കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കെ എം മാണിയെ യുഡിഎഫ് കുറ്റവിവിമുക്തനാക്കിയത് ശരിയായില്ലെന്ന് ബാലകൃഷ്ണപിള്ള

  • By Gokul
Google Oneindia Malayalam News

തിരുവനന്തപുരം: ബാര്‍ കോഴ അഴിമതികേസില്‍ വിജിലന്‍സ് അന്വേഷണം നടന്നുകൊണ്ടിരിക്കെ യുഡിഎഫ് അദ്ദേഹത്തെ കുറ്റവിമുക്തനാക്കിയത് ശരിയായില്ലെന്ന് കേരള കോണ്‍ഗ്രസ് ചെയര്‍മാന്‍ ആര്‍. ബാലകൃഷ്ണപിള്ള. മൊഴിപോലും നല്‍കുന്നതിനു മുന്‍പാണ് യുഡിഎഫ് മാണിയെ കുറ്റവിമുക്തനാക്കിയിരിക്കുന്നതെന്ന് ബാലകൃഷ്ണപിള്ള കുറ്റപ്പെടുത്തി.

കെ എം മാണിക്ക് ഒന്‍പ് എംഎല്‍എമാരുണ്ടെന്നത് ശരിതന്നെ. എന്നാല്‍ അതൊരു ന്യായമായി കാണരുത്. വിഎസ് അച്യുതാനന്ദന്‍ തനിക്കെതിരെ അഴിമതി ആരോപണം ഉന്നയിച്ചപ്പോള്‍ സഹായിക്കാന്‍ ആരുമുണ്ടായിരുന്നില്ലന്ന് ബാലകൃഷ്ണപിള്ള ഓര്‍മിപ്പിച്ചു. ഞായറാഴ്ച നടന്ന യുഡിഎഫ് യോഗം കെ എം മാണിക്ക് പിന്തുണ നല്‍കാന്‍ തീരുമാനിച്ചതിനെതിരെയാണ് ബാലകൃഷ്ണപിള്ള രംഗത്തെത്തിയിരിക്കുന്നത്.

balakrishna-pillai-1

എന്തുവിലകൊടുത്തും മാണിയെ സംരക്ഷിക്കാനാണ് യുഡിഎഫ് യോഗത്തിന്റെ തീരുമാനം. യോഗത്തില്‍ കെ എം മാണിയെ സംരക്ഷിക്കാനുള്ള പ്രമേയവും അവതരിപ്പിച്ചിരുന്നു. ബാറുടമകളുടെ പ്രതികാര മനോഭാഭാവത്തില്‍ നിന്നും ഉണ്ടായതാണ് കോഴ ആരോപണം. ഇത്തരം ആരോപണങ്ങള്‍ക്ക് നിന്നുകൊടുക്കേണ്ടെന്ന് യുഡിഎഫ് തീരുമാനിക്കുകയായിരുന്നു.

ബാര്‍ അസോസിയേഷന്‍ നേതാവ് ബിജു രമേശ് ആണ് മാണിക്കെതിരെ കോഴ ആരോപണം ഉന്നയിച്ചത്. അടച്ചിട്ട ബാറുകള്‍ തുറന്നു പ്രവര്‍ത്തിക്കാനായി ഒരു കോടിരൂപ കോഴ കൊടുത്തെന്നായിരുന്നു ആരോപണം. ആരോപണം ഉയര്‍ന്നതിനെ തുടര്‍ന്ന വിജിലന്‍സ് പ്രാഥമിക അന്വേഷണം നടത്തുകയാണ്. ഈ അന്വേഷണത്തില്‍ തെളിവുകണ്ടെത്തിയാല്‍ മാത്രമേ കേസ് രജിസ്റ്റര്‍ ചെയ്യുകയുള്ളൂ.

English summary
Bar bribe raw; Balakrishna Pillai against K M Mani
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X