ബിന്ധ്യയും റുക്സാനയും ഒളിവില്...?
കൊച്ചി: ബ്ലാക്ക് മെയിലിങ് കേസിലെ പ്രതികളായ ബിന്ധ്യ തോമസും റുക്സാനയും ഒളിവ്ല് പോയെന്ന് പോലീസ്. രണ്ട് പേരേയും അറസ്റ്റ് ചെയ്യാന് തീരുമാനിച്ചതിന് തൊട്ടുപിറകെയാണ് ഒളിവില് പോക്ക്.
ഇവരുടെ വലയില് പെട്ട വെഞ്ഞാറ്മൂട് സ്വദേശി രവീന്ദ്രന് ആത്മഹത്യ ചെയ്ത കേസിലാണ് ബിന്ധ്യയേയും റുക്സാനയേയും പോലീസ് അറസ്റ്റ് ചെയ്യാന് ഒരുങ്ങുന്നത്. കിടപ്പറ രംഗങ്ങള് പകര്ത്തി ഇവര് നടത്തിയ ബ്ലാക്ക് മെയിലിങ് ആണ് രവീന്ദ്രന്റെ ആത്മഹത്യയില് കലാശിച്ചതെന്നാണ് പോലീസ് കരുതുന്നത്. രവീന്ദ്രന്റെ ആത്മഹത്യ കുറിപ്പില് ഇവരുടെ പേരുകള് പരാമര്ശിക്കുന്നും ഉണ്ട്.
കോടതിയെ സമീപിച്ച് മുന്കൂര്ജാമ്യം നേടാന് റുക്സാനയും ബിന്ധ്യയും ശ്രമിക്കുന്നതായി പോലീസിന് വിവരം ലഭിച്ചിട്ടുണ്ട്. ഇതേ തുടര്ന്നാണ് പെട്ടെന്നുള്ള അറസ്റ്റ് നീക്കം. ബിന്ധ്യയും റുക്സാനയും ചേര്ന്ന് പല പ്രമുഖരേയും കെണിയില് പെടുത്തിയിട്ടുണ്ടെന്നാണ് സൂചന. പോലീസ് കസ്റ്റഡിയില് ഉള്ള ജയചന്ദ്രന്റെ ലാപ് ടോപ്പില് നിന്ന് ലഭിക്കുന്ന വിവരങ്ങള് കൂടുതല് നിര്ണയാകമാകുമെന്നാണ് പോലീസ് കരുതുന്നത്.
ബിന്ധ്യയും റുക്സാനയും മൗബൈല് ഫോണുകള് സ്വിച്ച് ഓഫ് ചെയ്തിരിക്കുകയാണ്. അറസ്റ്റ് വിവരം ഇവര് നേരത്തെ തന്നെ അറിഞ്ഞതായും സൂചനയുണ്ട്. ഇവര് എത്താനിടയുള്ള കേന്ദ്രങ്ങളില് പോലീസ് തിരച്ചില് നടത്തുന്നുണ്ട്.