അടുത്ത തവണ കേരളം ബിജെപിയ്ക്ക്, മുഴുവൻ ജനവും ബിജെപിയിൽ ചേരും, താൻ പോകുന്നത് പറയാറായിട്ടില്ല: പിസി ജോർജ്
പത്തനംതിട്ട: അടുത്ത തിരഞ്ഞെടുപ്പിൽ കേരളം ബിജെപി പിടിക്കുമെന്ന് മുൻ പൂഞ്ഞാർ എംഎൽഎയും കേരള ജനപക്ഷം നേതാവുമായ പിസി ജോർജ്. കേരള കോൺഗ്രസ് ജോസഫ് വിഭാഗം നേതാവ് വിക്ടർ ജോസഫ് ബിജെപിയിൽ ചേർന്നതിന് പിന്നാലെയാണ് പിസി ജോർജിന്റെ പ്രതികരണം. കേരളത്തിലെ ക്രിസ്ത്യൻ വോട്ടർമാരെ ആകർഷിക്കാൻ വലിയ ശ്രമങ്ങളാണ് ബിജെപി നടത്തിക്കൊണ്ടിരിക്കുന്നത്.
വിക്ടര് തോമസ് ബിജെപിയില് ചേരുമെന്നത് നേരത്തെ തന്നെ പ്രതീക്ഷിച്ചതാണ് എന്ന് പിസി ജോർജ് റിപ്പോർട്ടർ ചാനലിനോട് പ്രതികരിച്ചു. 'കാരണം വിക്ടര് ജോസഫിന് കേരള കോണ്ഗ്രസില് തുടരാന് സാധിക്കില്ല. കാരണം കഴിഞ്ഞ 15 വര്ഷമായി ജോസഫ് എം പുതുശ്ശേരിയുമായി വിക്ടര് ജോസഫ് അടിയാണ്. രണ്ട് തവണയും തിരുവല്ലയില് വിക്ടറിനെ പുതുശ്ശേരി കാലുവാരി തോല്പ്പിച്ചതാണ്'.
'അപ്പോള് മുതല് വിക്ടര് ജോസഫ് നിരാശനാണ്. പാര്ട്ടിക്കുളളില് തര്ക്കമൊക്കെ ഉണ്ടായി. പക്ഷേ പുതുശ്ശേരിക്കൊപ്പമാണ് പാര്ട്ടിയിലെ എല്ലാവരും നിന്നത്. വിക്ടര് ജോസഫ് ഒറ്റപ്പെട്ടു. സ്വാഭാവികമായും അയാള് ബിജെപിയില് ചേര്ന്നതില് കുറ്റം പറയാന് സാധിക്കില്ല'.
ബിജെപിയില് ചേരുകയല്ലാതെ വിക്ടര് ജോസഫിന് മറ്റെന്ത് ചെയ്യാന് സാധിക്കുമെന്ന് പിസി ജോര്ജ് ചോദിച്ചു. വിക്ടര് ജോസഫിനെ അഭിനന്ദിക്കുന്നുവെന്നും അയാള് അങ്ങനെയെങ്കിലും രക്ഷപ്പെടാന് നോക്കട്ടെ എന്നും പിസി ജോര്ജ് പറഞ്ഞു. യുഡിഎഫ് ചെയര്മാന് എന്നൊക്കെ ഒരു ചുക്കുമല്ലാത്ത സ്ഥാനമാണ് എന്ന് അത് വേണ്ടെന്ന് വെച്ചപ്പോള് വ്യക്തമായിരിക്കുകയാണ്.
പത്തനംതിട്ട യുഡിഎഫിന്റെ ശക്തികേന്ദ്രമാണോ എന്ന് അടുത്ത തിരഞ്ഞെടുപ്പില് താന് കാണിച്ച് കൊടുക്കുമെന്നും പിസി ജോര്ജ് പറഞ്ഞു. ക്രിസ്ത്യാനികള് മാത്രമല്ല കര്ഷകര് മുഴുവന് ബിജെപിയിലേക്ക് പോകും. നായരും പോകും ഈഴവനും പോകും. ഇവിടെ ഉളള മുഴുവന് ജനവും പോകും. കേരളം അടുത്ത തവണ ബിജെപിയുടെ കയ്യില് പോകുമെന്നും പിസി ജോര്ജ് പറഞ്ഞു.
താന് ബിജെപിയിലേക്ക് പോകുമോ എന്നത് ഇപ്പോള് പറയാറായിട്ടില്ല. തന്റെ കാര്യം ചര്ച്ച ചെയ്തിട്ട് മാത്രമാണ് തീരുമാനിക്കുക. നിങ്ങളെ അറിയിച്ചിട്ട് മാത്രമേ ബിജെപിയിലേക്ക് പോവുകയുളളൂ എന്നും പിസി ജോര്ജ് പറഞ്ഞു. കഴിഞ്ഞ ലോക്സഭാ തിരഞ്ഞെടുപ്പിന് മുന്പായിട്ടാണ് പിസി ജോര്ജിന്റെ പാര്ട്ടിയായ ജനപക്ഷം എന്ഡിഎയുടെ ഭാഗമായത്. എല്ഡിഎഫും യുഡിഎഫിനും ജോര്ജിന് മുന്നില് വാതിലടച്ചതോടെ ആയിരുന്നു ഇത്.
പിസി ജോര്ജിലൂടെ ക്രിസ്ത്യന് വോട്ടുകള് ആകര്ഷിക്കാം എന്നായിരുന്നു ബിജെപിയുടെ കണക്ക് കൂട്ടല്. എന്നാല് പത്തനംതിട്ട മണ്ഡലത്തില് പിസി ജോര്ജിന്റെ സഹായം ബിജെപിക്ക് ഗുണം ചെയ്തില്ല. കോന്നിയില് മത്സരിച്ച കെ സുരേന്ദ്രന് പരാജയപ്പെട്ടു. തുടര്ന്ന് നടന്ന ഉപതിരഞ്ഞെടുപ്പുകളിലും ബിജെപിക്ക് ചലനമുണ്ടാക്കാനായില്ല. തുടര്ന്ന് 2021ലെ നിയമസഭാ തിരഞ്ഞെടുപ്പിന് മുന്നോടിയായി പിസി ജോര്ജ് ബിജെപി ബന്ധം ഉപേക്ഷിക്കുകയായിരുന്നു.
-
സ്വര്ണം ഇടിഞ്ഞു വീണു; ഇന്ന് സ്വര്ണവിലയില് വന് കുറവ്, ആഭരണം വാങ്ങാം, പവന് വില അറിയാം -
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച
Click it and Unblock the Notifications
Sign in with Google