Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബേപ്പൂരില്‍ ബോട്ട് മുങ്ങിയതിനു പിന്നില്‍ ദുരൂഹത: രക്ഷപ്പെട്ട തൊഴിലാളികള്‍ പറയുന്നത്
കോഴിക്കോട്: ബേപ്പൂരില്‍ മത്സ്യബന്ധനത്തിന് പോയ ബോട്ട് മുങ്ങിയതിനു പിന്നില്‍ ദുരൂഹത. ബോട്ട് മുങ്ങിയത് കപ്പലിടിച്ചിട്ടാണെന്നാണ് വിവരം. രക്ഷപ്പെട്ട മത്സ്യ ബന്ധന തൊഴിലാളികളാണ് ഇക്കാര്യം അറിയിച്ചത്. ബുധനാഴ്ച രാത്രിയാണ് ബേപ്പൂര്‍ തീരത്തു നിന്ന് 45 നോട്ടിക്കല്‍ മൈല്‍ അകലെ ബോട്ട് മുങ്ങിയത്. രാത്രി എട്ടു മണിയോടെയാണ് സംഭവം.
നാല് മത്സ്യത്തൊഴിലാളികളെ കാണാതായി. ഇവരില്‍ രണ്ടു പേരുടെ മൃതദേഹം ലഭിച്ചു. രണ്ടു പേര്‍ക്കായി തിരച്ചില്‍ തുടരുകയാണ്. രക്ഷപ്പെട്ടത് തമിഴ്‌നാട് സ്വദേശികളാണ്. ഇവരെ കോസ്റ്റ് ഗാര്‍ഡാണ് രക്ഷപ്പെടുത്തിയത്. കാണാതായവര്‍ക്കായി കോസ്റ്റ് ഗാര്‍ഡിന്റെ കപ്പലും ഹെലികോപ്റ്ററും തിരച്ചില്‍ തുടരുകയാണ്.
സംഭവം ബുധനാഴ്ച രാത്രി
ബുധനാഴ്ച രാത്രി എട്ട് മണിയോടെയാണ് ബേപ്പൂരില്‍ ബോട്ട് മുങ്ങിയത്. ബേപ്പൂര്‍ തീരത്തു നിന്ന് 50 നോട്ടിക്കല്‍ മൈല്‍ അകലെയാണ് ബോട്ട് മുങ്ങിയത്. എന്നാല്‍ അപകടം നടന്ന സ്ഥലം കണ്ടെത്താന്‍ കോസ്റ്റ് ഗാര്‍ഡിന് കൃത്യമായി കണ്ടെത്താനായില്ല.
മത്സ്യ ബന്ധന ബോട്ട്
ബേപ്പൂരില്‍ നിന്ന് മത്സ്യബന്ധനത്തിനു പോയ ഇമ്മാനുവല്‍ എന്ന ബോട്ടാണ് മുങ്ങിയത്. തമിഴ്‌നാട്ടില്‍ നിന്നുള്ള ബോട്ടാണ് അപകടത്തില്‍പ്പെട്ടത്. ആറ് തൊഴിലാളികളാണ് ബോട്ടില്‍ ഉണ്ടായിരുന്നതെന്നാണ് സംശയിക്കുന്നത് കാണാതായ നാലു പേരില്‍ രണ്ടു പേര്‍ മലയാളികളാണ്.
കപ്പലിടിച്ച്
കപ്പലിടിച്ചാണ് ബോട്ട് മുങ്ങിയതെന്നാണ് രക്ഷപ്പെട്ട തൊഴിലാളികള്‍ പറയുന്നത്. ഇവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. കോസ്റ്റ് ഗാര്‍ഡാണ് രക്ഷപ്പെടുത്തിയത്.
തിരച്ചില്‍ തുടരുന്നു
കാണാതായ രണ്ട് മത്സ്യത്തൊഴിലാളികള്‍ക്കായി തിരച്ചില്‍ തുടരുകയാണ്. രണ്ടു പേരുടെ മൃതദേഹം ലഭിച്ചു. എന്‍ജിനില്‍ കുരുങ്ങിയ നിലയിലണ് മൃതദേഹം. കോസ്റ്റ് ഗാര്‍ഡിന്റെ കപ്പലും ഹെലികോപ്റ്ററുമാണ് തിരച്ചില്‍ നടത്തുന്നത്. നേവിയുടെ സഹായവും അഭ്യര്‍ഥിച്ചിട്ടുണ്ട്. മറ്റ് മത്സ്യ ബന്ധന ബോട്ടുകളും തിരച്ചില്‍ നടത്തുന്നുണ്ട്.
ഇടിച്ചത് ചരക്കു കപ്പല്‍
ചരക്ക് കപ്പലാണ് ഇടിച്ചതെന്നാണ് സംശയിക്കുന്നത്. എന്നാല്‍ അപകടം നടന്ന സ്ഥലം കൃത്യമായി കണ്ടെത്താന്‍ കോസ്റ്റ് ഗാര്‍ഡിന് കഴിഞ്ഞിട്ടില്ല. ബുധനാഴ്ച നടന്ന അപകടത്തെ കുറിച്ച് വ്യാഴാഴ്ചയാണ് അറിയുന്നത്.
കാലാവസ്ഥ പ്രതികൂലം
അതേസമയം പ്രതികൂല കാലാവസ്ഥ തിരച്ചില്‍ തടസപ്പെടുത്തിയിട്ടുണ്ട്. കടലിലെ ഇരുട്ടും തിരച്ചില്‍ തടസപ്പെടുത്തി.
തിരുവനന്തപുരം സ്വദേശികള്‍
കാണാതായ രണ്ട് തൊഴിലാളികള്‍ തിരുവന്തചപുരം സ്വദേശികളാണെന്നാണ് വിവരം. പ്രിന്‍സ്, ജോണ്‍സ് എന്നിവരെയാണ് കാണാതായിരിക്കുന്നത്.
