പറഞ്ഞതെല്ലാം സത്യം; സിഡി മാറ്റിയത് ആരെന്ന് ഊഹിയ്ക്കാമെന്ന് ബിജു... ലക്ഷ്യം വച്ചത് ഉമ്മന്‍ ചാണ്ടിയെ?

കൊച്ചി: മുഖ്യമന്ത്രി ഉമ്മന്‍ ചാണ്ടിയ്‌ക്കെതിരെ തന്റെ കൈവശം ഉണ്ടെന്ന് പറഞ്ഞ സിഡി ബിജു രാധാകൃഷ്ണന് വീണ്ടെടുക്കാനായില്ല. എന്നാല്‍ താന്‍ പറഞ്ഞത് മുഴുവന്‍ സത്യമാണെന്ന വാദവുമായിട്ടാണ് ബിജു ഇപ്പോള്‍ രംഗത്ത് വരുന്നത്.

സിഡി കോയമ്പത്തൂരില്‍ ചന്ദ്രന്റെ കൈയ്യില്‍ തന്നെയാണ് ഏല്‍പിച്ചിരുന്നത്. അത് പിന്നീട് അപ്രത്യക്ഷമായത് തന്നെയാണെന്ന് ബിജു പറയുന്നു. സിഡി അപ്രത്യക്ഷമായതിന് പിന്നില്‍ ആരാണെന്ന് ഊഹിയ്ക്കാവുന്നതാണെന്നും ബിജു പറയുന്നു.

മുഖ്യമന്ത്രി ഉമ്മന്‍ ചാണ്ടിയുടെ നേര്‍ക്ക് തന്നെയാണ് ബിജു തന്റെ സംശയത്തിന്റെ വിരല്‍ ചൂണ്ടുന്നത് എന്നത് വ്യക്തമാണ്. തന്നേക്കാള്‍ വലിയ അധികാര ശക്തികള്‍ ഉള്ളപ്പോള്‍ ഇതെല്ലാം സംഭവിയ്ക്കുമെന്നും ബിജു ആരോപിയ്ക്കുന്നു.

തെളിവിനായി ബിജുവിനേയും കൊണ്ട് ആറംഗ സംഘം കോയമ്പത്തൂരിലേയ്ക്ക് പോയത് വലിയ വാര്‍ത്ത തന്നെ ആയിരുന്നു. പത്ത് മണിക്കൂര്‍ സമയം കൊണ്ട് തനിയ്ക്ക് സിഡി ഹാജരാക്കാനാകുമെന്നായിരുന്നു ബിജു സോളാര്‍ കമ്മീഷനോട് പറഞ്ഞത്. എന്നാല്‍ കോയമ്പത്തൂരിലെ വീട്ടില്‍ നിന്ന് മറ്റ് ചില രേഖകള്‍ മാത്രമാണ് ലഭിച്ചത്. ഇവ എന്തൊക്കെയാണെന്ന് ഇതുവരേയും വ്യക്തമാക്കിയിട്ടില്ല.

സിഡിയുടെ നാല് പകര്‍പ്പുകളുണ്ടെന്നും മൂന്ന് പകര്‍പ്പുകളുണ്ടെന്നും പറയപ്പെടുന്നു. ഇതില്‍ ഒന്ന് വിദേശത്താണ് ഉള്ളത്. ആവശ്യപ്പെട്ടാല്‍ ഇത് ഹാജരാക്കാമെന്നും ബിജു രാധാകൃഷ്ണന്‍ പറഞ്ഞിരുന്നു.

English summary

Biju Radhakrishnan says, all he said was 100 percent true, somebody took away the CD.