പ്ലസ്ടു അനുവദിക്കാന് കോഴയെന്ന് എംഇഎസ്
കോഴിക്കോട്: പ്ലസ്ടു വിവാദത്തിന് അവസാനമാകുന്നില്ല. സ്കൂളികളില് പുതിയ പ്ലസ് ടു ബാച്ചുകള് അനുവദിക്കുന്നതിന് കോഴ വശ്യപ്പെട്ടു എന്ന ആരോപണവുമായി എംഇഎസ് ആണ് ഇപ്പോള് രംഗത്തെത്തിയിരിക്കുന്നത്.
എംഇഎസ് പ്രസിഡന്റെ ഫസല് ഗഫൂര് മാതൃഭൂമി ന്യൂസിനോടാണ് ഇത് സംബന്ധിച്ച വെളിപ്പെടുത്തല് നടത്തിയത്. മുസ്ലീം ലീഗ് നേതാക്കളാണ് കോഴ ആവശ്യപ്പെട്ടതെന്നും ഫസല് ഗഫൂര് പറയുന്നു.
മുസ്ലീം ലീഗിനേയും വിദ്യാഭ്യാസ വകുപ്പിനേയും പ്രതിക്കൂട്ടില് നിര്ത്തുന്നതാണ് ഫസല് ഗഫൂറിന്റെ വെളിപ്പെടുത്തല്. വ്യാപകമായ അഴിമതിയാണ് നടന്നിട്ടുള്ളതെന്നാണ് എംഇഎസ്നി#റെ ആരോപണം. വിഷയത്തില് സംഘടന നിയമ നടപടി സ്വീകരിക്കുമെന്നും ഫസല് ഗഫൂര് വ്യക്തമാക്കുന്നു.
മുസ്ലീം ലീഗ് നേതാക്കള് പ്ലസ്ടു ബാച്ചിനായി കൈക്കൂലി ആവശ്യപ്പെട്ട് തന്നെ സമീപിക്കുകയായിരുന്നു എന്നാണ് ഫസല് ഗഫൂര് പറയുന്നത്. താന് അവരെ പറഞ്ഞയച്ചു എന്നും, വിവരം മുസ്ലീം ലീഗ് ജനറല് സെക്രട്ടറി കെപിഎ മജീദിനെ അറിയിച്ചു എന്നും ഫസല് ഗഫൂര് പറയുന്നുണ്ട്.
എത്ര രൂപയാണ് കൈക്കൂലിയായി ആവശ്യപ്പെട്ടതെന്ന് അദ്ദേഹം പറഞ്ഞില്ല . ആരൊക്കെയാണ് ഈ വിഷയത്തില് തന്നെ സമീപിച്ചതെന്ന് വ്യക്തമാക്കാനും ഫസല് ഗഫൂര് തയ്യാറായില്ല .