591 എന്ന നമ്പറിലേക്ക് തിരിച്ചുവിളിക്കരുത്! മുന്നറിയിപ്പുമായി പോലീസ്!
മിസ്ഡ് കോളിലൂടെ പണം തട്ടിയെടുക്കുന്ന ബൊളീവിയന് മിസ്ഡ് കോള് തട്ടിപ്പ് വ്യാപകമാകുന്നു. പ്രത്യേക കോളിലൂടെ സര്വ്വീസ് ദാതാവിനും കമ്പനിക്കും പണം ലഭിക്കുന്ന ഈ തട്ടിപ്പിന് ഇരയായത് നിരവധി മലയാളികളാണ്.
വിവിധ വിദേശ രാജ്യങ്ങളില് നിന്നാണ് ഈ മിസ്ഡ് കോളിന്റെ വരവ്. തിരിച്ചുവിളിക്കുന്നവര്ക്കെല്ലാം പണം നഷ്ടമാവും. ഒരു മിനിറ്റ് 16 രൂപാ നിരക്കിലാണ് പണം നഷ്ടപ്പെടുക. +5 എന്ന് തുടങ്ങുന്ന നമ്പറില് നിന്നാണ് തട്ടിപ്പ് കോള് എത്തുന്നതെന്ന് പോലീസ് പറയുന്നു. അതേസമയം കേരളത്തിലെ ഉപഭോക്താക്കളുടെ നമ്പര് ഇവര്ക്ക് എങ്ങനെയാണ് ലഭിക്കുന്നതെന്ന വിവരം കണ്ടെത്താന് ആയിട്ടില്ല.
വിദേശ നമ്പര്
+59160940305, +59160940365, +59160940101, +59160940410 എന്നീ നമ്പറുകളില് നിന്നാണ് കേരളത്തിലെ മൊബൈലുകളിലേക്ക് കോളുകള് എത്തുന്നത്. മിസ്കോള് വന്ന് തിരിച്ചുവിളിച്ചാല് സംഗതി പാളും. മിനിറ്റിന് 16 രൂപയാണ് ഉപഭോക്താവിന് നഷ്ടപ്പെടുക.
പ്രതിദിനം
പ്രതിദിനം അഞ്ച് കോളുകള്ക്ക് മുകളില് കേരളത്തിലെ ഉപഭോക്താക്കളില് ഒരാള്ക്ക് വരുന്നതായി പോലീസ് കണ്ടെത്തിയിട്ടുണ്ട്. നിരവധി പരാതി ഉയര്ന്ന പിന്നാലെ പോലീസ് നടത്തിയ അന്വേഷണത്തിലാണ് ബൊളീവിയയിലെ ന്യൂവാടെല് എന്ന കമ്പനിയാണ് ഇതിന് പിന്നില് എന്ന് കണ്ടെത്തിയത്. അതേസമയം ഈ കമ്പനിയില് രജിസ്റ്റര് ചെ്ത തട്ടിപ്പുകാരനും കമ്പനിക്ക് തട്ടിപ്പിന്റെ ലാഭവിഹിതം നല്കുന്നതിനാല് തട്ടിപ്പ് നടത്തുന്ന ആളുടെ പേര് കമ്പനി നല്കാന് തയ്യാറല്ല.
ദീര്ഘനേരം
യുവാക്കളെ ലക്ഷ്യം വെച്ചാണ് ഈ കോളുകളില് പലതും എത്തുന്നതെന്ന് മംഗളം റിപ്പോര്ട്ട് ചെയ്യുന്നു. വ്യാപകമായി സന്ദേശം അയച്ചും ഇവര് ഇരകളെ വലയിലാക്കും. ഫോണില് എത്തുന്ന അശ്ലീല സന്ദേശങ്ങളില് വീഴുന്നവരാണ് ഇവരുടെ പ്രധാന ഇരകള്.
മിസ്ഡ് കോള്
ഇരകളെ കണ്ടെത്തി കഴിഞ്ഞാല് ഇവര് പിന്നീട് +5 എന്ന നമ്പറില് നിന്ന് അവരുടെ ഫോണിലേക്ക് ഒരു മിസ്ഡ് കോള് അടിക്കും. പിന്നീട് തിരിച്ചു വിളിക്കുമ്പോഴേക്കും അങ്ങേ തലയ്ക്കല് കമ്പനിയുടെ ആളുകള് റെഡിയായിരിക്കും. പുരുഷനാണ് വിളിക്കുന്നതെങ്കില് മറുതലയ്ക്കല് സംസാരിക്കാന് സ്ത്രീയായിരിക്കും.
ഞെരമ്പ് രോഗികള്
വന് തുകയാണ് ഇത്തരം കോളിലൂടെ നഷ്ടപ്പെടുക. ഞെരമ്പുരോഗികളില് പലര്ക്കും ബൊളിവിയന് കമ്പനിയുടെ അശ്ലീല ചാറ്റില് പെട്ട് പണം നഷ്ടമായിട്ടുണ്ടെന്നാണ് റിപ്പോര്ട്ട്.
വിദേശ രാജ്യങ്ങള്
591 എന്ന നമ്പറില് തുടങ്ങുന്ന കോളിലേക്ക് മാത്രമല്ല വിദേശ രാജ്യങ്ങളുടെ നമ്പറുകളില് നിന്ന് വരുന്ന ഒരു നമ്പറിലേക്കും തിരിച്ചുവിളിക്കരുതെന്ന് പോലീസ് മുന്നറിയിപ്പ് നല്കിയിട്ടുണ്ട്.
ആധാര് വിവരങ്ങള്
10 അക്ക നമ്പറുകള് 12 അക്കമായി മാറ്റുന്ന എന്ന വ്യാജേന ഉപഭോക്താക്കളുടെ ആധാര്, ബാങ്ക് വിവരങ്ങള് എന്നിവ മനസിലാക്കി ബാങ്കില് നിന്നും പണം തട്ടുന്ന രീതിയും സംഘം നടപ്പാക്കുന്നുണ്ട്. കൂടാതെ ഓണ്ലൈന് പണമിടപാടുകളിലെ തട്ടിപ്പിനായി ഉപഭോക്താവിനെ കബിളിപ്പിച്ച് വണ് ടൈം പാസ്വേര്ഡ് തട്ടിയെടുത്ത് പണം തട്ടുന്നതും സംഘത്തിന്റെ രീതിയാണ്.
സൈബര് സഹായങ്ങള്
ആര്ക്കെങ്കിലും ഇത്തരത്തിലുള്ള കോളുകള് ലഭിച്ചാല് ഉടന് പോലീസില് വിവരം അറിയിക്കണമെന്ന് ഡിജിപി ലോക്നാഥ് ബെഹ്റ പറഞ്ഞു. അതോടൊപ്പം തന്നെ വിദേശ ഇടപാടുകള് നിങ്ങളുടെ ബാങ്ക് അക്കൗണ്ട് വഴി നടത്താന് ആവശ്യമില്ലാത്തവര് അക്കാര്യം ബാങ്കിനെ കണ്ട് ഡി ആക്റ്റിവേറ്റ് ചെയ്യണെമെന്നും പോലീസ് അറിയിച്ചു.
എറണാകുളം, കോതമംഗലം
എറണാകുളം, കോതമംഗലം എന്നിവിടങ്ങളില് നിന്ന് കഴിഞ്ഞ ദിവസം ഇത്തരത്തില് തട്ടിപ്പിന് ഇരയായവരുടെ തുക വീണ്ടെടുത്തിട്ടുണ്ടെന്ന് പോലീസ് പറഞ്ഞു. സൈബര് സെല് സഹായങ്ങള്ക്കായി 9497976005 എന്ന നമ്പറില് ബന്ധപ്പെടാമെന്നും പോലീസ് അറിയിച്ചിട്ടുണ്ട്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google