Click it and Unblock the Notifications
Just In
Don't Miss
-
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
'ഇത്രയൊക്കെ പണം നയൻതാര മുടക്കാറുണ്ടോ... ലുക്കിൽ മാത്രമെ സിംപ്ലിസിറ്റിയുള്ളു'; ചർച്ചയായി നയൻതാരയുടെ വാച്ച്! -
IPL 2024: പുറത്തായ ബട്ട്ലറെ പച്ചത്തെറി വിളിച്ച് പിയുഷ് ചൗള; കാണിച്ചത് മര്യാദകേട്! -
കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ -
വിളിച്ചാല് വിളിപ്പുറത്തെത്തും; കാര്യസിദ്ധിക്ക് പേരുകേട്ട ഇന്ത്യയിലെ പ്രധാന ഹനുമാന് ക്ഷേത്രങ്ങള് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഇടുക്കിയില്‍ കുഴല്‍ക്കിണര്‍ നിര്‍മ്മാണത്തിന് നിയന്ത്രണം
കടുത്ത വരള്‍ച്ചയുടെ അടിസ്ഥാനത്തില്‍ ഭൂഗര്‍ഭ ജലത്തിന്റെ അമിത ചൂഷണം കുറക്കുതിനായി ജില്ലയില്‍ കുഴല്‍ കിണറുകള്‍ നിര്‍മ്മിക്കുന്നതിന് നിയന്ത്രണങ്ങള്‍ ഏര്‍പ്പെടുത്തി.2017ലും എപ്രില്‍ മെയ് മാസങ്ങളില്‍ കുഴല്‍ കിണറുകളുടെ നിര്‍മ്മാണത്തിന് കൃത്യമായ പരിതി ഏര്‍പ്പെടുത്തിയിരുന്നു. വേനല്‍ചൂടുക്കൂടുന്ന സാഹചര്യത്തിലാണ് ഇക്കുറിയും ഏപ്രില്‍, മെയ് മാസങ്ങളില്‍ കുഴല്‍ കിണര്‍ നിര്‍മ്മാണത്തിന് നിയന്ത്രണം ഏര്‍പ്പെടുത്താന്‍ ജില്ലാ ദുരന്ത നിവാരണ അതോറിറ്റി തീരുമാനിച്ചത്.ജില്ലയുടെ വിവിധ ഭാഗങ്ങളില്‍ ഭൂപ്രകൃതിയനുസരിച്ചായിരിക്കും നിയന്ത്രണം ഏര്‍പ്പെടുത്തുക.
തൊടുപുഴ, ഇളംദേശം എന്നീ ബ്ലോക്കുകളുടെ പരിതിയില്‍ വരുന്ന പ്രദേശങ്ങളില്‍ സ്വകാര്യ ആവശ്യത്തിനായി 100 മീറ്ററില്‍ കൂടാത്ത ആഴത്തിലും, ഇടുക്കി, കട്ടപ്പന, നെടുങ്കണ്ടം, അഴുത, ദേവികുളം, അടിമാലി എന്നീ ബ്ലോക്കുകളുടെ പരിതിയില്‍ വരുന്ന കിണറുകള്‍ക്ക്് 150 മീറ്ററില്‍ കൂടാത്ത ആഴത്തിലും നിര്‍മ്മിക്കുന്നതിന് മുന്‍കൂര്‍ അനുമതിയുടെ ആവശ്യമില്ല.
മറ്റ് എല്ലാത്തരം കുഴല്‍ക്കിണറുകളും നിര്‍മ്മിക്കാന്‍ പ്രത്യേക അനുമതി ഭൂജല വകുപ്പില്‍ നിന്ന് മുന്‍കൂറായ വാങ്ങണമെന്ന് ദുരന്തനിവാരണ അതോറിറ്റി ചെയര്‍മാനും ജില്ലാകലക്ടറുമായ ജി.ആര്‍. ഗോകുല്‍ ഉത്തരവിട്ടു.
ഭൂജല വകുപ്പിന്റെ റിഗ്ഗ് രജിസ്ട്രേഷന്‍ എടുത്തിട്ടുള്ള ഏജന്‍സികള്‍,വാഹനങ്ങള്‍ എന്നിവ മുഖേന മാത്രമേ ജില്ലയില്‍ കുഴല്‍ക്കിണര്‍ നിര്‍മ്മിക്കുവാന്‍ പാടുള്ളൂ. ഈ ഉത്തരവ് മെയ് 31വരെ പ്രാബല്യത്തില്‍ ഉണ്ടായിരിക്കും. മേല്‍പ്പറഞ്ഞ നിയന്ത്രണങ്ങള്‍ ഫലപ്രദമായി നടപ്പിലാക്കുന്നതിന് ഭൂജല വകുപ്പ് ഉദ്യോഗസ്ഥര്‍, തഹസീല്‍ദാര്‍മാര്‍, പഞ്ചായത്ത് സെക്രട്ടറിമാര്‍ എന്നിവരെ ചുമതലപ്പെടുത്തി.
