'തൊലി കറുത്ത പേരിൽ അങ്ങയുടെ നേതാക്കന്മാരും അണികളും അധിക്ഷേപിച്ച ഞങ്ങളുടെ ഒരു നേതാവുണ്ട് മണി ആശാൻ': ബിനീഷ്

കൊച്ചി: നിറത്തിന്റെ പേരിൽ അധിക്ഷേപം നേരിട്ടുവെന്ന ചീഫ് സെക്രട്ടറി ശാരദ മുരളീധരന്റെ വെളിപ്പെടുത്തലിന് പിന്നാലെ പിന്തുണയുമായി പ്രതിപക്ഷ നേതാവ് വി ഡി സതീശൻ രം​ഗത്തെത്തിയിരുന്നു. ഇതിന് പിന്നാലെ മുൻ മന്ത്രി എം എം മണിയെ കോൺ​ഗ്രസ് പ്രവർത്തകരും നേതാക്കളും അധിക്ഷേപിച്ചിരുന്നുവെന്ന് ആരോപിച്ച് ബിനീഷ് കോടിയേരി.

ഇന്ന് രാവിലെ ചീഫ് സെക്രട്ടറി ശാരദ മുരളീധരന്റെ ഫേസ്ബുക്ക് പോസ്റ്റ് പങ്കുവെച്ച് ബഹുമാനപ്പെട്ട പ്രതിപക്ഷനേതാവ് ഫേസ്ബുക്കിൽ കുറിച്ച് ഒരു പോസ്റ്റ് കാണുകയുണ്ടായി. ആദ്യം തന്നെ അങ്ങനെയൊരു ഫേസ്ബുക്ക് പോസ്റ്റ് ഇട്ടതിന് അദ്ദേഹത്തെയും ചീഫ് സെക്രട്ടറിയും അഭിനന്ദിക്കുന്നുവെന്നും തൊലി കറുത്തതിൻ്റെ പേരിൽ നമ്മുടെ സമൂഹത്തിൽ ഇപ്പോഴും പലതരത്തിലുള്ള വിവേചനവും നിലനിൽക്കുന്നുണ്ട് എന്ന നഗ്നസത്യം നാം അംഗീകരിക്കണം, അതിനെതിരെയുള്ള ഒരു തുറന്ന ചർച്ചകൾ തുടക്കമാകട്ടെ ഈ ഫേസ്ബുക്ക് പോസ്റ്റുകൾ എന്നാഗ്രഹിക്കുന്നുവെന്നും ബിനീഷ് കുറിച്ചു.

ഇതിന് പിന്നാലെയാണ് എം എം മണിയുടെ കാര്യം പറഞ്ഞത്. തൊലി കറുത്ത പേരിൽ അങ്ങയുടെ അണികളും അങ്ങയുടെ നേതാക്കന്മാരും അധിക്ഷേപിച്ച ഒരു ഞങ്ങളുടെ ഒരു നേതാവുണ്ട് ഞങ്ങളുടെ മണി ആശാൻ, സി പി എം നേതാവോ പ്രവർത്തകനോ ആണെങ്കിൽ കറുത്തവർ എന്ന് പറഞ്ഞ് ആക്ഷേപിക്കാം, കൊല്ലാം ഒരു പ്രിവിലേജും ഉണ്ടാകില്ല. പക്ഷേ മാറ്റാരെങ്കിലുമാണെങ്കിൽ മാത്രം ഉയർന്നു വരുന്ന ധാർമിക ബോധത്തിന് ഞങ്ങളെ കാണാൻ പറ്റില്ല. പറ്റാത്തത് കമ്മ്യൂണിസ്റ്റ്‌ വിരോധം അല്ലെങ്കിൽ അരാഷ്ട്രീയതയുടെ മുഖം മൂടി അണിയുന്ന വലതുപക്ഷം ആയതുകൊണ്ടാണെന്ന് ബിനീഷ് കുറിച്ചു.

ബിനീഷ് കോടിയേരിയുടെ കുറിപ്പ്;

‌
ഇന്ന് രാവിലെ ചീഫ് സെക്രട്ടറി ശാരദ മുരളീധരന്റെ ഫേസ്ബുക്ക് പോസ്റ്റ് പങ്കുവെച്ച് ബഹുമാനപ്പെട്ട പ്രതിപക്ഷനേതാവ് ഫേസ്ബുക്കിൽ കുറിച്ച് ഒരു പോസ്റ്റ് കാണുകയുണ്ടായി. ആദ്യം തന്നെ അങ്ങനെയൊരു ഫേസ്ബുക്ക് പോസ്റ്റ് ഇട്ടതിന് അങ്ങയെയും ചീഫ് സെക്രട്ടറിയും അഭിനന്ദിക്കുന്നു.
തൊലി കറുത്തതിൻ്റെ പേരിൽ നമ്മുടെ സമൂഹത്തിൽ ഇപ്പോഴും പലതരത്തിലുള്ള വിവേചനവും നിലനിൽക്കുന്നുണ്ട് എന്ന നഗ്നസത്യം നാം അംഗീകരിക്കണം, അതിനെതിരെയുള്ള ഒരു തുറന്ന ചർച്ചകൾ തുടക്കമാകട്ടെ ഈ ഫേസ്ബുക്ക് പോസ്റ്റുകൾ എന്നാഗ്രഹിക്കുന്നു.

അതിനോടൊപ്പം തന്നെ വേറൊരു കാര്യം കൂടി കൂട്ടിച്ചർക്കാൻ ആഗ്രഹിക്കുന്നു തൊലി കറുത്ത പേരിൽ അങ്ങയുടെ അണികളും അങ്ങയുടെ നേതാക്കന്മാരും അധിക്ഷേപിച്ച ഒരു ഞങ്ങളുടെ ഒരു നേതാവുണ്ട് ഞങ്ങളുടെ മണി ആശാൻ,
സി പി എം നേതാവോ പ്രവർത്തകനോ ആണെങ്കിൽ കറുത്തവർ എന്ന് പറഞു ആക്ഷേപിക്കാം, കൊല്ലാം ഒരു പ്രിവിലേജും ഉണ്ടാകില്ല.

പക്ഷെ മാറ്റാരെങ്കിലുമാണെങ്കിൽ മാത്രം ഉയർന്നു വരുന്ന ധാർമിക ബോധത്തിന് ഞങ്ങളെ കാണാൻ പറ്റില്ല പറ്റാത്തത് കമ്മ്യൂണിസ്റ്റ്‌ വിരോധം അല്ലെങ്കിൽ ആരാഷ്ട്രീയതയുടെ മുഖം മൂടി അണിയുന്ന വലതുപക്ഷം ആയതുകൊണ്ടാണ്.
എല്ലാവരെയും ഒരുപോലെ കാണണം എന്നതാണ് കമ്മ്യൂണിസ്റ്റ്‌ ആശയം അതിലേക്കാണ് യാത്ര അതിൽ ജാതി മത വർണ്ണ ലിംഗ ഭാഷ വ്യത്യാസങ്ങൾ ഇല്ല,
ഒറ്റ പേരെ ഉള്ളു മനുഷ്യർ . അതുകൊണ്ടാണ് ആർക്കെതിരെ ലോകത്ത് അനീതി നടന്നാലും ഞങൾ അതിനോട് പ്രതികരിക്കുന്നത്.
ബിനീഷ് കോടിയേരി