കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഒളിക്യാമറ വീഡിയോയില്‍ താന്‍ തന്നെയെന്ന് സമ്മതിച്ച് ബോബി ... പക്ഷേ ഫേസ്ബുക്ക് പേജ് കാണാനില്ല

Google Oneindia Malayalam News

കോഴിക്കോട്: കഴിഞ്ഞ ദിവസം പുറത്ത് വന്ന ഒളിക്യാമറ ദൃശ്യങ്ങളിലുള്ളത് താന്‍ തന്നെയാണെന്ന് സമ്മതിച്ചുകൊണ്ട് ബോബി ചെമ്മണ്ണൂരിന്റെ ഫേസ്ബുക്ക് പോസ്റ്റ്. എന്നാല്‍ മണിക്കൂറുകള്‍ക്കകം ആ ഫേസ്ബുക്ക് പേജ് തന്നെ അപ്രത്യക്ഷമായി.

'സ്ത്രീയുമായി ബന്ധപ്പെട്ട ചുരുക്കം ചില കാര്യങ്ങള്‍ സത്യമാണ്' എന്നാണ് ബോബിയുടെ പേരില്‍ കഴിഞ്ഞ ദിവസം പ്രത്യക്ഷപ്പെട്ട ഫേസ്ബുക്ക് പോസ്റ്റില്‍ വ്യക്തമാക്കിയിരുന്നത്. എന്നാല്‍ അതില്‍ പല അസത്യങ്ങളും കൂട്ടിച്ചേര്‍ത്തിട്ടുണ്ടെന്നും പല തരത്തിലുള്ള ബ്ലാക്ക് മെയിലിങ്ങിന്റെ സമ്മിശ്രമാണതെന്നും ബോബിയുടെ പേരില്‍ പ്രത്യക്ഷപ്പെട്ട ഫേസ്ബുക്ക് പോസ്റ്റില്‍ പറയുന്നുണ്ട്.

bobby-chemmannur

കഴിഞ്ഞ ദിവസമാണ് ബോബിയുടേതെന്ന പേരില്‍ ഒളിക്യാമറ ദൃശ്യങ്ങള്‍ ഒരു ഓണ്‍ലൈന്‍ മാധ്യമം പുറത്ത് വിട്ടത്. ആഭ്യന്തര വകുപ്പിന് ലഭിച്ച പരാതിയ്‌ക്കൊപ്പമുള്ള ദൃശ്യങ്ങള്‍ എന്നായിരുന്നു വിശദീകരണം. ഇത് സംബന്ധിച്ച് ബോബി ചെമ്മണ്ണൂരിന് എന്തൊക്കെയാണ് പറയാനുള്ളത് എന്ന് നോക്കാം.

ചില സത്യങ്ങള്‍

ചില സത്യങ്ങള്‍

സോഷ്യല്‍ മീഡിയയില്‍ പ്രചരിയ്ക്കുന്ന വീഡിയോയില്‍ ഉള്ളതില്‍ ചില കാര്യങ്ങള്‍ സത്യമാണെന്നാണ് ബോബി ചെമ്മണ്ണൂരിന്റേതെന്ന പേരില്‍ പ്രത്യക്ഷപ്പെട്ട ഫേസ്ബുക്ക് പേജില്‍ വ്യക്തമാക്കുന്നത്.

അസത്യങ്ങളും ബ്ലാക്ക് മെയിലിങ്ങും

അസത്യങ്ങളും ബ്ലാക്ക് മെയിലിങ്ങും

എന്നില്‍ അതില്‍ സത്യം മാത്രമല്ല ഉള്ളത്. കൂട്ടിച്ചേര്‍ത്ത അസത്യങ്ങളുടേയും ബ്ലാക്ക് മെയിലിങ്ങുകളുടേയും സമ്മിശ്രമാണ് ആ വീഡിയോ എന്നാണ് പോസ്റ്റില്‍ പറയുന്നത്.

ബിസിനസ് വൈരാഗ്യം

ബിസിനസ് വൈരാഗ്യം

രണ്ട് വര്‍ഷം മുമ്പുള്ള സൗഹൃദത്തിന്റെ പേര് പറഞ്ഞ് മൂന്നാമതൊരു വ്യക്തി തങ്ങള്‍ക്കില്ലാത്ത പരിഭവങ്ങളുമായി ബിസിനസ് വൈരാഗ്യം തീര്‍ക്കാന്‍ ചെയ്തതാണ് ഇതെല്ലാം എന്നാണ് പോസ്റ്റില്‍ പറയുന്നത്. അസത്യങ്ങള്‍ കൂട്ടിച്ചേര്‍ത്ത് സ്‌ക്രിപ്റ്റും സംവിധാനവും ആ മൂന്നാമനാണ് ചെയ്തത് എന്നും ബോബി ആക്ഷേപിയ്ക്കുന്നുണ്ട്.

തികച്ചും ആസൂത്രിതം?

തികച്ചും ആസൂത്രിതം?

സാമ്പത്തികമായോ മറ്റെന്തിങ്കിലും രീതിയിലോ വഞ്ചിയ്ക്കുകയോ കുറ്റം കൃത്യം നടത്തുകയോ ചെയ്തുവെന്ന രീതിയില്‍ ഒരു പരാതിയും ഈ വിഷയത്തിലില്ല. ബിസിനസ് രംഗത്തെ വൈരാഗ്യം തീര്‍ക്കാനുള്ള ആസൂത്രണമാണിത് എന്നാണ് ബോബിയുടെ പക്ഷം.

ഒരു ദ്രോഹവും ചെയ്യില്ല

ഒരു ദ്രോഹവും ചെയ്യില്ല

അറിഞ്ഞുകൊണ്ട് ആര്‍ക്കും ഒരു ദ്രോഹവും ചെയ്യാത്ത വ്യക്തിയാണ് താന്‍.

സഹായിക്കുന്നതില്‍ ആനന്ദം

സഹായിക്കുന്നതില്‍ ആനന്ദം

തന്നെക്കൊണ്ട് കഴിയുന്ന സഹായങ്ങള്‍ ചെയ്ത് അതില്‍ ആനന്ദം കൊള്ളുന്ന വ്യക്തി കൂടിയാണ് താനെന്നും ബോബിയുടെ പേരില്‍ പ്രത്യക്ഷപ്പെട്ട ഫേസ്ബുക്ക് പോസ്റ്റില്‍ പറയുന്നുണ്ട്. തനിയ്ക്ക് പ്രത്യേകിച്ച് ഒരു ജാതിയോ, മതോ കക്ഷിരാഷ്ട്രീയമോ ഇല്ലെന്നും ബോബി പറയുന്നുണ്ട്.

പേഴ്‌സണല്‍ സ്വാതന്ത്ര്യം

പേഴ്‌സണല്‍ സ്വാതന്ത്ര്യം

മറ്റാര്‍ക്കും ദ്രോഹമില്ലാത്ത തന്റെ പേഴ്‌സണല്‍ കാര്യങ്ങള്‍ തന്റെ സ്വാതന്ത്ര്യം ആണ്. ആ സത്യം എവിടേയും തുറന്ന് പറയാന്‍ ഒരു മടിയും ഇല്ലെന്നും ബോബി പറയുന്നു.

പ്രത്യേക സ്ഥാനം വേണ്ട

പ്രത്യേക സ്ഥാനം വേണ്ട

നുണപറഞ്ഞുകൊണ്ട് , ഇമേജ് ഉണ്ടാക്കി ഏതെങ്കിലും പ്രത്യേക സ്ഥാനത്ത് എത്തിച്ചേരാന്‍ താന്‍ ആഗ്രഹിയ്ക്കുന്നില്ലെന്നും ആ ഫേസ്ബുക്ക് പോസ്റ്റില്‍ പറയുന്നുണ്ട്.

സോഷ്യല്‍ വര്‍ക്കര്‍, സ്‌പോര്‍ട്‌സ് മാന്‍... ബി,സിനസ് മാന്‍

സോഷ്യല്‍ വര്‍ക്കര്‍, സ്‌പോര്‍ട്‌സ് മാന്‍... ബി,സിനസ് മാന്‍

താന്‍ ഒരു സോഷ്യല്‍ വര്‍ക്കറും സ്‌പോര്‍ട്‌സ്മാനും മാത്രമല്ല, ഒരു ബിസിനസ് മാനും കൂടു ആയിപ്പോയി എന്നതുകൊണ്ട് ബിസിനസ് രംഗത്തെ വൈരാഗ്യവും അസൂസയയും തടയാന്‍ കഴിയില്ലെന്ന് പറഞ്ഞാണ് ഫേസ്ബുക്ക് പോസ്റ്റ് അവസാനിപ്പിയ്ക്കുന്നത്.

ആ പേജ് കാണാനില്ല

ആ പേജ് കാണാനില്ല

കാര്യങ്ങള്‍ ഇങ്ങനെ വെട്ടിത്തുറന്ന് പറഞ്ഞെങ്കിലും നിലവില്‍ ആ ഫേസ്ബുക്ക് പോസ്റ്റ് പോയിട്ട്, ഫേസ്ബുക്ക് പേജ് പോലും കാണാനില്ല.

English summary
Boby Chemanur confirms in Facebook post that the person in the sting video is he himself, but alleges manipulation. The Facebook post and Facebook pafe is not available now.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X