കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബാര്‍ കോഴ; എഡിജിപി ശങ്കര്‍ റെഡ്ഡിക്കെതിരെ ഹൈക്കോടതിയില്‍ സത്യവാങ്മൂലം

ശങ്കര്‍റെഡ്ഡി എസ്.പി സുകേശനെ മാനസികമായി പീഡിപ്പിക്കാനും ആജ്ഞാനുവര്‍ത്തിയാക്കാനും ശ്രമം നടത്തിയെന്നും സത്യവാങ്മൂലത്തിലുണ്ട്.

  • By Anwar Sadath
Google Oneindia Malayalam News

തിരുവനന്തപുരം: ബാര്‍ കോഴക്കേസ് അന്വേഷിച്ച എസ്.പി സുകേശനെ സ്വാധീനിക്കാന്‍ ശ്രമിച്ചെന്നുകാട്ടി മുന്‍ വിജിലന്‍സ് മേധാവി എഡിജിപി ശങ്കര്‍റെഡ്ഡിക്കെിരെ ഹൈക്കോടതിയില്‍ വിജിലന്‍സ് സത്യവാങ്മൂലം സമര്‍പ്പിച്ചു. ശങ്കര്‍റെഡ്ഡി എസ്.പി സുകേശനെ മാനസികമായി പീഡിപ്പിക്കാനും ആജ്ഞാനുവര്‍ത്തിയാക്കാനും ശ്രമം നടത്തിയെന്നും സത്യവാങ്മൂലത്തിലുണ്ട്.

ബാര്‍ കോഴക്കേസ് അന്വേഷിച്ച സുകേശനുമേല്‍ വിജിലന്‍സ് ഡയറക്ടര്‍ അനാവശ്യമായി ഇടപെട്ടെന്ന് വ്യക്തമാക്കുന്നതാണ് സത്യവാങ്മൂലം. കേസ് അന്വേഷണത്തില്‍ സാക്ഷി മൊഴികളെ വിശ്വാസത്തിലെടുക്കാന്‍ ഡിജിപി തയാറായില്ലെന്നും സത്യവാങ്മൂലത്തില്‍ പറയുന്നു.

bar

കൂടാതെ, സുകേശനെതിരായ ക്രൈംബ്രാഞ്ച് അന്വേഷണത്തിന് പിന്നിലും ശങ്കര്‍റെഡ്ഡിയാണെന്നും ആവശ്യപ്പെട്ട റിപ്പോര്‍ട്ട് നല്‍കാന്‍ എസ്.പിയുടെ മേല്‍ അനാവശ്യ സമ്മര്‍ദ്ദം ചെലുത്തിയെന്നും സത്യവാങ്മൂലത്തിലുണ്ട്. വിജിലന്‍സ് തന്നെ മുന്‍ ഡയറക്ടര്‍ക്കെതിരെ സത്യവാങ്മൂലം നല്‍കിയത് ശങ്കര്‍ റെഡ്ഡിക്ക് വിനയാകുമെന്നാണ് റിപ്പോര്‍ട്ട്.

അതേസമയം, സത്യവാങ്മൂലം കള്ളമാണെന്ന് ശങ്കര്‍റെഡ്ഡി പ്രതികരിച്ചു. കേസുമായി ബന്ധമില്ലാത്തയാള്‍ സത്യവാങ്മൂലം നല്‍കിയത്. ബാര്‍കേസില്‍ സുകേശന്‍ കോടതിയില്‍ റിപ്പോര്‍ട്ട് നല്‍കിയ ശേഷമാണ് ബാറുടമകള്‍ നടത്തിയ ഗൂഢാലോചന മനസിലാക്കിയത്. ഇപ്പോഴത്തെ സത്യവാങ്മൂലം സംശയാസ്പദമാണെന്നും അദ്ദേഹം വ്യക്തമാക്കി.

English summary
Bar bribery case; Vigilance files affidavit against Shankar Reddy
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X