ബിനിലിന്റെ മരണം: റഷ്യന് കൂലിപ്പട്ടാളത്തിലേക്ക് യുവാക്കളെ റിക്രൂട്ട് ചെയ്തവരെ ചോദ്യം ചെയ്യണമെന്ന് കുടുംബം
റഷ്യന് കൂലിപ്പട്ടാളത്തിലേക്ക് യുവാക്കളെ റിക്രൂട്ട്മെന്റ് ചെയ്ത സംഭവത്തില് മലയാളികളായ ഏജന്റുമാരെ ചോദ്യം ചെയ്യണമെന്ന് യുക്രൈന് യുദ്ധമുഖത്ത് കൊല്ലപ്പെട്ട ബിനിലിന്റെ കുടുംബം. റഷ്യന് കൂലിപ്പട്ടാളത്തില് ചേരാനായി ഏപ്രിലില് തൃശൂരില് നിന്നും പോയ സംഘത്തിലെ രണ്ടുപേരാണ് ഇതുവരെ മരിച്ചത്. പ്രതിമാസം രണ്ട് ലക്ഷം രൂപവരെ വാഗ്ധാനം ചെയ്തുകൊണ്ടാണ് മലയാളികള് അടങ്ങുന്ന സംഘം ഇവരെ റഷ്യയിലേക്ക് കൊണ്ട് പോയത്. ആദ്യ മാസങ്ങളില് ശമ്പളം ലഭിച്ചെങ്കിലും യുദ്ധം തുടങ്ങിയതോടെ ശമ്പളമൊന്നും ലഭിച്ചില്ലെന്നും കുടുംബം ആരോപിക്കുന്നു.
അതേസമയം, മൃതദേഹം വേഗത്തില് നാട്ടില് എത്തിക്കുന്നതിനുള്ള നടപടികള് ഇന്ത്യന് എംബസിയുമായി ബന്ധപ്പെട്ട് ഏകോപിപ്പിക്കുമെന്ന് നോർക്ക അറിയിച്ചു. റഷ്യന് സൈന്യത്തിനൊപ്പം പ്രവര്ത്തിച്ചിരുന്ന തൃശൂര് കുട്ടനെല്ലൂര് സ്വദേശി കരുണ ലെയ്നില് ബിനില്(32) മരണപ്പെട്ടുവെന്നും ഒപ്പം പ്രവര്ത്തിച്ചു വന്നിരുന്ന ബന്ധുവും തൃശൂര് സ്വദേശിയുമായ ജയിന് കുര്യന് (27) പരിക്കേറ്റ് മോസ്കോയില് ആശുപത്രിയില് ചികിത്സയിലാണെന്നും കേന്ദ്ര വിദേശകാര്യ മന്ത്രാലയം കഴിഞ്ഞ ദിവസം സ്ഥിരീകരിച്ചിട്ടുണ്ട്.
കേന്ദ്ര വിദേശകാര്യ മന്ത്രാലയ വക്താവ് രണ്ധീര് ജയ്സ്വാളാണ് സാമൂഹിക മാധ്യമത്തിലൂടെ ഈ വിവരം സ്ഥിരീകരിച്ചത്. ഷെല്ലാക്രമത്തില് ബിനില് കൊല്ലപ്പെടുകയും ഒപ്പമുണ്ടായിരുന്ന ബന്ധു ജയിന് കുര്യന് പരിക്കേല്ക്കുകയും ചെയ്തതായി ചൊവ്വാഴ്ച വാര്ത്ത പുറത്തു വന്നിരുന്നു. ഇവര്ക്കൊപ്പം യുദ്ധമുഖത്ത് പ്രവര്ത്തിച്ചിരുന്ന തൃശൂര് സ്വദേശിയായ സന്ദീപ് ചന്ദ്രന്(36) കഴിഞ്ഞ സെപ്റ്റംബറില് കൊല്ലപ്പെട്ടിരുന്നു.
'റഷ്യന് ആര്മിയില് ജോലിക്ക് റിക്രൂട്ട് ചെയ്യപ്പെട്ട കേരളത്തില് നിന്നുള്ള ഒരു ഇന്ത്യന് പൗരന്റെ നിര്ഭാഗ്യകരമായ മരണത്തെക്കുറിച്ച് അറിഞ്ഞു. സമാനമായി റിക്രൂട്ട് ചെയ്യപ്പെട്ട കേരളത്തില് നിന്നുള്ള മറ്റൊരു ഇന്ത്യന് പൗരന് പരിക്കേറ്റ് മോസ്കോയിലെ ആശുപത്രിയില് ചികിത്സയിലാണ്. മരിച്ചയാളുടെ കുടുംബത്തെ അഗാധമായ അനുശോചനം അറിയിക്കുന്നു. മോസ്കോയിലെ ഇന്ത്യന് എംബസി കുടുംബങ്ങളുമായി ബന്ധപ്പെടുകയും സാധ്യമായ എല്ലാ സഹായങ്ങളും നല്കുകയും ചെയ്തു വരുകയാണ്.' വിദേശകാര്യ വക്താവ് സോഷ്യല് മീഡിയയിലൂടെ വ്യക്തമാക്കി.
മൃതദേഹം ഇന്ത്യയിലേക്ക് എത്തിക്കുന്നതിനായി റഷ്യന് അധികൃതരുമായി ചേര്ന്നു പ്രവര്ത്തിക്കുകയാണ്. പരിക്കേറ്റ വ്യക്തിയെ നേരത്തെ ഡിസ്ചാര്ജ് ചെയ്യാനും ഇന്ത്യയിലേക്ക് തിരിച്ചയയ്ക്കാനും ആവശ്യപ്പെട്ടിട്ടുണ്ട്. വിഷയം മോസ്കോയിലെ റഷ്യന് അധികാരികളോടും ന്യൂഡല്ഹിയിലെ റഷ്യന് എംബസിയോടും ശക്തമായി ഉന്നയിച്ചിട്ടുണ്ട്. ശേഷിക്കുന്ന ഇന്ത്യന് പൗരന്മാരെ തിരിച്ചയയ്ക്കണമെന്ന ആവശ്യവും വീണ്ടും ഉന്നയിച്ചെന്നും വിദേശകാര്യ വക്താവ് പറഞ്ഞു.
മുഖ്യമന്ത്രി പിണറായി വിജയന്റെ നിര്ദേശാനുസരണം ബിനിലിന്റെ മൃതദേഹം വേഗം നാട്ടില് എത്തിക്കുന്നതിനുള്ള സത്വര നടപടികള് വിദേശകാര്യമന്ത്രാലയവും ഇന്ത്യന് എംബസിയുമായും ബന്ധപ്പെട്ട് സ്വീകരിച്ചു വരുകയാണെന്ന് നോര്ക്ക റൂട്ട്സ് ചീഫ് എക്സിക്യുട്ടീവ് ഓഫീസര് അജിത് കോളശേരിയും അറിയിച്ചു. ബിനിലിനെയും ജയിനെയും നാട്ടിലെത്തിക്കുന്നതിന് കേന്ദ്ര വിദേശകാര്യ മന്ത്രാലയവുമായി ബന്ധപ്പെട്ട് പരിശ്രമിച്ചു വരവേയാണ് ഇപ്പോഴത്തെ ദാരുണമായ സംഭവം ഉണ്ടായതെന്നും അദ്ദേഹം പറഞ്ഞു.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google