• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

തച്ചുശാസ്ത്ര മികവോടെ ബേപ്പൂരില്‍ നിന്ന് വീണ്ടും ഉല്ലാസനൗക; നിര്‍മിച്ചത് ഖത്തറിലെ വിനോദസഞ്ചാരത്തിന്

ബേപ്പൂര്‍: കേരളത്തിന്റെ പെരുമയയുര്‍ത്തി ബേപ്പൂരില്‍ പണിത ഉല്ലാസനൗക ഖത്തറിലേക്ക് യാത്ര തിരിച്ചു. സംബൂക്ക് എന്നറിയപ്പെടുന്ന നൗക (ഉരു) 10 ദിവസത്തിനകം ഖത്തറിലെത്തുമെന്ന് പ്രതീക്ഷ. ഖത്തര്‍ വ്യവസായി ഖാലിദ് അല്‍ സുലൈത്തിക്കുവേണ്ടിയാണ് നൗക നിര്‍മിച്ചത്. അത്യാകര്‍ഷക കൊത്തുപണികളുള്ള നൗക ഖത്തറില്‍ വിനോദ സഞ്ചാര മേഖലയിലാണ് ഉപയോഗപ്പെടുത്തുക.

12 കോടി രൂപ ചെലവില്‍ ബേപ്പൂര്‍ ബിനാഫ എന്റര്‍പ്രൈസസാണ് ഉരു നിര്‍മിച്ചത്. മുകള്‍ഭാഗത്ത് 140 അടിയും അടിഭാഗത്ത് 90 അടിയുമാണ് നീളം. 22 അടി ഉയരവും 30 അടി വീതിയുമുള്ള ഉരുവിന് രണ്ടു തട്ടുകളുണ്ട്. രണ്ടു മാസം മുന്‍പുതന്നെ നൗക നീറ്റിലിറക്കിയിരുന്നു. ശേഷം എന്‍ജിനിയര്‍ കെ.പി നിഷാദിന്റെ നേതൃത്വത്തില്‍ ആഡംബര പണികള്‍ നടന്നുവരുകയായിരുന്നു. തച്ചുശാസ്ത്ര വിദഗ്ധന്‍ പുഴക്കര രമേശന്റെ നേതൃത്വത്തില്‍ 30 തൊഴിലാളികള്‍ രണ്ടര വര്‍ഷംകൊണ്ടാണ് ഉരു നിര്‍മാണം പൂര്‍ത്തിയാക്കിയത്.

തുറമുഖത്തു നടന്ന യാത്രയയപ്പില്‍ പോര്‍ട്ട് ഓഫിസര്‍ ക്യാപ്റ്റന്‍ കെ. അശ്വനി പ്രതാപ്, സീനിയര്‍ പോര്‍ട്ട് കണ്‍സര്‍വേറ്റര്‍ സി.പി ഗിരീഷ് കുമാര്‍, ഇമിഗ്രേഷന്‍ ഓഫിസര്‍ തോമസ് തങ്കച്ചന്‍, കസ്റ്റംസ് സൂപ്രണ്ട് സി. ഗോകുല്‍ദാസ്, ഇന്‍സ്‌പെക്റ്റര്‍ എം. പ്രകാശ്, ബിനാഫ എന്റര്‍പ്രൈസസ് ഉടമ പാണ്ടികശാലകണ്ടി അബ്ദുല്‍ ഗഫൂര്‍ എന്നിവര്‍ പങ്കെടുത്തു.

English summary
boat constructed in beppur for qatar tourism

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more