ബിജെപി ഹര്ത്താലില് ഒടിയന്റെ റിലീസ് മുടങ്ങി; കോഴിക്കോട് തിയേറ്ററുകള്ക്ക് മുമ്പില് സംഘര്ഷാവസ്ഥ
തിരുവനന്തപുരം: സംസ്ഥാനത്ത് ബിജെപി ആഹ്വാനം ചെയ്ത ഹര്ത്താല് തുടങ്ങി. രാവിലെ 6 മുതല് വൈകീട്ട് 6 വരെയാണ് ഹര്ത്താല്. ഇന്നലെ പുലര്ച്ചെ ബിജെപി സമരപ്പന്തലിനു സമീപം ആത്മഹത്യശ്രമം നടത്തിയ തിരുവനന്തപുരം സ്വദേശി വേണുഗോപാലന് നായര് മരിച്ചതിനെ തുടര്ന്നാണ് ബിജെപി ഹര്ത്താല് പ്രഖ്യാപിച്ചത്. ശബരിമല വിഷയത്തില് സര്ക്കാര് സ്വീകരിക്കുന്ന ധാര്ഷ്ട്യമാണ് മരണത്തിന് വഴിവെച്ചത് എന്നാണ് ബിജെപി ആരോപിക്കുന്നത്.
ഹര്ത്താലിനെ തുടര്ന്ന് ഇന്ന് നടത്താനിരുന്ന എല്ലാ സര്വ്വകലാശാല പരീക്ഷകളും മാറ്റിവെച്ചിട്ടുണ്ട്. ഹയര് സെക്കണ്ടറി, വൊക്കേഷണല് ഹയര്സെക്കണ്ടറി പരീക്ഷകളും ഒന്ന് മുതല് പത്ത് വരെയുള്ള ക്ലാസുകളിലെ അര്ദ്ധവാര്ഷിക് പരീക്ഷകളും വിദ്യാഭ്യാസ വകുപ്പ് മാറ്റിവെച്ചിട്ടുണ്ട്.
അതേസമം മരണത്തിന് ശബരിമല വിഷയവുമായി ബന്ധമില്ലെന്നാണ് പോലീസ് വിശദീകരിക്കുന്നത്. ബിജെപിയുടെ ആരോപണങ്ങളെ പൊളിച്ചുകൊണ്ട് അദ്ദേഹത്തിന്റെ മരണമൊഴി പുറത്ത് വന്നിട്ടുണ്ട്. ജീവിതം തുടരാന് താല്പര്യമില്ലാത്തതിനാലാണ് താന് ആത്മഹത്യ ചെയ്യുന്നത് എന്നാണ് വേണുഗോപാലന് നായര് തന്റെ മൊഴിയില് പറയുന്നത്.
ഇന്നലെ പുലര്ച്ചെ ഒന്നരയോടെയാണ് വേണുഗോപാലന് നായര് തിരുവനന്തപുരം സെക്രട്ടേറിയറ്റിന് മുന്നില് വെച്ച് തീകൊളുത്തി ആത്മഹത്യക്ക് ശ്രമിച്ചത്. ശബരിമല വിഷയത്തില് പ്രതിഷേധിച്ച് ബിജെപി നിരാഹാര സമരം നടത്തുന്ന സമരപ്പന്തലിനും മുന്നില് വെച്ചായിരുന്നു സംഭവം നടന്നത്.
ദേഹവത്ത് തീ കൊളുത്തിയ വേണുഗോപാലന് നായര് ശരീരത്തില് മണ്ണെണ്ണ ഒഴിച്ച ശേഷം തീ കൊളുത്തുകയായിരുന്നു. പോലീസിന്റെയും അവിടെ ഉണ്ടായിരുന്നു തക്കസമയത്തുള്ള ഇടപെടലാണ് വന്ദുരന്തം ഒഴിവാക്കിയത്. 90 ശതമാനത്തിലേറെ പൊള്ളലേറ്റ അദ്ദേഹത്തെ ഉടന് ആശുപത്രിയില് പ്രവേശിപ്പിച്ചെങ്കിലും വൈകീട്ടോടെ മരിക്കുകയായിരുന്നു.