Click it and Unblock the Notifications
Just In
-
-
-
Don't Miss
-
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
പര്‍ദ്ദയുടെ മറവില്‍ സ്വര്‍ണക്കടത്ത്
കൊച്ചി:പര്‍ദ്ദക്കുള്ളില്‍ മറച്ച് കടത്തുകയായിരുന്ന 5.8 കോടി രൂപയുടെ സ്വര്‍ണം നെടുമ്പാശ്ശേരി അന്താരാഷ്ട്ര വിമാനത്തില്‍ പിടികൂടി. രണ്ട് സ്ത്രീകളാണ് പര്‍ദ്ദ മറയാക്കി സ്വര്‍ണം കടത്താന്‍ ശ്രമിച്ചത്. കസ്റ്റംസ് പ്രിവെന്റീവ് യൂണിറ്റിന് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് സ്വര്‍ണം പിടിച്ചെടുത്തത്.
മതപരമായ വസ്ത്ര ധാരണ രീതി ചോദ്യം ചെയ്യപ്പെടില്ലെന്ന് വിശ്വാസത്തിലായിരുന്നു പര്‍ദ്ദ മറയാക്കിയുള്ള സ്വര്‍ണ കള്ളക്കടത്ത്. ശരീരം മുഴുവന്‍ മൂടുന്ന വസ്ത്രമായതിനാല്‍ കള്ളക്കടത്തിന് പര്‍ദ്ദ നല്ലൊരു മറയുമാണ്.
മൊത്തം 20 കിലോയുടെ 20 സ്വര്‍ണക്കട്ടികളാണ് ഉണ്ടായിരുന്നത്. ഇത് പര്‍ദ്ദക്കുള്ളില്‍ ഒളിപ്പിച്ചുവച്ച നിലയില്‍ ആയിരുന്നു ഇത്. കോഴിക്കോട് സ്വദേശിനിയും തൃശൂര്‍ സ്വദേശിനിയും ആണ് പിടിയിലായത്. ദുബായില്‍ നിന്നാണ് ഇരുവരും കൊച്ചിയില്‍ എത്തിയെതന്ന് കസ്റ്റംസ് അധികൃതര്‍ അറിയിച്ചു. ആറ് ദിവസം മുമ്പാണ് ഇവര്‍ കൊച്ചിയില്‍ നിന്ന് ദുബായിലേക്ക് പോയത്.
പ്രത്യേകം തയ്യാറാക്കിയ ജാക്കറ്റുകളിലായിരുന്നു സ്വര്‍ണം ഒളിപ്പിച്ചിരുന്നത്. ഇതിന് മുകളില്‍ പര്‍ദ്ദകൂടി അണിഞ്ഞപ്പോള്‍ പരിശോധനയില്‍ നിന്ന് രക്ഷപ്പെടാം എന്നായിരുന്നു സ്ത്രീകളുടെ പ്രതീക്ഷ. പിടിച്ചെടുത്ത സ്വര്‍ണത്തിന്റെ കസ്റ്റംസ് തീരുവ മാത്രം അറുപത് ലക്ഷം രൂപവരുമെന്നാണ് വിവരം. രാജ്യത്തെ ഏതെങ്കിലും വിമാനത്താവളത്തില്‍ അടുത്തകാലത്തായി പിടിച്ച ഏറ്റവും വലിയ സ്വര്‍ണ കള്ളക്കടത്തായിരുന്നു ഇത്.
