കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സഖാക്കളുടെ വെല്ലുവിളി മറികടന്ന് ബല്‍റാം കൊണ്ടോട്ടിയിലെത്തി പ്രസംഗിച്ചു, സംഘപരിവാറും സിപിഎമ്മും ഒരു നാണയത്തിന്റെ ഒരേവശമെന്നും ബല്‍റാം

  • By Desk
Google Oneindia Malayalam News

മലപ്പുറം: കൊണ്ടോട്ടി സഖാക്കളുടെ വെല്ലുവളി മറികടന്ന് വിടി ബല്‍റാം എംഎല്‍എ കൊണ്ടോട്ടിയിലെത്തി പ്രസംഗിച്ചു. വന്‍ സ്വീകരണമാണ് ബല്‍റാമിന് കൊണ്ടോട്ടിയിലെ കോണ്‍ഗ്രസുകാര്‍ നല്‍കിയത്. സംഘപരിവാറും സിപിഎമ്മും ഒരു നാണയത്തിന്റെ രണ്ടുവശങ്ങളല്ല ഒരേ വശങ്ങളാണെന്ന് വി.ടി.ബല്‍റാം എംഎല്‍എ പറഞ്ഞു.

കൊണ്ടോട്ടിയില്‍ മുന്‍സിപ്പല്‍ കോണ്‍ഗ്രസ് കമ്മിറ്റി സംഘടിപ്പിച്ച രാഷ്്ട്രീയ വിശദീകരണ യോഗത്തില്‍ സംസാരിക്കുകയായിരുന്നു അദ്ദേഹം. ഭൗതിക, മാധ്യമ, സാംസ്‌കാരിക രംഗത്ത് കമ്മ്യൂണിസ്റ്റ് പാര്‍ട്ടിയുടെ ഭൗതിക മസ്തിഷ്‌ക പ്രക്ഷാളനമാണ് നടക്കുന്നത്. അതിന്റെ ഭാഗമായിട്ടാണ് ഒളിവ് ജീവിതത്തിന്റെ വീര ഇതിഹാസങ്ങള്‍ പ്രചരിപ്പിക്കുന്നത്. ഒരു പ്രത്യേക സാഹചര്യത്തിലാണ് അന്ന് എനിക്ക് അഭിപ്രായം പറയേണ്ടി വന്നത്. വിവാദവുമായി മുന്നോട്ട് പോകാന്‍ എനിക്ക് താല്‍പ്പര്യമില്ല എന്ന് പറഞ്ഞിട്ടും നൂറ് പേര്‍ പോലും കാണാത്ത കമന്റ് സ്‌ക്രീന്‍ ഷോട്ട് എടുത്തു പ്രചരിപ്പിച്ച് സിപിഎമ്മാണ്. അവര്‍ക്ക് കോണ്‍ഗ്രസിന്റെ ഏത് നേതാക്കളെക്കുറിച്ചും അസഭ്യം പറയാം. അവരെ മുഴുവന്‍ പ്രത്യേക തരക്കാരായി ചിത്രീകരിച്ച് ജനങ്ങളുടെ ഇടയില്‍ സംശയത്തിന്റെ പുകമറയില്‍ നിര്‍ത്താം. സിപിഎമ്മിന് എന്തുമാവാം എന്ന നിലപടാണ്.

balram1

കൊണ്ടോട്ടിയില്‍ മുന്‍സിപ്പല്‍ കോണ്‍ഗ്രസ് കമ്മിറ്റി സംഘടിപ്പിച്ച രാഷ്്ട്രീയ വിശദീകരണ യോഗത്തില്‍ വി.ടി ബല്‍റാം എം.എല്‍.എ പ്രസംഗിക്കുന്നു.

ആ നിലയിലുളള സമീപനത്തിന്റെ നാളുകള്‍ കേരളത്തില്‍ കഴിഞ്ഞുവെന്നത് അവര്‍ ഓര്‍ത്താല്‍ നന്നാവും. ചില കാര്യങ്ങള്‍ നിങ്ങള്‍ക്ക് മനസിലാകുന്നത് ഈ ഭാഷയിലാണെങ്കില്‍, ആവര്‍ത്തിക്കാന്‍ ഞങ്ങള്‍ ആഗ്രഹിക്കുന്നില്ല. പക്ഷേ, അനിവാര്യമായ സന്ദര്‍ഭങ്ങളില്‍ ഒരു വി.ടി.ബല്‍റാമില്‍ നിന്നല്ല ഒരായിരം കോണ്‍ഗ്രസ് പ്രവര്‍ത്തകരുടെ കണഠങ്ങളില്‍ ഇനിയും ശബ്ദം ഉയരുക തന്നെ ചെയ്യുമെന്നും അദ്ദേഹം പറഞ്ഞു. ബല്‍റാമിനെ കൊണ്ടോട്ടിയില്‍ കാലുകുത്താന്‍ അനുവദിക്കില്ലെന്നും കൊണ്ടോട്ടിയിലെത്തിയാല്‍ കാലുവെട്ടുമെന്നടക്കമുള്ള പ്രചരണവുമായി കൊണ്ടോട്ടി സഖാക്കള്‍ എന്ന സോഷ്യല്‍ മീഡിയ ഗ്രൂപ്പ്‌വഴിയും മറ്റും വന്‍ വെല്ലുവിളികളാണ് കൊണ്ടോട്ടിയിലെ സഖാക്കള്‍ നടത്തിയിരുന്നത്. ഇതിനെ മറികടന്നാണു ബല്‍റാം കൊണ്ടോട്ടിയിലെത്തിയത്.

മുംബൈ ഭീകരാക്രമണത്തിന് പിന്നില്‍ ഹാഫിസ് സയീദെന്ന് ലോകത്തിന് മുഴുവനറിയാം: കര്‍സായ് പാകിസ്താനെതിരെമുംബൈ ഭീകരാക്രമണത്തിന് പിന്നില്‍ ഹാഫിസ് സയീദെന്ന് ലോകത്തിന് മുഴുവനറിയാം: കര്‍സായ് പാകിസ്താനെതിരെ

English summary
Balram's speech in Kondotty
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X