Click it and Unblock the Notifications
Just In
Don't Miss
-
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ബാര്‍ കോഴ; ബാറുടമകളെ നുണപരിശോധനയ്ക്ക് വിധേയമാക്കിയേക്കും
കൊച്ചി: ബാര്‍ കോഴക്കേസ് അന്വേഷിക്കുന്ന വിജിലന്‍സ് ബാറുടമകള്‍ക്ക് നുണപരിശോധന നടത്താന്‍ ഒരുങ്ങുന്നു. അഞ്ച് ബാറുടമകളെ നുണപരിശോധനയ്ക്ക് വിധേയമാക്കാന്‍ അനുമതി തേടി വിജിലന്‍സ് അന്വേഷണസംഘം തിരുവനന്തപുരം വിജിലന്‍സ് കോടതിയെ സമീപിച്ചു.
ബാര്‍ അസോസിയേഷന്‍ സംസ്ഥാന പ്രസിഡന്റ് രാജ് കുമാര്‍ ഉണ്ണി, ജോണ്‍ കല്ലാട്ട്, ശ്രീവത്സന്‍, പോളക്കുളം കൃഷ്ണദാസ്, അനിമോന്‍ എന്നിവര്‍ക്ക് നുണപരിശോധന നടത്തണമെന്നാണ് വിജിന്‍ലന്‍സിന്റെ ആവശ്യം. ഇവര്‍ അന്വേഷണ സംഘവുമായി വേണ്ട രീതിയില്‍ സഹകരിക്കുന്നില്ലെന്ന് കോടതിയില്‍ സമര്‍പ്പിച്ച ഹര്‍ജിയില്‍ പറയുന്നുണ്ട്.
ബാര്‍ ഉടമകളില്‍ പലരും നേരത്തെ നല്‍കിയ മൊഴികളില്‍ മാറ്റം വരുത്തുകയും കോഴ നല്‍കിയെന്ന ആരോപണത്തില്‍ നിന്നും പിന്മാറുകയും ചെയ്തിരുന്നു. ഇതേ തുടര്‍ന്നാണ് ഇവര്‍ക്ക് നുണ പരിശോധന നടത്താന്‍ കോടതിയുടെ അനുമതി തേടിയത്. അപേക്ഷയില്‍ ബാറുടമകളുടെ ഭാഗം കേള്‍ക്കാന്‍ കോടതി നോട്ടീസ് നല്‍കി. ഇവര്‍ അനുവദിക്കാതെ നുണ പരിശോധന നടത്താന്‍ അന്വേഷണ സംഘത്തിന് സാധിക്കുകയില്ല.
ബാര്‍ കോഴക്കേസിന്റെ തുടക്കത്തില്‍ ബാര്‍ അസോസിയേഷന്‍ ഭാരവാഹികളും മറ്റ് അംഗങ്ങളും കെ എം മാണിക്ക് കോഴ കൊടുത്ത കാര്യം മാധ്യമങ്ങളിലൂടെയും മറ്റും തുറന്നു പറഞ്ഞിരുന്നെങ്കിലും പിന്നീട് കാലുമാറുകയായിരുന്നു. കെ എം മാണിയും സംസ്ഥാന സര്‍ക്കാരും സമ്മര്‍ദ്ദം ചെലുത്തിയതിനെ തുടര്‍ന്നാണ് കാലുമാറ്റമെന്നാണ് ബിജു രമേശിന്റെ ആരോപണം.
