ബക്രീദ്; മൂന്ന് ദിവസങ്ങളിൽ ലോക്ക്ഡൗൺ ഇളവ്..ഡി കാറ്റഗറിയിൽ ഇളവില്ല

തിരുവനന്തപുരം; മൂന്ന് ദിവസങ്ങളിൽ ലോക്ക് ഡൗണിൽ ഇളവ് നൽകാൻ തിരുമാനം. ബക്രീദ് പ്രമാണിച്ചാണ് ഇളവുകൾ അനുവദിക്കുന്നത്. 18, 19, 20 തീയതികളിലാണ് നിയന്ത്രണങ്ങളിൽ ഇളവുണ്ടാകുക..ഈ ദിവസങ്ങളില്‍ എ,ബി, സി വിഭാഗങ്ങളിൽപെടുന്ന മേഖലകളിൽ ഉൾപ്പെടെയാണ് നിയന്ത്രണങ്ങളിൽ ഇളവ്. 21 ന് ആണ് ബക്രീദ്.

ഈ പ്രദേശങ്ങളിൽ അവശ്യവസ്തുക്കള്‍ വിൽക്കുന്ന ( പലചരക്ക്, പഴം, പച്ചക്കറി, മീന്‍, ഇറച്ചി, ബേക്കറി ) കടകൾക്കുപുറമെ തുണിക്കട, ചെരുപ്പ് കട, ഇലക്ട്രോണിക് ഷോപ്പുകള്‍, ഫാന്‍സി ഷോപ്പുകള്‍, സ്വര്‍ണ്ണക്കട എന്നിവയും തുറക്കുന്നതിന് അനുവാദം നൽകും. രാവിലെ ഏഴ് മുതൽ രാത്രി 8 മണിവരെയാണ് ഇവയ്ക്ക് തുറന്ന് പ്രവർത്തിക്കാൻ അനുമതിയുണ്ടാവുക.അതേസമയം ട്രിപ്പിള്‍ ലോക്ഡൗണ്‍ ഉള്ള ഡി കാറ്റഗറിയിൽ ഇളവുകൾ അനുവദിച്ചേക്കില്ല.

English summary

Bakrid; except d category lockdown relaxations for 3 days