റിപ്പോര്ട്ടറിന് വന്തിരിച്ചടി... 24 ന്യൂസും പിന്നിലേക്ക്; ആധിപത്യം തുടര്ന്ന് ഏഷ്യാനെറ്റ് ന്യൂസ്
വാര്ത്താ ചാനലുകളുടെ റേറ്റിംഗില് ഒന്നാം സ്ഥാനത്ത് തന്നെ തുടര്ന്ന് ഏഷ്യാനെറ്റ് ന്യൂസ്. വാര്ത്താ ചാനലുകളുടെ റേറ്റിംഗ് കണക്കാക്കുന്ന ബാര്ക്ക് (ബ്രോഡ്കാസ്റ്റ് ഓഡിയന്സ് റിസര്ച്ച് കൗണ്സില്) റേറ്റിംഗിലെ 31-ാമത്തെ ആഴ്ചയിലാണ് ഏഷ്യാനെറ്റ് ആധിപത്യം നിലനിര്ത്തിയത്. ഒന്നാം സ്ഥാനത്തുള്ള ഏഷ്യാനെറ്റ് ന്യൂസിന് 96 പോയന്റ് ആണ് ഉള്ളത്. റിപ്പോര്ട്ടര് ടിവി രണ്ടാം സ്ഥാനത്തും 24 ന്യൂസ് മൂന്നാം സ്ഥാനത്തുമാണ്.
മാതൃഭൂമി ന്യൂസ്, മനോരമ ന്യൂസ് എന്നിവയാണ് നാല്, അഞ്ച് സ്ഥാനങ്ങളില്. രണ്ടാം സ്ഥാനത്തുള്ള റിപ്പോര്ട്ടര് ടിവിക്ക് 79 പോയന്റ് ആണ് ഉള്ളത്. 24 ന് 71 പോയന്റും ഉണ്ട്. അതേസമയം അച്ചടി മാധ്യമങ്ങളിലെ ആദ്യ രണ്ട് സ്ഥാനക്കാരായ മനോരമയ്ക്കും മാതൃഭൂമിക്കും ചാനല് റേറ്റിംഗില് പോയന്റ് വളരെ കുറവാണ്. നാലാം സ്ഥാനത്തുള്ള മാതൃഭൂമിയ്ക്ക് 42 പോയന്റ് ആണ് ഉള്ളത്.
മനോരമയ്ക്ക് 37 പോയന്റും ആണ് ഉള്ളത്. ആറാം സ്ഥാനത്തുള്ള ന്യൂസ് 24*7 ന് 27 പോയന്റ് ആണ് ഉള്ളത്. കൈരളി ന്യൂസ് ഏഴാം സ്ഥാനത്താണ്. 17 പോയന്റാണ് ഉള്ളത്. 15 പോയന്റോടെ ന്യൂസ് 18 കേരളം എട്ടാം സ്ഥാനത്തും 9 പോയന്റുള്ള മീഡിയ വണ് ടിവി ഒമ്പതാം സ്ഥാനത്തുമാണ്. കഴിഞ്ഞ ആഴ്ചത്തെ പോയന്റില് നിന്ന് ഒരു പോയന്റ് മാത്രമാണ് ഇത്തവണ ഏഷ്യാനെറ്റിന് വര്ധിപ്പിക്കാനായത്.
എന്നാല് കഴിഞ്ഞ ആഴ്ച രണ്ടാം സ്ഥാനത്ത് 88 പോയന്റുണ്ടായിരുന്ന റിപ്പോര്ട്ടര് ടിവിക്ക് 9 പോയന്റ് ഇടിഞ്ഞു. 24 ന്യൂസിനും പോയന്റ് കുറഞ്ഞു. മാതൃഭൂമി ന്യൂസ് നേരിയ തോതില് പോയന്റ് വര്ധിപ്പിച്ചപ്പോല് മനോരമ ന്യൂസിന് പോയന്റ് ഇടിഞ്ഞു. മാതൃഭൂമിയ്ക്ക് കഴിഞ്ഞ ആഴ്ച 41 പോയന്റായിരുന്നു. എന്നാല് കഴിഞ്ഞ ആഴ്ച 39 പോയന്റുണ്ടായിരുന്നിടത്ത് നിന്നാണ് ഈ ആഴ്ച 37 ലേക്ക് മനോരമ എത്തിയത്.
ബാര്ക്ക് റേറ്റിംഗ്
അടുത്ത കാലത്തായി കേരളത്തിലെ ടെലിവിഷന് ചാനലുകള്ക്ക് ഇടയില് ശക്തമായ മത്സരമാണ് നടന്ന് കൊണ്ടിരിക്കുന്നത്. 24 ന്യൂസിന്റെ വരവും റിപ്പോര്ട്ടര് ടിവിയുടെ മുഖം മിനുക്കിയുള്ള വരവുമാണ് ഇതിന് കാരണമായത്. പതിറ്റാണ്ടുകളായി വാര്ത്താ ചാനലുകളില് അധിശത്വം സ്ഥാപിച്ചിരുന്ന ഏഷ്യാനെറ്റിനെ ഒന്നാം സ്ഥാനത്ത് നിന്ന് മറിച്ചിടാന് റിപ്പോര്ട്ടര് ടിവിക്ക് അടുത്തിടെ സാധിച്ചിരുന്നു.
മലയാളം ടെലിവിഷന് ന്യൂസ് ചാനലുകളുടെ തലതൊട്ടപ്പനായി നില്ക്കുന്ന ഏഷ്യാനെറ്റ് ന്യൂസ് ബാര്ക്ക് റേറ്റിഗില് മൂന്നാം സ്ഥാനത്തേക്ക് പോകുന്ന സാഹചര്യം വരെയുണ്ടായിരുന്നു. കഴിഞ്ഞ കുറെ നാളുകളായി ഏഷ്യാനെറ്റ് ന്യൂസ്, റിപ്പോര്ട്ടര് ടിവി, 24 ന്യൂസ് എന്നീ ചാനലുകളാണ് ആദ്യ മൂന്ന് സ്ഥാനങ്ങളില് തുടരുന്നത്. ബാര്ക്ക് റേറ്റിംഗ് സംവിധാനം അവസാനിപ്പിച്ച് കേന്ദ്ര സര്ക്കാര് പുതിയ സംവിധാനം കൊണ്ടുവരുന്നുവെന്ന ചര്ച്ചകള് ഉയര്ന്ന് വരുന്നുണ്ടെങ്കിലും ഇത് സംബന്ധിച്ച ഔദ്യോഗിക പ്രഖ്യാപനങ്ങളൊന്നും ഉണ്ടായിട്ടില്ല.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google