Click it and Unblock the Notifications
Just In
Don't Miss
-
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
കൈക്കൂലി വാങ്ങിയ വനിതാ എന്‍ജിനീയര്‍ക്കും ഡ്രൈവര്‍ക്കും 'പണി കൊടുത്ത്' ജി സുധാകരന്‍...
സെക്രട്ടേറിയറ്റ് പരിസരത്ത് വെച്ച് ഇരുവരും കൈക്കൂലി വാങ്ങുന്നത് സിസിടിവി ദൃശ്യങ്ങളില്‍ നിന്ന് വ്യക്തമായിരുന്നു.
തിരുവനന്തപുരം: സെക്രട്ടേറിയറ്റ് പരിസരത്ത് നിന്ന് പരസ്യമായി കൈക്കൂലി വാങ്ങിയ പൊതുമരാമത്ത് വകുപ്പ് എക്‌സിക്യൂട്ടിവ് എന്‍ജിനീയറെയും ഡ്രൈവറെയും സസ്‌പെന്‍ഡ് ചെയ്തു. പൊതുമരാമത്ത് വകുപ്പ് തിരുവനന്തപുരം ഇലക്ട്രിക്കല്‍ ഡിവിഷന്‍ എക്‌സിക്യൂട്ടീവ് എന്‍ജിനീയര്‍ ഷഹാന ബീഗത്തെയും ഡ്രൈവര്‍ എജെ പ്രവീണ്‍കുമാറിനെയുമാണ് മന്ത്രി ജി സുധാകരന്റെ നിര്‍ദേശപ്രകാരം സസ്‌പെന്‍ഡ് ചെയ്തത്.
സെക്രട്ടേറിയറ്റ് പരിസരത്ത് വെച്ച് ഇരുവരും കൈക്കൂലി വാങ്ങുന്നത് സിസിടിവി ദൃശ്യങ്ങളില്‍ നിന്ന് വ്യക്തമായിരുന്നു. ഫെബ്രുവരി മൂന്നിനാണ് ഷഹാന ബീഗവും ഡ്രൈവറും കൈക്കൂലി വാങ്ങിയത്. സെക്രട്ടേറിയറ്റിലെ ഫയര്‍ സുരക്ഷാ സംവിധാനങ്ങള്‍ പരിശോധിക്കാനെത്തിയ സമയത്താണ് ഇരുവരും ഔദ്യോഗിക വാഹനത്തില്‍ വെച്ച് കൈക്കൂലി വാങ്ങിയത്. കൈക്കൂലി വാങ്ങുന്നതിന്റെ ദൃശ്യങ്ങള്‍ സെക്രട്ടേറിയറ്റിലെ സിസിടിവിയില്‍ കൃത്യമായി പതിഞ്ഞിരുന്നു.
കോണ്‍ട്രാക്ടര്‍ കൈക്കൂലി പണം എന്‍ജിനീയറുടെ വാഹനത്തില്‍ വെയ്ക്കുന്നതാണ് ദൃശ്യങ്ങിലുള്ളത്. കോണ്‍ട്രാക്ടറോടൊപ്പമുണ്ടായിരുന്ന മറ്റൊരാള്‍ ഡ്രൈവര്‍ക്കും കൈക്കൂലി നല്‍കി. ഇരുവരും കൈക്കൂലി വാങ്ങിയെന്ന ആരോപണമുയര്‍ന്ന പശ്ചാത്തലത്തിലാണ് മന്ത്രി പ്രശ്‌നത്തില്‍ ഇടപെടുന്നത്.
തുടര്‍ന്ന് മന്ത്രി ജി സുധാകരന്റെ നിര്‍ദേശപ്രകാരം സിസിടിവി ദൃശ്യങ്ങള്‍ പരിശോധിക്കുകയായിരുന്നു. എന്‍ജിനീയറും ഡ്രൈവറും കൈക്കൂലി വാങ്ങിയെന്ന് വ്യക്തമായതോടെ ഇരുവരെയും സസ്‌പെന്‍ഡ് ചെയ്യാനും മന്ത്രി ഉത്തരവിട്ടു. ഇവര്‍ക്കെതിരെയും കൈക്കൂലി നല്‍കിയ കോണ്‍ട്രാക്ടര്‍ക്കെതിരെയും വിജിലന്‍സ് കേസ് രജിസ്റ്റര്‍ ചെയ്ത് അറസ്റ്റ് ചെയ്യാനും മന്ത്രി നിര്‍ദേശം നല്‍കിയിട്ടുണ്ട്.
