Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കൊച്ചിയിലെ സിനിമാ ദമ്പതികൾക്ക് ഫൈസൽ ഫരീദുമായി ബന്ധമെന്ന് എംടി രമേശ്; ഇടത് സഹയാത്രികരെന്ന്
തിരുവനന്തപുരം: സ്വര്‍ണ്ണക്കടത്ത് കേസിലെ പ്രതിയായ ഫൈസല്‍ ഫരീദ് ചില മലയാള സിനിമകള്‍ക്ക് വേണ്ടി പണം മുടക്കിയതായുളള സൂചനകള്‍ പുറത്ത് വന്നിരുന്നു. ഇതിന് പിറകെ ചില മലയാള സിനിമാ പ്രവര്‍ത്തകര്‍ക്കെതിരെ ഗുരുതര ആരോപണം ഉന്നയിച്ച് രംഗത്ത് വന്നിരിക്കുകയാണ് ബിജെപി നേതാവ് എംടി രമേശ്.
മലയാളത്തിലെ സിനിമാക്കാരായ ദമ്പതിമാര്‍ക്ക് ഫൈസല്‍ ഫരീദുമായി ബന്ധമുണ്ട് എന്നാണ് എംടി രമേശിന്റെ ആരോപണം. ഇടത് സഹയാത്രികരായ കൊച്ചിയിലെ സിനിമാ ദമ്പതിമാര്‍ക്കാന്‍ ഫൈസല്‍ ഫരീദുമായി ബന്ധം എന്ന് എംടി രമേശ് കോഴിക്കോട് മാധ്യമപ്രവര്‍ത്തകരോട് പറഞ്ഞു. ഇക്കാര്യത്തില്‍ പ്രമുഖ സിനിമാ സംഘടനയായ അമ്മ മറുപടി പറയണം എന്നും എംടി രമേശ് ആവശ്യപ്പെട്ടു.
പഴയതലമുറയിലെ ഒരു പ്രമുഖ സംവിധായകനുമായും ഫൈസല്‍ ഫരീദിന് അടുത്ത ബന്ധമുണ്ട്. ചില സംവിധായകര്‍ ഫൈസല്‍ ഫരീദിന്റെ ബിനാമികളാണെന്നും ആരോപിക്കപ്പെടുന്നു. സിനിമാ ദമ്പതികളുടെ ഫോര്‍ട്ട് കൊച്ചിയിലെ സ്ഥാപനത്തില്‍ ഫൈസല്‍ ഫരീദ് സന്ദര്‍ശകനാണെന്നും എംടി രമേശ് ആരോപിച്ചു.
കള്ളപ്പണം വെളുപ്പിക്കാനുളള ഇടമായി മലയാള സിനിമാ രംഗം മാറിയിരിക്കുകയാണ്. ഇതേക്കുറിച്ച് വ്യക്തമായ അന്വേഷണം നടക്കണം എന്നും ബിജെപി സംസ്ഥാന ജനറല്‍ സെക്രട്ടറിയായ എംടി രമേശ് ആവശ്യപ്പെട്ടു. ഇടതുപക്ഷത്തേയും സംസ്ഥാന സര്‍ക്കാരിലെ ഒരു മന്ത്രിയേയും പുകഴ്ത്തുന്ന തരത്തില്‍ അടുത്ത കാലത്തായി പുറത്തിറങ്ങിയ സിനിമകള്‍ സ്വര്‍ണ്ണക്കടത്ത് പണം ഉപയോഗിച്ച് നിര്‍മ്മിച്ചവയാണെന്നും ആരോപണമുണ്ടെന്നും എംടി രമേശ് പറഞ്ഞു.
കേരളത്തില്‍ നടന്ന രാജ്യവിരുദ്ധ സമരങ്ങള്‍ക്ക് പിന്നില്‍ ഫൈസല്‍ ഫരീദിന്റെ പണമാണ്. പൗരത്വ നിയമത്തിന് എതിരെ സിനിമാ രംഗത്തുളളവര്‍ നടത്തിയ പ്രതിഷേധ സമരത്തിന്റെ സ്‌പോണ്‍സറും ഫൈസല്‍ ഫരീദ് ആണെന്നും ഈ സമരത്തിന് ശേഷം നടന്ന പാര്‍ട്ടിയെ കുറിച്ചും അന്വേഷണം വേണം എന്നും എംടി രമേശ് ആവശ്യപ്പെട്ടു. ഒരു സൂപ്പര്‍ ഹിറ്റ് സിനിമ അടക്കം നാല് സിനിമകള്‍ക്ക് ഫൈസല്‍ ഫരീദ് ഹവാല പണം ഇറക്കി എന്നാണ് സൂചന.
