ന്ന് ഹിജ്റ മാസമായ ദുല്ഖഅദ് ഇന്നലെ അവസാനിക്കുകയും ഇന്ന് ദുല്ഹജ്ജ് ഒന്ന് ആരംഭിക്കുകയും ചെയ്തു. ദുല്ഹജ്ജ് മാസപ്പിറവി ദൃശ്യമായതോടെയാണ് അറഫാ ദിനം, ബലി പെരുന്നാള് തുടങ്ങിയ പ്രധാന ഹജ്ജ് ചടങ്ങുകളുടെ തിയതികളില് തീരുമാനമായത്.
ബലി പെരുന്നാള്: സൗദി ഉള്പ്പടേയുള്ള ഗള്ഫ് രാജ്യങ്ങളില് പെരുന്നാള് 9 ന്, കേരളത്തില് സാധ്യത 10 ന്
ഹജ്ജിലെ പ്രധാനപ്പെട്ട ചടങ്ങായ അറഫാ ദിനം ജൂലായ് എട്ടിന് വെള്ളിയാഴ്ചയാണ് നടക്കുക. മാസപ്പിറവി ദൃശ്യമായതോടെ തീര്ത്ഥാകടകര് ഹജ്ജ് കര്മ്മത്തിനായി മിനയിലേക്ക് നീങ്ങിത്തുടങ്ങിയിട്ടുണ്ട്.