• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഭഗത് ചന്ദ്രശേഖര്‍ റിപ്പോര്‍ട്ടറിലേക്ക്, നികേഷ് കുമാര്‍ സജീവ രാഷ്ട്രീയത്തിലേക്കും?

  • By Soorya Chandran

കൊച്ചി: ടിവി ന്യൂ ചാനലിന്റെ സിഇഒ ആയിരുന്ന ഭഗത് ചന്ദ്രശേഖര്‍ റിപ്പോര്‍ട്ടര്‍ ടിവിയുടെ സാരഥ്യം ഏറ്റെടുത്തേക്കുമെന്ന് റിപ്പോര്‍ട്ട്. നികേഷ് കുമാര്‍ മാധ്യമ പ്രവര്‍ത്തനം ഉപേക്ഷിച്ച് സജീവ രാഷ്ട്രീയത്തിലേക്കിറങ്ങിയേക്കുമെന്നും അഭ്യൂഹങ്ങള്‍ പരക്കുന്നുണ്ട്.

മാസങ്ങളായി ശമ്പളം നല്‍കാത്തതിനെ തുടര്‍ന്ന് റിപ്പോര്‍ട്ടര്‍ ചാനലിലും ജീവനക്കാര്‍ കടുത്ത അതൃപ്തിയിലാണ്. പലരും ഇപ്പോള്‍ തന്നെ രാജിവച്ചു. മറ്റ് ചിലര്‍ ജോലിക്കെത്തുന്നുമില്ല. ഈ സാഹചര്യത്തിലാണ് ഭഗത് ചന്ദ്രശേഖര്‍ റിപ്പോര്‍ട്ടറിലേക്ക് വരുന്നതായുള്ള വാര്‍ത്തകള്‍ പുറത്ത് വരുന്നത്.

ഭഗത് ചന്ദ്രശേഖര്‍ സിഇഒ ആയിരുന്ന ടിവി ന്യൂ ഇപ്പോള്‍ വലിയ പ്രതിസന്ധിയിലാണ്. ചാനലില്‍ തത്സമയ വാര്‍ത്ത സംപ്രേഷണം അവസാനിച്ചിട്ട് ദിവസങ്ങളായി. ചാനല്‍ ഉടമകള്‍ ഭഗതിനെ പുറത്താക്കിയതായും ഇതിനിടെ വാര്‍ത്തകള്‍ പുറത്ത് വന്നിരുന്നു.

എംവി രാഘവന്റെ മരണ ശേഷം പാര്‍ട്ടി നേതൃത്വം ആര് ഏറ്റെടുക്കും എന്ന ചര്‍ച്ച സജീവമാണ്. ഇതിനിടെ സിപിഎമ്മിന്റെ പല സമ്മേളനങ്ങളിലും നികേഷ് കുമാര്‍ പങ്കെടുക്കുകയും ചെയ്തിരുന്നു.

നികേഷ് കുമാര്‍ സജീവ രാഷ്ട്രീയത്തിലേക്കിറങ്ങുന്നതിന് സിപിഎമ്മിന്റെ പിന്തുണയും ഉണ്ടെന്നാണ് റിപ്പോര്‍ട്ടുകള്‍. എംവി രാഘവന്റെ തിരിച്ചുവരവ് ഒരു പരിധി വരെ അവസാന കാലത്ത് സിപിഎം ആഗ്രഹിച്ചിരുന്നു. നികേഷിനെ സിഎംപി നേതാവായി സ്വീകരിക്കുമോ അതോ സിഎംപി സിപിഎമ്മില്‍ ലയിക്കുമോ എന്നൊന്നും തീരുമാനമായിട്ടില്ല.

കഴിഞ്ഞ ലോക്‌സഭ തിരഞ്ഞെടുപ്പ് കാലത്ത് തന്നെ നികേഷിനെ രംഗത്തിറക്കാന്‍ സിപിഎമ്മിന് താത്പര്യമുണ്ടായിരുന്നു. എന്നാല്‍ നികേഷ് അന്നതിന് തയ്യാറായിരുന്നില്ല.

English summary
Bhagath Chandrsekhar may join Reporter TV: Report
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X