ബിന്ധ്യയുടെ അമ്മ ദുരൂഹ സാഹചര്യത്തില്‍ മരിച്ച നിലയില്‍

ആലപ്പുഴ: ബ്ലൂ ബ്ലാക്ക് മെയിലിങ് കേസിലെ പ്രതി ബിന്ധ്യ തോമസിന്റെ മാതാവിനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. ആലപ്പുഴ പനച്ചുവട് റെയില്‍വേ ക്രോസിനടുത്താണ് മൃതദേഹം കണ്ടെത്തിയത്.

പുന്നപ്ര മുല്ലശ്ശേരി വീട്ടില്‍ മോളി തോമസ് ആണ് മരിച്ചത്. 52 വയസ്സായിരുന്നു.ഒക്ടോബര്‍ 26 ന് രാവിലെയാണ് റെയില്‍വേ പാളത്തിലെ അറ്റകുറ്റപ്പണികള്‍ നടത്തുന്ന ജീവനക്കാരാണ് മൃതദേഹം കണ്ടത്. മോളിയുടെ സഹോദരന്റെ മകനാണ് മൃതദേഹം തിരിച്ചറിഞ്ഞത്.

തീവണ്ടിയില്‍ നിന്ന് വീണ് മരിച്ചതാകാമെന്നാണ് പോലീസിന്റെ പ്രാഥമിക നിഗമനം. എന്നാല്‍ മൃതദേഹത്തിന് ഒരു ദിവസത്തെ പഴക്കമുണ്ടെന്നാണ് നാട്ടുകാര്‍ ആരോപിക്കുന്നത്. കഴിഞ്ഞ ദിവസം പ്രദേശത്ത് മൃതദേഹം ഉണ്ടായിരുന്നും ഇല്ല. പോസ്റ്റ്‌മോര്‍ട്ടം റിപ്പോര്‍ട്ട് ലഭിക്കാതെ ഇക്കാര്യത്തില്‍ ഒന്നും പറയാനാകില്ലെന്നാണ് പോലീസ് ഭാഷ്യം.

നഗ്ന ദൃശ്യങ്ങള്‍ പകര്‍ത്തി പണം തട്ടിയ കേസിലെ പ്രതിയായ ബിന്ധ്യ തോമസ് ഇപ്പോള്‍ കൊല്ലം സബ് ജയിലില്‍ റിമാന്റിലാണ്. ബിന്ധ്യയെ കണ്ട് മടങ്ങുമ്പോള്‍ തീവണ്ടിയില്‍ നിന്ന് വീണ് മരിച്ചതാകാമെന്നാണ് പോലീസ് ഭാഷ്യം. എല്ലാ ആഴ്ചയും മോളി ബിന്ധ്യയെ ജയിലിലെത്തി കാണാറുണ്ടെന്നതാണ് ഇതിന് പോലീസ് കണ്ടെത്തുന്ന ന്യായം.

കേരള രാഷ്ട്രീയത്തെ തന്നെ പിടിച്ചുകുലുക്കിയ കേസ് ആയിരുന്നു ബിന്ധ്യ തോമസും റുക്‌സാനയും ഉള്‍പ്പെട്ട ബ്ലൂ ബാക്ക്‌മെയിലിങ് കേസ്. വന്‍ തോക്കുകള്‍ കേസില്‍ ഉള്‍പ്പെട്ടിട്ടുണ്ടെന്നും റിപ്പോര്‍ട്ടുകളുണ്ടായിരുന്നു.

English summary

Bindhya Thomas' mother found dead near railway track at Alappuzha