Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബംഗാളിപെണ്‍കുട്ടിക്ക് പീഡനം;പ്രതികള്‍ കുറ്റക്കാര്‍
കണ്ണൂര്‍: പ്രായപൂര്‍ത്തിയാകാത്ത ബംഗാളി പെണ്‍കുട്ടിയെ ലൈംഗികമായി പീഡിപ്പിച്ച കേസിലെ പ്രതികള്‍ കുറ്റക്കാരെന്ന് കോടതി. കണ്ണൂര്‍ ജില്ലയിലെ ഇരിട്ടിയില്‍ നാല് പേര്‍ ചേര്‍ന്നാണ് പെണ്‍കുട്ടിയെ ക്രൂരമായി പീഡിപ്പിച്ചത്. പീഡിപ്പിച്ചവര്‍ നാല് പേരും മലയാളികളാണ്.
രാത്രിയില്‍ ബസ്സ് കാത്ത് നില്‍ക്കുകയായിരുന്ന പെണ്‍കുട്ടിയെ ലോറിയില്‍ കയറ്റിക്കൊണ്ട് പോയാണ് ബലാത്സംഗം ചെയ്തത്. ബിജു, മുഹമ്മദ് ഷെരീഫ്, മുഹമ്മദ് സാലി, ജംഷീര്‍ എന്നിവരാണ് കേസിലെ പ്രതികള്‍. ഇവരുടെ ശിക്ഷ ജൂണ്‍ 30 നാണ് വിധിക്കുക.
2011 ഡിസംബര്‍ 24 നാണ് കേസിന് ആസ്പദമായ സംഭവം. കാമുകനെ അന്വേഷിച്ചാണ് ബംഗാളില്‍ നിന്നുള്ള പെണ്‍കുട്ടി കേരളത്തില്‍ എത്തിയത്. കാമുകനെ തിരയാന്‍ കൂടെ രണ്ട് ബംഗാളി സുഹൃത്തുകളും ഉണ്ടായിരുന്നു.
രാത്രി പെരുമ്പാടിയിലെ ചെക്‌പോസ്റ്റിനടുത്ത് ബസ്സ് കാത്ത് നില്‍ക്കുമ്പോഴാണ് പ്രതികളില്‍ മൂന്ന് പേര്‍ ലോറിയിലെത്തിയത്. പടിയൂര്‍ എന്ന സ്ഥലത്തിറക്കാമെന്ന് പറഞ്ഞാണ് പെണ്‍കുട്ടിയേയും സുഹൃത്തുക്കളേയും ലോറിയില്‍ കയറ്റിയത്. കൂടെയുണ്ടായിരുന്നവരെ മര്‍ദ്ദിച്ചവശരാക്കി പെണ്‍കുട്ടിയെ വയലത്തൂര്‍ പുഴയുടെ തീരത്ത് വച്ച് കൂട്ട ബലാത്സംഗത്തിന് ഇരയാക്കുകയായിരുന്നു.
എന്തായാലും കേരള പോലീസ് മിടുക്കുകാണിച്ച കേസുകളില്‍ ഒന്നായിരുന്നു ഇത്. 24 മണിക്കൂറിനകം പ്രതികളെ പിടികൂടി. സംഭവം നടന്ന് ഒന്നര വര്‍ഷത്തിന് ശേഷമാണ് വിചാരണ തുടങ്ങിയത്. വിചാരണ പൂര്‍ത്തിയാകും വരെ പെണ്‍കുട്ടി കേരളത്തില്‍ തന്നെ തങ്ങുകയായിരുന്നു.
തലശ്ശേരി പ്രിന്‍സിപ്പല്‍ സെഷന്‍സ് കോടതിയാണ് പ്രതികളെ കുറ്റക്കാരെന്ന് കണ്ടെത്തിയത്.
