സിപിഐയ്ക്ക് ഇല്ലാത്ത എന്ത് വിപ്ളവ മൂല്യമാണ് സിപിഎമ്മിനുള്ളത്?
തിരുവനന്തപുരം: സിപിഐയ്ക്കില്ലാത്ത എന്ത് വിപ്ളവ മൂല്യമാണ് സിപിഎമ്മിനുളള്ളതെന്ന് ബിനോയ് വിശ്വം. ദേശാഭിമാനിയിലൂടെ സിപിഐയ്ക്കെതിരെ സിപിഎം നടത്തിയ വിമര്ശനത്തിനാണ് അതേ നാണയത്തില് ജനയുഗത്തിലൂടെ ബിനോയ് വിശ്വം തിരിച്ചടിച്ചത്. പാര്ട്ടി മുഖപത്രത്തില് എഴുതിയ ലേഖനത്തിലാണ് ബിനോയ് വിശ്വം സിപിഎമ്മിനെതിരെ വിമര്ശനം നടത്തിയത്
കേന്ദ്രത്തില് സിപിഎമ്മിനുണ്ടായിരുന്ന കോണ്ഗ്രസ് ബന്ധത്തെയും ബിനോയ് വിശ്വം വിമര്ശിയ്ക്കുന്നു. പാര്ട്ടി പിളരുമ്പോഴുള്ല ലോകവും ഇന്ത്യയുമല്ല ഇപ്പോഴുള്ളതെന്നും ബിനോയ് വിശ്വം പറയുന്നു. ശരിയുടെ കുത്തക തങ്ങള്ക്കാണെന്ന് സിപിഎം ശഠിയ്ക്കുന്നതില് അര്ത്ഥമില്ലെന്നും ലേഖനത്തില് അദ്ദേഹം പറയുന്നു.
ഭിന്നിപ്പിന്റെ രാഷ്ട്രീയം ശരിവയ്ക്കാനുള്ള ബദ്ധപ്പാടിലാണ് സിപിഎം ലേഖനം. അപ്രധാനകാര്യങ്ങളില് ചുറ്റിത്തിരിയാതെ ജനകോടികളുടെ മോചന പ്രതീക്ഷകളെ മുന് നിര്ത്തിയുള്ള ചര്ച്ചകളാണ് നടക്കേണ്ടതെന്നും ബിനോയ് വിശ്വം ഓര്മ്മപ്പെടുത്തുന്നു. കമ്യൂണിസ്റ്റ് ഐക്യത്തിലേയ്ക്ക് നയിക്കണമെന്നാഗ്രഹിയ്ക്കുന്നവര് ഇരു പാര്ട്ടികളിലും ഉണ്ടെന്ന് ബിനോയ് വിശ്വം പറയുന്നു. ഭിന്നിപ്പിനെ മഹത്വവത്ക്കരിയ്ക്കാനാണ് സിപിഎം സഖാക്കള് ശ്രമിയ്ക്കുന്നതെന്നും ബിനോയ് വിശ്വം കുറ്റപ്പെടുത്തുന്നു.
നവയുഗം വാരിക പ്രസിദ്ധീകരിച്ച പന്ന്യന്റെ ബ്രാഞ്ച് സെക്രട്ടറിമാര്ക്കുള്ള കത്തിലെ ഉള്ളടക്കത്തിനെ വിമര്ശിച്ചു കൊണ്ടായിരുന്നു ലേഖനം. എഴുപത്തഞ്ച് ആഘോഷിയ്ക്കാന് അമ്പതിനെ അധിക്ഷേപിയ്ക്കണോ എന്ന തലക്കെട്ടിലുള്ള ലേഖനമാണ് സിപിഐ യെ വിമര്ശിച്ചത്.