ബിഗ് ബോസിലെ വന്‍ പരാജയം ഈ താരം, നേട്ടമുണ്ടാക്കിയത് മണിക്കുട്ടനോ ഡിംപലോ അല്ല, മറ്റൊരു താരം

ലോക്ക് ഡൗണ്‍ നിയന്ത്രണങ്ങള്‍ കാരണം ബിഗ് ബോസ് മലയാളം കഴിഞ്ഞ സീസണിലേത് പോലെ ഇത്തവണയും ഫൈനല്‍ റൗണ്ടിലേക്ക് എത്തുന്നതിന് മുമ്പ് അവസാനിപ്പിക്കേണ്ടി വന്നിരിക്കുകയാണ്. ലോക്ക് ഡൗണ്‍ നിയന്ത്രണങ്ങള്‍ പാലിക്കാത്തതിനെ തുടര്‍ന്ന് ഷോ ഷൂട്ട് ചെയ്യുന്ന ചെന്നൈയിലെ സ്റ്റുഡിയോ തമിഴ്നാട് പോലീസ് അടച്ച് പൂട്ടിയതിനെ തുടര്‍ന്നാണ് ഷോ പാതിവഴിയില്‍ നിര്‍ത്തേണ്ടി വന്നത്.

ഷോ താല്‍ക്കാലികമായി നിര്‍ത്തിയെന്നാണ് അധികൃതര്‍ പറയുന്നതെങ്കിലും വീണ്ടും തുടരുമെന്ന കാര്യത്തില്‍ വലിയ ഉറപ്പെന്നും നല്‍കുന്നില്ല. എട്ട് മത്സരാര്‍ത്ഥികളാണ് നിലവില്‍ ഷോയില്‍ അവസാനിക്കുന്നത്. ഷോ നിര്‍ത്തിയതിന് പിന്നാലെ ഈ താരങ്ങളെ അവലോകനം ചെയ്തുകൊണ്ട് അതുല്‍ ദാസ് എന്നയാല്‍ പങ്കുവെച്ച ഒരു കുറിപ്പാണ് ഇപ്പോള്‍ സാമൂഹ്യ മാധ്യമങ്ങളില്‍ വൈറലായികൊണ്ടിരിക്കുന്നത്. ആ കുറിപ്പിന്‍റെ പൂര്‍ണ്ണ രൂപം ഇങ്ങനെ...

നോബിയും അനൂപും

സേഫ് പ്ലയറാണ് നോബി. വ്യക്തിയെന്ന നിലയിൽ ഇമേജ് തകർച്ച സംഭവിച്ചിട്ടില്ല. എങ്കിലും പെർഫോമൻസ് നോക്കിയാൽ വൻ പരാജയം. നിലവിൽ ഉണ്ടായിരുന്ന ഫാൻ ബേസ് കുറച്ച് പടിയിറങ്ങേണ്ടി വരുന്ന ആൾ. എന്നിരുന്നാലും വെറുപ്പ് സമ്പാദിച്ചിട്ടില്ല.

എറെ കുറെ സേഫ് പ്ലെയർ, എന്നാൽ ഫിസിക്കൽ ടാസ്ക്കുകളിൽ മികച്ച പെർഫോമൻസ്. മറ്റു ടാസ്കുകളിൽ മോശമല്ലാത്ത പ്രകടനം. രണ്ട് പുരുഷന്മാരെ ഒരുമിച്ച് നേരിടാൻ കഴിയുന്ന ആരോഗ്യവാൻ. വ്യക്തിത്വം കൊണ്ട് ആവറേജ്. അതിനാൽ തന്നെ പ്രകടനം നന്നായാലും ഫാൻ ബേസ് ഇല്ല. സീതാ കല്യാണത്തിലെ കല്യാണിൽ നിന്ന് ബിബിയിലേക്ക് എത്തുമ്പോൾ വ്യക്തി എന്ന നിലയിൽ ഇമേജ് തകർച്ചയും പെർഫോമൻസ് നോക്കുമ്പോൾ മികച്ച ഇമേജും ഉണ്ടാക്കിയ വ്യക്തിയാണ് അനൂപെന്ന് കുറിപ്പിൽ പറയുന്നു

സമ്മിശ്രമാണ് റംസാൻ

മികച്ച ഫാൻ ബേസുമായി വന്ന് എല്ലാം കളഞ്ഞ് കുളിച്ച് മോശം ഇമേജുമായി ഇറങ്ങുന്ന വ്യക്തി. നല്ല പെർഫോമറാണെങ്കിലും വ്യക്തി എന്ന നിലയിൽ സമ്പൂർണ പരാജയം. അഹങ്കാരം, ധാർഷ്ട്യം, ബഹുമാനമില്ലായ്മ, പുച്ഛം എന്നിവയുടെ സമ്മിശ്രമാണ് റംസാൻ. സ്നേഹിക്കുന്നവരെ കാലിനടിയിൽ ഇട്ട് ചവിട്ടിയരക്കുന്ന വികല മനോഭാവം ഭാവി ജീവിതത്തെ തീർച്ചയായും മോശമായി ബാധിക്കും. തിരുത്തലുകൾ എറ്റവും കൂടുതൽ വേണ്ട വ്യക്തി. മികച്ച വഴക്കമുള്ള നല്ല ശരീരം, സൂപ്പർ ഡാൻസർ, സുന്ദരൻ, നല്ല പെർഫോമർ സായിയുടെ ഉയർച്ച അവന്റെ ദാനമല്ലായിരുന്നു എന്നും, സായിക്കും റിതുവിനും അവനേക്കാൾ മികച്ച സ്വീകാര്യത ഉണ്ടായിരുന്നു എന്നും പുറത്തിറങ്ങിയാൽ മനസിലാക്കും.

കിടിലം ഫിറോസ്

മികച്ച ഗെയിം പ്ലാനുകൾ, അഭിനയിക്കേണ്ട ടാസ്കുകളിൽ പോലും അപ്രതീക്ഷിതമായി മികച്ച പ്രകടനങ്ങൾ. മറ്റുള്ളവരെ സ്വാധീനിക്കാനുള്ള കഴിവ്. സംസാരിക്കാനുള്ള കഴിവ് പ്രശംസനീയം. കോർട്ട് ടാസ്കിൽ വ്യക്തവും കുറിക്ക് കൊള്ളുന്നതുമായി നന്നായി മറുപടി കൊടുത്തത് കിടിലൻ ആയിരുന്നു ശക്തരായവരുടെ ഫാൻസ് സമ്മതിക്കില്ലെങ്കിലും. ഗ്യാങ്ങ് ഉണ്ടാക്കാൻ കഴിഞ്ഞു എങ്കിൽ അത് അയാളുടെ കഴിവാണ്. എന്നിരുന്നാലും കിടിലനിൽ ജനങ്ങൾക്ക് കുടിലത കൂടി കാണാൻ കഴിഞ്ഞതിനാലാകണം ഇമേജ് തകർച്ച നേരിട്ട് തന്നെയാണ് ഫിറോസ് തിരിച്ചിറങ്ങുക.

റിതു മന്ത്ര

ഒറ്റവാക്കിൽ ബോൾഡ് ആൻഡ് ബ്യൂട്ടിഫുൾ. എല്ലാവരോടും നല്ല രീതിയിൽ പെരുമാറുന്ന ആത്മാർത്ഥതയുള്ള വ്യക്തി. ആത്മാർത്ഥത കാണിച്ചവരിൽ നിന്നെല്ലാം തിരിച്ചടികൾ നേരിട്ട വ്യക്തി. റംസാനോടുള്ള അമിത വിധേയത്വം ആണ് അപാകത. ജീവിത സാഹചര്യങ്ങളെ ,കുറവുകളെ സിംപതിക്കായി ഉപയോഗിക്കാത്ത മത്സരാർത്ഥി. പോളിഷ്ഡ് ആയ സംസാരം. പെർഫോമൻസ് ടാസ്ക്കുകളിൽ മികച്ച പ്രകടനം കാഴ്ച്ച വയ്ക്കുന്ന മികച്ച പെർഫോമറാണ് റിതു.

പാട്ടും ഡാൻസും

പാട്ടും ഡാൻസും അഭിനയവും ഒരു പോലെ കാഴ്ചവെക്കുന്ന മികച്ച എന്റർടൈനർ. ചില ആദ്യ കാല പെർഫോമൻസുകൾ ഒഴിച്ച് നിർത്തിയാൽ ഫിസിക്കൽ ടാസ്കുകളിൽ നല്ല ശ്രമങ്ങൾ നടത്തിയെങ്കിലും റിസൾട്ട് ഉണ്ടാക്കാൻ സാധിച്ചിട്ടില്ല. ഒറ്റപ്പെടുന്നവരെ ലാഭം നോക്കാതെ ചേർത്തു നിർത്തുന്നതായി കാണാം ( സൂര്യ, സായി). വ്യക്തി കേന്ദ്രീകൃതമായ ആക്രമണങ്ങൾ അകത്തും പുറത്തും ഒരുപോലെ നേരിട്ട വ്യക്തി. സിംഗിൽ പാരന്റ് വളർത്തിയ കുട്ടിയായിട്ടും മികച്ച ആത്മ വിശ്വാസം റിതുവിൽ കാണാം. നല്ല വസ്ത്രധാരണം വഴിയും പോളിഷ്ഡ് ആയ സംസാരം വഴിയും തന്നെ നല്ല രീതിയിൽ പ്രസൻറ് ചെയ്യാൻ റിതുവിന് കഴിഞ്ഞു.

നേട്ടമുണ്ടാക്കിയ സായി

എറ്റവും കൂടുതൽ നേട്ടമുണ്ടാക്കി പുറത്ത് വരുന്നത് സായി ആണെന്ന് നിസംശയം പറയാം.. ആദ്യ നാളുകളിൽ വെറുപ്പുളവാക്കുന്ന നെഞ്ചും തള്ളി വരുന്ന പരസ്പര ബഹുമാനം തീരെ ഇല്ലാത്ത പക്കാ ലോക്കൽ എന്നതിൽ നിന്ന് പൊതുജനത്തിന് സ്വീകാര്യനായ സായിയുടെ വളർച്ച പ്രശംസനീയമാണ്. കൂടെ നടക്കുന്നവരെ സ്നേഹിക്കുന്നവരെ അകാരണമായി വ്യക്തിഹത്യ ചെയ്യുന്ന സ്വഭാവം (eg: റിതു, ഭാഗ്യലക്ഷമി) , അടി ഉണ്ടാക്കുമ്പോൾ നെഞ്ചും തള്ളി വരുന്ന സ്വഭാവം എന്നിവ ഒഴിച്ച് നിർത്തിയാൽ ശാന്തനായ സായ് വിഷ്ണുവിനെ എല്ലാവർക്കും ഇഷ്ടമാണ്. പെർഫോൻസുകളും അഭിനയവും തികച്ചും ആവറേജ് മാത്രം ആണ്. അതിലും നല്ല അഭിനയം ചില ഷോർട്ട്ഫിലിമുകളിൽ കാഴ്ച്ച വച്ചതായി കാണുന്നു. സിനിമാ മേഖലയിൽ തിളങ്ങിയില്ലെങ്കിലും മോഡലിംഗ് മേഖലയിൽ തിളങ്ങാൻ സാധ്യത കാണുന്നു

ഡിംപല്‍ ഭാല്‍

ആദ്യ ദിനം തന്നെ ശ്രദ്ധിക്കപ്പെട്ട വ്യക്തി. ഒരു സർവൈവർ എന്ന നിലയിൽ മികച്ച പ്രകടനം. അച്ഛൻ മരിച്ചതറിയാതെ ഒരു മാലാഖയെ പോലെ കൺഫെഷൻ റൂമിൽ പോയ ഡിംബലിനെ സ്നേഹത്തോടെ ഓർക്കുന്നു. രണ്ടാം വരവിൽ അത്ര താത്പര്യമില്ലാതായ വ്യക്തി. അമ്മയുടെ അഭിമുഖം അതിന് കാരണമാകാം. 50 % നല്ലതും 50% ഫേക്കും ആണ് ഡിംപൽ എന്നാണ് എന്റെ നിരീക്ഷണം.

തിരിച്ചു വരവ്

തിരിച്ചു വരവിൽ കളിപഠിച്ച് വന്ന യോദ്ധാവിന്റെ ആത്മവിശ്വാസം ഡിംപലിൽ കാണാം എങ്കിലും. മുഴുവൻ സമയ പരദൂഷണം ,സ്വന്തം അവസ്ഥയെ മാർക്കറ്റ് ചെയ്യൽ ,സിംപതി പിടിച്ചു പറ്റൽ എന്നിവ പയറ്റിയതിനാൽ രണ്ടാം വരവിൽ വെറുപ്പ് സംമ്പാദിച്ചാണ് മടക്കം. അവസാന ടാസ്കിലെ മികച്ച പെർഫോമൻസ് കാണുമ്പോൾ " എനിക്ക് വയ്യാഞ്ഞിട്ടും ഞാൻ ചെയ്തല്ലോ" എന്ന ഡയലോഗ് സിമ്പതിക്ക് വേണ്ടി മാത്രം ഇറക്കിയതായി തോന്നുന്നു. അസുഖമുള്ള കുട്ടി എന്ന പരിഗണന മാറ്റിനിർത്തി ചിന്തിച്ചാൽ ഒരു ആവറേജ് പെർഫോമർ. ജീവിതത്തോട് പെരുതുന്ന ഒരു പെൺകുട്ടി എന്ന നിലയിൽ ഡിംബൽ ബഹുമാനം അർഹിക്കുന്നു.

മണിക്കുട്ടന്‍

മണിക്കുട്ടന്റെ പെർഫോമൻസിനെ പുറത്ത് പോകുന്നതിന് മുൻപും ശേഷവും എന്ന് രണ്ടായി ഭാഗിക്കേണ്ടി വരും. ആദ്യ ഭാഗത്ത് 100 % മികച്ച വ്യക്തി, പെർഫോമർ, എന്റർടൈനർ ആയിരുന്നു എന്ന് നിസംശയം പറയാം. ശേഷം ആത്മാർത്ഥമായ /ഉള്ളിൽ നിന്നുള്ള ഒരു ചിരി പോലും കാണാൻ സാധിച്ചിട്ടില്ല. മാനസിക സമ്മർദ്ദം താങ്ങാനാവാതെയാകാം ലാലേട്ടൻ വരുന്ന എപ്പിസോഡിൽ പോലും ചിരി അഭിനയിക്കുന്നതായി നമുക്ക് കാണാം. ഡിംപലിന്റെ രണ്ടാം വരവു കൊണ്ട് പരദൂഷണക്കാരനായ എംകെയേയും നമ്മൾ കണ്ടു.

ഫാന്‍ ബേസില്‍ ഇടിവ്

ആദ്യം ഉണ്ടാക്കിയ മികച്ച ഫാൻ ബേസിൽ നിന്ന് 25 ശതമാനം ഇടിവ് രണ്ടാം വരവിൽ മണിക്കുട്ടന് ഉണ്ടായിട്ടുണ്ട് എങ്കിലും മറ്റാരേക്കാളും ആരാധകരുള്ള വ്യക്തിയാണ് മണിക്കുട്ടൻ. റിതു - മണിക്കുട്ടൻ കോംപോ യൂട്യൂബിലും ഇൻസ്റ്റഗ്രാമിലും ഇപ്പോഴും തരംഗമാണ്. സ്വന്തമായി വീടില്ല എന്ന് കേട്ടിരുന്നു. അതു കൊണ്ട് കൂടി മണിക്കുട്ടൻ വിജയി ആകണം എന്നും നല്ല വിവാഹ ജീവിതം ലഭിക്കണം എന്നും ആത്മാർത്ഥമായി ആഗ്രഹിക്കുന്നു. തന്റെ സങ്കൽപ്പങ്ങളുമായി ചേർന്ന് പോയില്ലെങ്കിലും ഡിംപലിനേക്കാൾ നല്ല സുഹൃത്തായിരുന്നു സൂര്യ എന്നത് മണിക്കുട്ടൻ തിരിച്ചറിയട്ടെ. അവസാന നാളുകളിൽ റിതുവിനെ കുറ്റം പറഞ്ഞതിൽ പുറത്തിറങ്ങുമ്പോൾ മണിക്കുട്ടൻ ഖേദിക്കും എന്നതും ഉറപ്പാണ്

English summary

Bigg Boss malayalam season 3: Sai Vishnu is the highest achiever in Bigg Boss this time